slc
logo
Home   |    News
දෙසැම්බර් 26, 2023
ශ්‍රී ලංකා – සිම්බාබ්වේ ටිකට් දැන් ඔන්ලයින් ක්‍රමයට විවෘතයි

Sri Lanka Cricket

සංචාරක සිම්බාබ්වේ පිල හා ශ්‍රී ලංකාව අතර පැවැත්වීමට නියමිත එක්දින සහ විස්සයි 20 ක්‍රිකට් තරගාවලි ප්‍රවේශ පත්‍ර මිලදී ගැනීමට දැන් හැකි බව ශ්‍රී ලංකා ක්‍රිකට් ආයතනය නිවේදනය කර සිටී. මාර්ගගත ක්‍රමය ඔස්සේ (ඔන්ලයින් ක්‍රමයට) ප්‍රවේශ පත්‍ර ඊයේ (25) සිට මිල දී ගැනීමට www.srilankacricket.lk වෙබ් අඩවිය හරහා අවස්ථාව උදාකර දී තිබේ.

එමෙන්ම තරග පැවැත්වීමට නියමිත කොළඹ ආර්. ප්‍රේමදාස ජාත්‍යන්තර ක්‍රිකට් ක්‍රීඩාංගණයේ සහ ශ්‍රී ලංකා ක්‍රිකට් ආයතනයේ විද්‍යා මාවතේ කවුන්ටරයෙන් ලබන ජනවාරි 4 වැනි දා සිට  ප්‍රවේශ පත්‍ර මිල දී ගත හැක.

ශ්‍රී ලංකාව සහ සිම්බාබ්වේ අතර විස්සයි 20 තරගාවලියක් ශ්‍රී ලංකාවේදී පැවැත්වෙන පළමු අවස්ථාව මෙය වන අතර, තරග 3කින් සමන්විත එක්දින තරගාවලිය ජනවාරි මස 6 වැනිදා සිට 11 වැනිදා දක්වා හා තරග 3කින් සමන්විත විස්සයි 20 තරගාවලිය ජනවාරි 14 වැනිදා සිට 18 දක්වා පැවැත්වීමට විධිවිධාන යොදා ඇත. මෙම සියලුම තරග දිවා – රාත්‍රී තරග ලෙස කොළඹ ආර්. ප්‍රේමදාස ක්‍රිකට් ක්‍රීඩාංගණයේදී පැවැත්වේ. 

ජනවාරි 6 පළමු එක්දින තරගය, ජනවාරි 8 දෙවැනි එක්දින තරගය, ජනවාරි 11 තෙවැනි එක්දින තරගය, ජනවාරි 14 පළමු විස්සයි 20 තරගය, ජනවාරි 16 දෙවැනි විස්සයි 20 තරගය හා ජනවාරි 18 තෙවැනි විස්සයි 20 තරගය පැවැත්වීමට විධිවිධාන යොදා ඇත.

ප්‍රවේශ පත්‍රවල මිල ගණන් වන්නේ Grand Stand ප්‍රවේශ පත්‍රයක් රුපියල් 5000ක්, A-B Upper ප්‍රවේශ පත්‍රයක් රුපියල් 1500ක්, A-B Lower ප්‍රවේශ පත්‍රයක් රුපියල් 1000ක්, C-D Upper ප්‍රවේශ පත්‍රයක් රුපියල් 500ක් හා C-D Lower ප්‍රවේශ පත්‍රයක් රුපියල් 200ක් වේ. එයට අමතරව වායුසමනය කරන ලද AC Box (Group Package with 16 Seats) ප්‍රවේශ පත්‍රයක් රුපියල් 3000 බැගින් මිළදී ගෙන සමූහ වශයෙන් තරග නැරැඹීමේ අවස්ථාව සලසා ඇත.

 

Active filters

Recent Posts

  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]
  • පළමු ශතකය නිශාන් මධුශ්කගෙන්
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ පළමු තරගයෙන් ලකුණු 137ක දැවැන්ත ජයක් වාර්තා කිරීමට බඳුරලිය ක්‍රීඩා සමාජය සමත් වෙයි. කුරුණෑගල යොවුන් ක්‍රිකට් […]
  • කාන්තා ක්‍රිකට් දියුණු වෙන්නේ ක්‍රීඩිකාවන්ගේ කැපවීම නිසයි – චමරි අතපත්තු
    කාන්තා ක්‍රිකට් ක්‍රීඩාව ක්‍රමයෙන් දියුණු තත්ත්වයකට ගෙන ඒමට හැකි වූයේ සියලු දෙනාගේ කැපවීම හේතුවෙන් බව ශ්‍රී ලංකා ක්‍රිකට් නායිකා චමරි අතපත්තු පැවැසූවාය. පසුගිය වසර එකහමාරක කාලය තුලදී ප්‍රබල […]

Pin It on Pinterest

LKR Sri Lankan rupee