ආසියානු කුසලාන ක්‍රිකට් තරගාවලියේ සුපිරි කණ්ඩායම් 4 දෙනාගේ තරග වටය ආරම්භ කරමින් ලාහෝර්හිදී බංග්ලාදේශ පිලට එරෙහිව පැවැති තරගයේදී පාකිස්තානු පිල කඩුලු 7 ක ජයක් අත්කර ගැනීමට සමත්විය. එම ජයග්‍රණයත් සමඟම ප්‍රසාද ලකුණු සටහනේ පෙරමුණ ගැනීමටද පාකිස්තානු පිල සමත්ව සිටියි.

පළමුව පන්දුවට පහර දුන් බංග්ලාදේශ කණ්ඩායම ලකුණු 193 කට නවතාලූ පාකිස්තානු කණ්ඩායම එය හඹා යෑමේදී පන්දු 63 ක් සහ කඩුලු 7 ක් ඉතිරිව තිබියදී ඉලක්කය සපුරා ගත්තේය.

පාකිස්තානු ජය්‍රහණය වෙනුවෙන් ඉමාම් උල් හක් ලකුණු 78 ක් සහ මොහොමඩ් රිස්වාන් ලකුණු 63 ක් වශයෙන් අර්ධ ශතක ලබා ගනිමින් පිත්තෙන් දස්කම් දැක්වූහ.

කාසියේ වාසිය දිනා පළමුව පන්දුවට පහර දීමට බංග්ලාදේශ පිල තීරණය කළද පළමු පන්දුවාර 10 අවසන් වීමට මත්තෙන්ම ලකුණු 47 ක් ඇතුළත කඩුලු 4 ක් දවා ගැනීමට පාකිස්තානු පන්දු යවන්නෝ සමත්වූහ. එහෙත් පස්වැනි කඩුල්ලට එක් වුණු ශකීබ් අල් හසන් (53) සහ මුෂ්ෆිකර් රහීම් (64) බංග්ලාදේශ පිල ඉදිරියට රැගෙන ගියහ. ඒහෙත් ශකීබ්ගේ දැවී යෑමත් සමඟ ඉනිමේ අවසන් පිතිකරුවන් හය දෙනාම ලකුණු 46 ක් ඇතුළත දැවී යෑම කැපී පෙනිණ.

බංග්ලාදේශය පන්දුවාර 38.4 කදී ලකුණු 193 යි – (මොහොමඩ් නයීම් 20, ලිටන් දාස් 116, ශකීබ් අල් හසන් 53, මුෂ්ෆිකර් රහීම් 64, ශම්මි හොසේන් 16, අෆීෆ් හොසේන් 12, නසීම් ෂා 34/3, හාරිස් රවුෆ් 19/4)

පාකිස්තානය පන්දුවාර 39.3 කදී කඩුලු 3 ට ලකුණු 194 යි – (ෆකර් සමාන් 20, ඉමාම් උල් හක් 78, බාබර් අසාම් 17, මොහොමඩ් රිසාවාන් 63, අඝා සල්මාන් 12*)