slc
logo
Home   |    News
අගෝස්තු 14, 2023
ගෝල් පරදා ඊළඟ වටයට යෑම අපේ අරමුණයි – පැතුම් නිස්සංක

sinhala editor

බී – ලව් – කැන්ඩි කණ්ඩායම සමඟ අප අද (13) ක්‍රීඩා කළ ආකාරයට අඟහරුවාදා (15) ගෝල් ටයිටන්ස් සමඟත් ක්‍රීඩා කළහොත් අපට පහසුවෙන් අවසන් කණ්ඩායම් 4 වටයට යෑමට අවස්ථාව උදාවන බව තරගයේ දක්ෂතම ක්‍රීඩකයා ලෙස තේරුණු කළම්බු ස්ට්‍රයිකර්ස් කණ්ඩායමේ ආරම්භක පිතිකරු පැතුම් නිස්සංක පවසයි.

බී – ලව් – කැන්ඩි සමඟ අද (13) පැවැති තරගයේදී අප මීට වඩා මඳක් හොඳින් ක්‍රීඩා කර ඉදිරියෙන් සිටියේ නම් අපට ලකුණු රැස් කිරීමේ දළ වේගයෙන් ජැෆ්නා කින්ග්ස්ට වඩා ඉදිරියෙන් සිටිමින් තරගාවලියේ මීට වඩා ඉහළ ස්ථානයට යාමට අවස්ථාව තිබූ බව කී පැතුම් නිස්සංක කෙසේ වුව ද ඊළඟ වටයට යාමට අප ගෝල් ටයිටන්ස් තරගය අඟහරුවාදා (15) ජය ගැනීම අනිවාර්යය විය යුතු බව ද කීවේය.

කැන්ඩි කණ්ඩායම සමඟ ඉරිදා (13) පැවැති තරගයේදී කළම්බු ස්ටාර්ස් ජයග්‍රහණය කරවීමේ අරමුණින්ම පිටියට පිවිසි තමාට අර්ධ ශතකයක් (51) ලබා ඊට දායකත්වය ලබාදීමට අවස්ථාව සැළසීම ගැන සතුටු වන බව කී පැතුම් නිස්සංක තෙවන කඩුල්ලට නිපුන් ධනංජය සමඟ හොඳ සම්බන්ධතාවයක් තබා ගැනීමෙන් කණ්ඩායම ස්ථාවර තත්ත්වයකට පත් කිරීමට ඔවුන් දෙදෙනාට අවස්ථාව උදා වූ බව ද පැවසීය.

පැතුම් නිස්සංක සහ නිපුන් ධනංජය තෙවන කඩුල්ලට ලකුණු 69ක සබඳතාවයක් තබාගත් අතර එහිදී පැතුම් නිස්සංක පන්දු 38කදී හතරේ හතරක් හයේ පහරක් සමඟ ලකුණු 51ක් ද නිපුන් ධනංජය පන්දු 29කදී හතරේ පහරක් හයේ පහර තුනක් සමඟ ලකුණු 40ක් ද රැස් කළහ.

නිපුන් සහ මා පන්දුවට පහර දෙද්දී ක්‍රීඩාංගණයේ වම් පෙදෙසේ හතරේ සීමාව ළඟ ඇති පැත්තෙන් අප දෙදෙනා වැඩිපුරම ලකුණු ලබා ගත්තා. නිපුන් මා හට දුන් සහයෝගය උපයෝගී කරගෙන තරගය අපට වාසිදායක ලෙසට හරවා ගැනීමට අපට අවස්ථාව උදා වූ බව ද නිස්සංක පවසයි.

අපට පෙර පැවැති ජැෆ්නා කින්ග්ස් සහ ගෝල් ටයිටන්ස් අතර තරගයේදී තණතිල්ල මඳක් මන්දගාමී ස්වරූපයක් ඉසිලුවත් අප සහභාගි  වූ දෙවන තරගය වන විට තණතිල්ල සාමාන්‍ය තත්ත්වයට හැරෙමින් පැවැති නිසා මා හට ස්වාභාවික පිතිහරඹයේ නියැළීමට අවස්ථාව සැළසුණු බව ද පැතුම් කීය.

දක්ෂම කණ්ඩායම් හතර මේ වන විට ඉදිරියට එමින් පවතින බව පවසන පැතුම් නිස්සංක අඟහරුවාදා (15) ගෝල් ටයිටන්ස් තරගය ජයගෙන සුදුසුකම් ලැබීමේ දෙවන වටයට යාමට සියලු ක්‍රීඩකයන් අපේක්ෂාවෙන් පසු වන බව ද කියයි.

බන්දුල මොල්ලිගොඩ

Active filters

Recent Posts

  • වෝන් – මුරලි කුසලානය ඔස්ට්‍රේලියාව රැගෙන යයි
    සංචාරක ඔස්ට්‍රේලියානු ක්‍රිකට් පිල හා ශ්‍රී ලංකාව අතර වෝන් – මුරලි ටෙස්ට් තරගාවලියේ දෙවැනි තරගයෙන් ඔස්ට්‍රේලියාව කඩුලු 9ක ජයක් හිමි කර ගත්තේය. දෙරට අතර ගාල්ලේදී පැවැති පළමු ටෙස්ට් […]
  • ළහිරු උදාරගෙන් ද්විත්ව ශතකයක්
     ශ්‍රී ලංකා ක්‍රිකට් සංවිධානය කරන මේජර් ලීග් තුන්දින අන්තර් සමාජ ක්‍රිකට් තරගාවලියේ මොරටුවේ පැවැත්වෙන එන්.සී.සී. – මුවර්ස් තරගයේ දී එන්.සී.සී. කණ්ඩායමේ ආරම්භක පිතිකරු ළහිරු උදාර පන්දු 214කට මුහුණ […]
  • ශ්‍රී ලංකා පිල ලකුණු 54ක් ඉදිරියෙන්
    ‍සංචාරක ඔස්ට්‍රේලියානු ක්‍රිකට් පිල හා ශ්‍රී ලංකාව අතර වෝන් – මුරලි ටෙස්ට් තරගාවලියේ දෙවැනි තරගයේ තෙවැනි දිනය නිමාවෙද්දී ශ්‍රී ලංකා පිල කඩුලු 2ක් අතැතිව ලකුණු 54ක් ඉදිරියෙන් සිටී. […]
  • බදුරලිය – කුරුණෑගල යූත් ප්‍රබල තත්ත්වයක
    ශ්‍රී ලංකා ක්‍රිකට් මෙහෙයවීමෙන් පැවැත්වෙන මේජර් ලීග් තුන්දින අන්තර් සමාජ ක්‍රිකට් තරගාවලියේ සී.සී.සී. – කුරුණෑගල තරුණ අතර තරගයේ දී සී.සී.සී. කණ්ඩායම පළමු ඉනිමේ දී ලකුණු 262කට දවාලු කුරුණෑගල […]
  • ඔස්ට්‍රේලියාව ලකුණු 73කින් ඉදිරියට
    සංචාරක ඔස්ට්‍රේලියානු ක්‍රිකට් පිල හා ශ්‍රී ලංකාව අතර වෝන් – මුරලි ටෙස්ට් තරගාවලියේ දෙවැනි තරගයේ දෙවැනි දිනය නිමාවෙද්දී පළමු ඉනිම වෙනුවෙන් ශ්‍රී ලංකා පිල ලබාගත් ලකුණු 257ට පිළිතුරු […]

Pin It on Pinterest

LKR Sri Lankan rupee