By Chamila Karawita

කුසල් ලා යුගලය වූ කුසල් මෙන්ඩිස් ලකුණු 49 ක් සහ කුසල් පෙරේරා ලකුණු 53 ක් වශයෙන් ලකුණු රැස් කිරීමට සමත්වීම නිසා ලංකා ප්‍රිමියර් ලීග් ක්‍රිකට් තරගාවලියේ අවසන් වටය යටතේ පැවැති පළමු සුදුසුකම් ලැබීමේ තරගයේදී ගෝල් ටයිටෑන්ස් කණ්ඩායමට එරෙහිව කඩුලු 6 ක ජයක් වාර්තා කළ දඹුල්ල අවුරා කණ්ඩායම අපහසුවකින් තොරවම අවසන් මහ තරගයට අද (17 දා) සුදුසුකම් ලබා ගත්තේය. දඹුල්ල අවුරා කණ්ඩායමක් ලංකා ප්‍රිමියර් ලීග් අවසන් මහ තරගයකට සුදුසුකම් ලද පළමු අවස්ථාව ලෙසින්ද මෙම තරගාවලිය ඉතිහාසයට ඒක් විය.

කොළඹ ආර්. ප්‍රේමදාස ක්‍රීඩාංගණයේ පැවැති මෙම පළමු සුදුසුකම් ලැබීමේ තරගයේදී ලකුණු 147 ක ඉලක්කයක් හඹා ගිය දඹුල්ල අවුරා පිතිකරුවෝ පන්දු 2 ක් ඉතිරිව තිබියදී ඉලක්කය සපුරා ගත්හ. අද දිනයේ පරාජයට පත් වුවද ගෝල් ටයිටෑන්ස් කණ්ඩායමට අවසන් මහ තරග අවස්ථාවට සුදසූකම් ලබා ගැනීම සඳහා තවත් අවස්ථාවක් පවතිනු ඇත. එහෙත් ඔවුනට අද රාත්‍රියේ පැවැත්වෙන බී – ලව් කැන්ඩි කණ්ඩායම සහ ජැෆ්නා කිංග්ස් කණ්ඩායම අතර තරගයේ ජයග්‍රාහකයින් සමඟ ලබන සෙනසුරාදා පැවැත්වෙන දෙවැනි සුදුසුකම් ලැබීමේ තරගය ජය ගැනීමෙනි.

මෙම තරගාවලිය පුරාම ලකුණු අතර සිටි අවිශ්ක ප්‍රනාන්දු හයේ පහර 3 ක් සහ හතරේ පහරක් සමඟින් පන්දු 14 කදී ලකුණු 24 ක් ලබා ගත් නමුත් ඔහු ලකුණු 33 දී දවා ගැනීමට ශක්බී අල් හසන් සමත්විය. ප්‍රහාරක ආරම්භක පිතිකරුවා දැවී ගියද ඒතරම් කලබලයකට පත් නොවුණු නායක කුසල් මෙන්ඩිස් ජයග්‍රහණයට ලකුණු 14 ක් අවශ්‍ය වන තෙක්ම කඩුල්ලේ රැඳී සිටියේය.

ටබ්‍රේස් ශම්සිගේ පන්දුවකට කඩූල්ල මුවා කීරීමේ වරදට හසුව කුසල් පිටියෙන් ඉවත් වන විටත් ඔහු සමඟ පන්දුවට පහර දෙමින් සිටි අනෙක් කුසල් වූ කුසල් පෙරේරා පන්දු 56 කින් තෙවැනි කඩුල්ල වෙනුවෙන් ලලකුණු 69 ක් රැස් කිරීමට දායකත්වය ලබා දී තිබුණේය. දැවී යන විටත් ඉවසිලිවන්ත වූ ඉනිමක් දියත් කළ මෙන්ඩිස් හතරේ පහර 6 ක් ද සමඟින් පන්දු 45 කදී ලකුණු 49 ක් ලබා සිටියේය.

අද දිනයේදී සිය 33 වැනි උපන්දිනය සමරන කුසල් පෙරේරා ද ජයග්‍රහණයට ලකුණක් තිබියදී දසුන් ශානක පෙරළා උඩ පන්දුවක් රැක ගැනීම නිසා පිටියෙන් ඉවත් විය. කෙසේ වෙතත් ඒ් වන විටත් තම උපන්දිනය සැමරීම වෙනුවෙන් හේ හයේ පහර 3 ක් සහ හතරේ පහර 4 ක් සමඟින් පන්දු 39 කදී ලකුණු 53 ක් ලබා ගැනීමට කුසල් පෙරේරා සමත්ව සිටියේය.

අවසන් පන්දුවාර 2 දී පිතිකරුවන් සිවු දෙනෙකුම දැවී යෑම නිසා ගෝල් කණ්ඩායමට පයහසුවෙන්ම ලකුණු 160 කට යෑමට තිබූ අවස්ථාව අවහිර විය. 18 වැනි පන්දුවාරය අවසන් වන විට ගෝල් ලකුණු පුවරුව සටහන් වූයේ කඩුලු 6 ට ලකුණු 139 ක් ලෙසිනි.

ප්‍රතිවාදී නායකයාගේ ආරාධනයෙන් පන්දුවට පහර දුන් ටයිටෑන්ස් කණ්ඩායම වෙනුවෙන් ලසිත් කෲස්පුල්ලේ පමණක් දක්ෂතා අතරට පැමිණියේය.  ඒ් හැරුණු කොට ගෝල් ඉනිමේ කිසිදු පිතිකරුවකට ලකුණු 20 සීමාව ඉක්මවා යෑමට දඹුලු පන්දු යවන්නෝ අවස්ථාව ලබා නොදුන්හ. ඒ් අතරින් කැපී පෙනුණු හේඩ්න් කර් ලකුණු 18 ක් ඇතුළත කඩුලු 3 ක් දවා ගනිමින් ගෝල් පිතිකරුවෝ අන්දමන්ද කළේය.

ගෝල් ඉනිම අපහසුතාවයට පත්වීමට ගත වූයේ දෙවැනි පන්දුව යැවීම සඳහා ගත කරන ලද කාලය පමණි. බිනුර ප්‍රනාන්දුගේ පන්දුවකට භානුක රාජපක්ෂ දැවී ගිය අතර ලිටන් දාස්ද ලකුණු 08 කට දැවී යෑම නිසා ගාල්ල ආරම්භය අසාර්ථක වූයේ. ඒහෙත් ශකීබ් අල් හසන්ට ඒක්වූ කෲස්පුල්ලේ ලකුණු 76 ක් දක්වා කණ්ඩායම රැගෙන යමින් ගෝල් පිල අසීරුතාවයෙන් යන්තමකට මුදවා ගැනීමට සමත්වූවේය. කෙසේ වෙතත් ලකුණු 19 ක් ලබා සිටි ශකීබ් දැවී යෑඹ නිසා දෙදෙනා අතර සම්බන්ධතාව පන්දු 38 කදී ලකුණු 51 කින් නිමාවට පත්විය.

සෙසු පිතිකරුවන්ගේ සහයෝගය නොලැබුණද තම නොසැළී තබා ගත් කෲස්පුල්ලේ දැවී යන විටත් පන්දු 61 කට මුහුණ දී ලකුණු 80 ක් දක්වා තම ඉනිම ඉහළ දමා ගත්තේය. ඒ් ඊට හතරේ පහර 7 ක්ද ඇතුළත් කරමිනි.

තරගයේ වීරයා – කුසල් මෙන්ඩිස්