slc
logo
Home   |    News
සැප්තැම්බර් 4, 2023
දෙස්-විදෙස් ක්‍රීඩා මාධ්‍යවේදීන්ගෙන් ‘මාධ්‍ය කුටිය’ කාර්යය බහුල වෙයි

sinhala editor

ආසියානු කුසලාන ක්‍රිකට් තරගාවලිය යටතේ පැවැත්වුණු ඉන්දු-පාකිස්තාන තරගය මෙන්ම ආසියානු කුසලාන ක්‍රිකට් තරගාවලියේ තොරතුරු වාර්තා කිරීම සඳහා වාර්තාගත මාධ්‍යවේදීන් පිරිසක් පල්ලේකැලේ ක්‍රීඩාංගණය වෙත පැමිණ සිටීම කැපී පෙනෙන සිදුවීමක් විය.

2011 සහ 2012 වසරේදි ශ්‍රී ලංකාවේ පැවැති ලෝක කුසලාන ක්‍රිකට් තරගාවලිය ආවරණය කිරීම සඳහා ලොව නන්දෙසින් පැමිණි වාර්තාගත ක්‍රීඩා මාධ්‍යවේදීන්ගේ පැමිණීමෙන් පසු මෙරට මාධ්‍ය ආවරණ කුටියක් පිරී ඉතිරී ගිය පළමු අවස්ථාව වශයෙන දැන් පැවැත්වෙන ආසියානු කුසලාන ක්‍රිකට් තරගාවලිය නම් කළ හැක. ඒ් අනුව මෙම ආසියානු කුසලාන තරගාවලිය දේශීය සහ විදේශීය මාධ්‍යවේදීන් 200 කට අධික පිරිසකගෙන් සමන්විතය.

ශ්‍රී ලාංකික මාධ්‍යවේදීන් හැරුණු කොට විදෙස් රටවල් නියෝජනය කරමින් පැමිණ සිටින මාධ්‍යවේදීන් සංඛ්‍යාව 96 දෙනෙක් වන අතර දේශීය මාධ්‍යවේදීන් 117 ක් ද මෙවර තරගාවලිය ආවරණය කිරීම සඳහා ශ්‍රී ලංකා ක්‍රිකට් මාධ්‍ය අංශයෙන් තරග ආවරණ හැඳුණුම්පත් ලබාගෙන සිටිති.

පැමිණ සිටින විදෙස් මාධ්‍යවේදීන් අතර වැඩිම සංඛ්‍යාවක් පැමිණ ඇත්තේ අසල්වැසි ඉන්දියාව නියෝජනය කරමින් වන අතර ඊට පසු වැඩිම සංඛ්‍යාවක් පැමිණ ඇත්තේ බංග්ලාදේශය සහ පාකිස්තානය නියෝජනය කරමිනි. පළමු වතාවට ආසියානු කුසලාන තරගාවලියක් නියෝජනය කරනු ලබන රට බවට පත්ව සිටින නේපාලය නියෝජනය කරමින්ද මාධ්‍යවේදීන් සිව් දෙනෙකු පැමිණ සිටීම කැපී පෙනෙයි.

පාකිස්තානු ක්‍රිකට් පාලක මණ්ඩලය විසින් තරගාවලියේ සත්කාරකත්වය දැරුවද තරගාවලියේ සියලු සංවිධාන කටයුතු  සිදු කෙරෙන්නේ ශ්‍රී ලංකා ක්‍රිකට් ආයතනය බලධාරීන් මෙන්ම එහි සේවකයින් විසිනි. තරගාවලියේ සම අධ්‍යක්ෂකවරයා ලෙසින් ශ්‍රී ලංකා ක්‍රිකට් ආයතනයේ උප සභාපතිවරයකු වන රවීන් වික්‍රමරත්න මහතා කටයුතු කරනු ඇත.

Active filters

Recent Posts

  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]
  • පළමු ශතකය නිශාන් මධුශ්කගෙන්
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ පළමු තරගයෙන් ලකුණු 137ක දැවැන්ත ජයක් වාර්තා කිරීමට බඳුරලිය ක්‍රීඩා සමාජය සමත් වෙයි. කුරුණෑගල යොවුන් ක්‍රිකට් […]
  • කාන්තා ක්‍රිකට් දියුණු වෙන්නේ ක්‍රීඩිකාවන්ගේ කැපවීම නිසයි – චමරි අතපත්තු
    කාන්තා ක්‍රිකට් ක්‍රීඩාව ක්‍රමයෙන් දියුණු තත්ත්වයකට ගෙන ඒමට හැකි වූයේ සියලු දෙනාගේ කැපවීම හේතුවෙන් බව ශ්‍රී ලංකා ක්‍රිකට් නායිකා චමරි අතපත්තු පැවැසූවාය. පසුගිය වසර එකහමාරක කාලය තුලදී ප්‍රබල […]

Pin It on Pinterest

LKR Sri Lankan rupee