පළමු තරගය ජය ගත්තද දෙවැනි තරගයේදී යළි සටනට පිවිසි බටහිර ඉන්දීය කොදෙව් අවුරුදු 19 න් පහළ ක්‍රීඩකයෝ රංගිරි දඹුලු අන්තර්ජාතික ක්‍රීඩාංගණයේදී අද (30 දා) පැවැති දෙවැනි පන්දුවාර 50 තරගයෙන් ශ්‍රී ලංකා යොවුන් පිලට එරෙහිව ලකුණු 195 ක දැවැන්ත තරග ජයක් වාර්තා කළේය. ඒ් සමඟම තරගාලිය 1-1 ක් ලෙස ද සම තත්ත්වයට රැගෙන ඒ්මට කොදව් යොවුන් පිට හැකියාව ලැබිණ.

කාසියේ වාසියත් සමඟ ශ්‍රී ලංකා පිල පළමුව පන්දුවට පහර දීමට කොදෙව් කණ්ඩායමට ලබා දුන් නමුත් සිදුවූයේ කිසි විටෙකත් අපේක්ෂා නොකළෙකි. ශ්‍රී ලංකා පන්දු යවන්නන් හමුවේ ඉවක් බවක් නැතිව පන්දුවට පහර දුන් කොදෙව් පිතිකරුවෝ පන්දුවාර 50 අවසන් වද්දී කඩුලු 8 ක් දැවී ලකුණ 321 ක ඉලක්කයක් ශ්‍රී ලංකාව හමුවේ ලබා දුන්හ. එහිදී කැපී පෙනන පිතිහරඹයක නිරත වුණු ජෝර්ඩින් ජොන්සන් ලකුණු 105 ක් ද ජොෂුවා ඩෝන් ලකුණු 56 ක්ද වශයෙන් ලකුණු ලබා ගනිද්දී ටරික් එඩ්වඩ් නොදැවී ලකුණු 53 ක් ලබා කොදෙව් ලකුණු පුවරුව ශක්තිමත් සහ වේගවත් කළහ.

පන්දුවාරයකට ලකුණු 6 කට වඩා රදවා ගතයුතු වීමේ අභියෝගයද කර පින්නාගෙන පිටියට පිවිසි ශ්‍රී ලංකා යොවුන් කණ්ඩායම පන්දවාර 30.5 කදී ලකුණු 125 කට සීමා කිරීමට කොදෙව් පන්දු යවන්නෝ සමත්වූහ. ශ්‍රී ලංකා යොවුන් පිල වෙනුවෙන් මල්ෂ තරුපති පමණක් අර්ධ ශතකයක් (51) රැස් කර ගත්තේය.

දෙරට අතර පැවැත්වෙන තීරණාත්මක තෙවැනි තරගය ලබන සැප්තැම්බර් 01 වැනිදා රංගිරි දඹුලු ක්‍රීඩාංගණයේදී පැවැත්වේ.

බටහිර ඉන්දීය කොදෙව් යොවුන් පිල පන්දුවාර 50 දී කඩුලු 8 ක් දැවී ලකුණු 320 යි – (ජෝරඩින් ජොන්සන් 105, ජොෂුවා ඩෝන් 56, ටරික් එඩ්වඩ් 53*, ඒ්ඩ්‍රියන් වියර් 32, මාවේන්ද්‍ර ද්න්ද්‍යාල් 22, ඩිවෝන් ජෝෂප් 10, නේතන් එඩ්වඩ් 13, සිනෙත් ජයවර්ධන 36/4)

ශ්‍රී ලංකා යොවුන් පිල පන්දුවාර 30.5 කදී සියලු දෙනා දැවී ලකුණු 125 යි – (දිනුර කලුපහන 18, මල්ෂ තරුපති 51, විහස් තව්මික 18, නේදන් එඩ්විඩ් 17/2, දේශ්වාන් ජේම්ස් 30/3, ඉසායි තෝර්න් 18/3)