slc
logo
Home   |    News
සැප්තැම්බර් 6, 2023
දිනුරගේ සුපිරි ඉනිමෙන් යොවුන් පිල ප්‍රභල තැනකට

sinhala editor

බටහිර ඉන්දීය කොදෙව් අවුරුදචු 19 න් පහළ කණ්ඩායමට එරෙහිව රංගිරි දඹුලු ක්‍රීඩාංගණයේ පැවැත්වෙන පළමු සිව්දින තරගයේ දෙවැනි දිනයේදී පළමුව පන්දුවට පහර දුන් ශ්‍රී ලංකා යොවුන් ක්‍රීඩකයෝ කඩුලු 8 ක් දැවී ලකුණු 432 ක අභියෝගාත්මක ලකුණු සංඛ්‍යාවක් ලකුණු පුවරුවේ රැඳවීමට සමත්වූහ. දිනය අවසනදී ඊට පිළිතුරු ඉනිම ක්‍රීඩා කරමින් සිටින බටහිර ඉන්දීය කොදෙව් කණ්ඩායම කඩුල්ලක් දැවී ලකුණු 27 ක් ලබා සිටියේය.

ශ්‍රී ලංකා යොවුන් පිල වෙනුවෙන් සුපිරි පිතිහරඹයක් දියත් කළ දිනුර කලුපහන පන්දු 229 කදී ලකුණු 150 ක් රැස් කරමින් ඉනිමේ කොඳු නාරටිය බවට පත්වූයේය. හයේ පහර 2 ක් සහ හතරේ පහර 16 ක් ඇතුළත් කළ දිනුරගේ ඉනිම බිඳ දැමීමට කොදෙව් කණ්ඩායමේ කිසිදු පන්දු යවන්නකුට නොහැකි විය. ශ්‍රී ලංකා යොවුන් ක්‍රිකට් ඉතිහාසයේ ලකුණු 150 සීමාව ඉක්මවාලු හත් වැනි පිතිකරුවා බවට දිනුර අද ඉතිහාස ගත විය.

දිනුරට ප්‍රථම යශෝධ ලංකා (213), චරිත් අසලංක (200), දිනේෂ් චන්දිමාල් (184), පැතුම් නිස්සක (172), අසංක ගුරුසිංග (161) සහ ෂෙහාන් ඩැනියෙල් (155) ලකුණු 150 සීමාව ඉක්මවාලීමට සමත් සෙසු වයස අවුරුදු 19 න් පහළ නියෝජනය කළ පිතිකරුවෝ වෙති.

වර්ෂාවෙන් බාධා ඇතිව පැවැති දෙවැනි දිනයේදී පෙර දිනයේ පන්දුවට පහර දෙමින් සිටි රවිෂාන් නෙත්සර(31), සරුජන් සම්මුගනාදන් (17) සහ විශ්ව රාජපක්ෂ (09) තිදෙනාම මුලු ලකුණු සංඛ්‍යාව 215 ක් තිබියදී දැවී ගියද 7 වැනි කඩුල්ලට මල්ෂ තරුපති සමඟ ඒක් වූ දිනුර කලුපමන ලකුණු 103 ක සම්බන්ධතාවක් පවත්වමින් ශ්‍රී ලංකා ඉනිම ශක්තිමත් කළහ. ඒහිදී මල්ෂ පන්දු 58 කදී වේගවත් ලකුණු 65 ක් ලබා ගත්තේ හයේ පහර 2 ක් සහ හතරේ පහර 8 ක් සමඟිනි. තරුපතිගෙන් පසු පිටියට පිවිසි විහස් තෙව්මික කුණු 38 ක් ලබා ගත් අතර ඔහුගේ දැවී යෑමෙන් පසු තවත් පන්දුවක් යැවීමෙන් අනතුරුව ශ්‍රී ලංකා යොවුන් පිලේ පළමු ඉනිම කඩුලු 8 කට ලකුණු 432 කදී ඉනිම අත්හිටුවීය.

ශ්‍රී ලංකා අවු. 19 න් පහළ කණ්ඩායම පළමු ඉනිම පන්දුවාර 105 කදී කඩුලු 8 කට ලකුණු 432 යි – (දිනුර කලුපහන 150*, පුළිඳු පෙරේරා 71, සිනෙත් ජයවර්ධන 34, රවිෂාන් නෙත්සර 31, රුසඳ ගමගේ 07, සරුජන් ශන්මුගනාදන් 17, විශ්ව රාජපක්ෂ 09, මල්ෂ තරුපති 65, විහස් තෙව්මික 35, විශ්ව ළහිරු 00*, ටරික් ඒඩ්වර්ඩ් 99/3, නේතන් සීලි 100/2, ඉසායි තෝරන් 58/2)

බටහිර ඉන්දීය කොදෙව් ‌අවු. 19 න් පහළ පිල පන්දුවාර 7 කදී කඩුලු 1 ක් දැවී ලකුණු 27 යි – (ඒ්ඩ්‍රියන් වියර් 15, ස්ටීවන් පැස්කල් 05*, ජොෂුවා ඩ්‍රෝන් 06*, විහස් තෙව්මික 07/1)

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar