පාකිස්තානු වයස අවුරුදු 19 න් පහළ කණ්ඩායමට එරෙහිව එක්දින සහ සිව්දින තරගාවලියකට සහභාගිවීම සඳහා ශ්‍රී ලංකා වයස අවුරුදු 19 න් පහළ කණ්ඩායම ඔක්තෝම්බර් මස 12 වැනිදා පාකිස්තානය බලාපිටත්ව යනු ඇත. එම තරගාවලිය යටතේ එක සිවුදින තරගාවලියක් සහ පන්දුවාර 50 තරග 5 ක ඇතුළත් වේ. මෙම සියලුම තරග ඔක්තෝම්බර් 15 වැනිදා සිට 31 වැනිදා දක්වා කරච්චි ජාතික ක්‍රීඩාංගණයේදී පැවැත්වෙනු ඇත.

මෙම තරගාවලිය ඔක්තෝම්බර් 15 වැනිදා ආරම්භ වන සිවුදින තරගයෙන් ආරම්භ වන අතර එම තරගයෙන් පසු ඔක්තෝම්බර් මස 22 වැනිදා සිට 31 වැනිදා දක්වා පැවැත්වෙන ඇත.

2024 වසරේදී ශ්‍රී ලංකාවේ පැවැත්වීමට නියමිත අවුරුදු 19 න් පහළ ලෝක කුසලාන ක්‍රිකට් තරගාවලිය ඉලක්ක කර ගනිමින් දෙපිළම යොදා ගනු ලබන මෙම තරගාවලියට ක්‍රීඩා කළ හැක්කේ 2004 වසරේ සැප්තැම්බර් මස 01 වැනිදා හෝ ඊට පසු උපන් ක්‍රීඩකයින්ට පමණි.

මෙම තරගාවලියේ මේ වසරේදී ශ්‍රී ලංකා යොවුන් කණ්ඩායම සහභාගිවනු ලබන සිව්වැනි තරගාවලිය වන්නේය. මීිට පෙර මෙම වසර මුලදී ශ්‍රී ලංකා යොවුන් කණ්ඩායම එක්සත් අරාබි එමීර් රාජ්‍යෙය්දී සිව්කොන් තරගාවලියදට පසුව ඇෆ්ගනිස්තානයට එරෙහි තරග 2 කින් සමන්විත එක්දින තරගාවලියට සහභාගිවූ අතර අනතුරුව බටහිර ඉන්දීය කොදෙව් යොවුන් කණඩායම සමග සිය මව්බිමේදී සිව්දින සහ එක්දින තරගාවලියකට ක්‍රීඩා කළේය. එම තරගාවලියේ සිවුදින තරගාවලිය 1-0 ක් ලෙස ජය ගත් ශ්‍රී ලංකා යොවුන් ක්‍රීඩකයෝ එක්දින තරගාවලියද 2-1 ක් ලෙස ජය වාර්තා කළේය.

තරග කාල සටහන

ඔක්තෝම්බර් 15-18 – පළමු සිවුදින තරගය

ඔක්තෝම්බර් 22 – පළමු එක්දින තරගය

ඔක්තෝම්බර් 24 – දෙවැනි එක්දින තරගය

ඔක්තෝම්බර් 27 – තෙවැනි එක්දින තරගය

ඔක්තෝම්බර් 29 – සිවුවැනි එක්දින තරගය

ඔක්තෝම්බර් 31 – පස්වැනි එක්දින තරගය