slc
logo
Home   |    News
ඔක්තෝබර් 13, 2023
සැප්තැම්බර් මස දක්ෂතම ක්‍රීඩිකාවගේ සම්මානය චමරි අතපත්තුට

sinhala editor

ජාත්‍යන්තර ක්‍රිකට් පිටියේ දක්වන ලද දක්ෂතාවයන් වෙනුවෙන් සැප්තැම්බර් මසට අදාළව අන්තර්ජාතික ක්‍රිකට් කවුන්සිලය විසින් පිරිනමනු ලබන දක්ෂතම කාන්තා ක්‍රීඩිකාව සම්මානය, ශ්‍රී ලංකා කණ්ඩායමේ නායිකා චමරි අතපත්තුට හිමිව තිබේ.

එංගලන්තයට එරෙහිව පැවැති තරග සංචාරයේදී ශ්‍රී ලංකා කණ්ඩායමට ඓතිහාසික තරගාවලි ජයග්‍රහණයක් කරා රැගෙන යෑම හේතුකොට ගෙන සැප්තැම්බර්මසට අදාළ දක්ෂතම ක්‍රීඩිකාව සම්මානය චමරිට හිමිව තිබේ. සැප්තැම්බර් මසට අදාළ දක්ෂතම ක්‍රීඩිකාව සම්මානයෙන් චමරි පිදුම් ලැබුවේ දකුණු අප්‍රිකානු ක්‍රීඩිකාවක වන ලෝරා වොල්වාඩ්ට් සහ නදීන් ද ක්ලාර්ක් පරදවාලමිනි.

එංගලන්තයට එරෙහිව ලද එම සුවිශේෂී එක්දින තරගාවලි ජයග්‍රහණය වෙනුවෙන් චමරි අතපත්තු ලකුණු 114 ක් සහ කඩුලු 5 ක් දවා ගැනීමට සමත්වූවාය. මෙම දක්ෂතාව නිසා ශ්‍රී ලංකා කණ්ඩායමක් පළමු වතාවට එංගලන්ත පිලට කුමන හෝ තරගාවලියක ජයක් වාර්තා කිරීමට සමත්විය. එම තරග වලදී ලකුණු 55 ක් සහ 44 ක් බැගින් රැස් කළ චමරි පන්දු යැවීමේදී ලකුණු 11 කට කඩුල්ලක් සහ ලකුණු 21 කට කඩුලු 3 ක් දවාලීමට සමත්වූවාය.

33 වැනි වියේ පසුවන චමරි ගතවුණු සැප්තැම්බර් මසදී විස්සයි-20 තරග 5 කදී සහ එක්දින තරග 3 කදී ලකුණු 208 ක් රැස් කරගෙන සිටින්නේ ඉනිමක ලකුණු ලබා ගැනීමේ සාමාන්‍ය 26 ක් රඳවා තබාගනිමිනි. පන්දු යැවීමේදී කඩුලු 5 ක් දවාගැනීමට චමරි සමත්ව ඇත්තේ කඩුල්ලක් දවා ගැනීමේ සාමාන්‍ය 26.6 ක් රඳවා ගනිමිනි.

වමතින් පන්දුවට පහර දෙන දකුණතින් පිට දග පන්දු යවන චමරි, අන්තර්ජාතික ක්‍රිකට් සභාව විසින් සිදුකරගෙන යනු ලබන එක්දින පිතිකාරිණියන් ශ්‍රේණිගත කිරීමේ තෙවැනි ස්ථානයේත් විස්සයි-20 පිතිකරණ ශ්‍රේණිගත කිරීම්හි 7 වැනි ස්ථානයෙත් පසුවන්නීය.

Active filters

Recent Posts

  • 15න් පහළ ලීග් ක්‍රිකට් ශූරතාව පිට පිට දෙවැනි වරටත් කොළඹ දකුණ දිනයි
    මෙරට අනාගත ක්‍රිකට් තරු හඳුන්වාදීමේ අරමුණින් ප්‍රීමා සමාගම සමග එක්ව ශ්‍රී ලංකා ක්‍රිකට් ආයතනය විසින් සංවිධානය කරනු ලබන ප්‍රීමා කුසලාන වයස අවුරුදු 15න් පහළ යූත් ලීග් ක්‍රිකට් තරගාවලියේ […]
  • පියුමි වත්සලාගෙන් ශතකයක්: සුගන්ධිකා පතිරණගෙන් ලකුණු 5ට කඩුලු 6ක්
    කාන්තා ක්‍රීඩා සමාජ ආරාධිත ක්‍රිකට් තරගාවලියේ පානදුර – බදුරලිය – යුද හමුදා – කෝල්ට්ස් – ගුවන් හමුදා ජය ලබති ශ්‍රී ලංකා ක්‍රිකට් ආයතනය සංවිධානය කරන කාන්තා ප්‍රධානතම ක්‍රීඩා […]
  • සීසීසී කාන්තා පිලට ලකුණු 148ක දැවැන්ත ජයක්
    ශ්‍රී ලංකා ක්‍රිකට් ආයතනය සංවිධානය කරන කාන්තා ප්‍රධානතම ක්‍රීඩා සමාජ ආරාධිත ක්‍රිකට් තරගාවලියේ පන්දු 55කදී හතරේ පහර 7ක් සමඟ ලකුණු 62ක් ලැබූ කොළඹ ක්‍රිකට් සමාජයේ (සීසීසී) කෞෂනී නුත්‍යාංගා […]
  • මහනුවර පරාජය කළ ගාල්ල දෙවැනි තැනට
    කොළඹ උතුරෙන් දඹුල්ලට ප්‍රහාරයක් මෙරට අනාගත ක්‍රිකට් තරු සෙවීම උදෙසා ප්‍රීමා සමාගම සමග එක්ව ශ්‍රී ලංකා ක්‍රිකට් ආයතනය විසින් සංවිධානය කරන ලබන ප්‍රීමා කුසලාන වයස අවුරුදු 15න් පහළ […]
  • බී.ආර්.සී. – නුගේගොඩ ජය ගනිති
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ මේජර් ලීග් තුන්දින ක්‍රිකට් තරගාවලියේ අද (19) දිනයේදී ජයග්‍රහණ දෙකක් අත්කර ගැනීමට බී.ආර්.සී. සහ නුගේගොඩ කණ්ඩායම් සමත් විණි. මොවුන් මෙම […]
LKR Sri Lankan rupee

Pin It on Pinterest