slc
logo
Home   |    News
ජනවාරි 26, 2024
ධනංජයගෙන් හා කමිඳුගෙන් අලංකාර ශතක දෙකක්

Sri Lanka Cricket

ශ්‍රී ලංකා ක්‍රිකට් ආයතනය සංවිධානය කරන මෙරට ප්‍රධානතම දේශීය ක්‍රිකට් තරගාවලිය වන නැෂනල් සුපර් ලීග් (NSL) සිවුදින තරගාවලියේ අද ආරම්භ වූ දෙවැනි සතියේ තරගවල පළමු දිනයේදීම ශතක 2ක් හා අර්ධ ශතක 3ක් වාර්තා විය.

දඹුල්ල පළාත් පිල හා කොළඹ පළාත් පිල අතර, මහනුවර පල්ලේකැලේ ක්‍රීඩාංගණයේ පැවැති තරගයේදී දඹුල්ල පිල කාසියේ වාසිය දිනා මුලින් පන්දුවට පහරදීමට තීරණය කළ අතර, එහිදී දඹුල්ල පිලේ නායක කමිඳු මෙන්ඩිස් ශතකයක් වාර්තා කළ අතර, ලියෝ ෆ්‍රැන්සිස්කො අර්ධ ශතකයක් වාර්තා කළේය.

යාපනය පළාත් පිල හා මහනුවර පළාත් පිල අතර හම්බන්තොට සූරියවැව මහින්ද රාජපක්ෂ ක්‍රීඩාංගණයේ පැවැති තරගයේදී මහනුවර පිල කාසියේ වාසිය දිනා යාපනය පිලට මුලින් පන්දුවට පහරදීමට ආරාධනා කළ අතර, ධනංජය ද සිල්වා ශතකයක් වාර්තා කළ අතර, ජනිත් ලියනගේ හා ළහිරු මධුෂ්ක අර්ධ ශතක වාර්තා කළහ.

දඹුල්ල පිලේ අංක තුන පිතිකරු කමිඳු මෙන්ඩිස් පන්දු 164කදී හතරේ පහර 15ක් එල්ල කරමින් ලකුණු 115ක් ලබාගත් අතර, ලියෝ ෆ්‍රැන්සිස්කො සමඟ එක්ව දෙවැනි කඩුල්ලට පන්දු 321කදී ලකුණු 194ක් එක් ක‍‍ළේය. ෆ්‍රැන්සිස්කො පන්දු 182කට මුහුණදී හතරේ පහර 11ක් සමඟ ලකුණු 87ක් ලබා ගැනීමට සමත් විය.

යාපනය පිලේ අංක 4 පිතිකරු ලෙස පිටියට පැමිණි ධනංජය ද සිල්වා පන්දු 189කදී හතරේ පහර 13ක් එල්ල කරමින් ලකුණු 113ක් ලබාගත් අතර, ජනිත් ලියනගේ සමඟ එක්ව සිවුවැනි කඩුල්ලට පන්දු 97කදී ලකුණු 54ක සම්බන්ධතාවක් ගොඩනැගීමට සමත් වූවේය. එමෙන්ම ධනංජය හා ළහිරු මධුෂ්ක එක්ව 7 වැනි කඩුල්ලට පන්දු 238කදී ලකුණු 130ක සම්බන්ධතාවක් ගොඩනැගීම ද කැපී පෙණුනි.

කණ්ඩායම් පහකින් සමන්විත මෙම තරගාවලියට ඉහළම දස්කම් දක්වන පළමු පෙළ ක්‍රිකට් ක්‍රීඩකයින් සහ ශ්‍රී ලංකා පිලේ ක්‍රීඩකයින් එක්ව සිටිති. ගාල්ල, දඹුල්ල, කොළඹ, මහනුවර සහ යාපනය යන කණ්ඩායම් තරගාවලියට එක්ව සිටිති.

හෙට (26) මෙම තරගවල දෙවැනි දිනයයි.

දඹුල්ල – කොළඹ පල්ලේකැලේ ක්‍රීඩාංගණයේදී

දඹුල්ල පිල පළමු ඉනිම කඩුලු 3කට ලකුණු 287 (ඕවර් 89)
ලියෝ ෆ්‍රැන්සිස්කො 87, කමිඳු මෙන්ඩිස් 115, ඇන්ජලෝ මැතිව්ස් නොදැවී 47, පවන් රත්නායක නොදැවී 31 (කසුන් රාජිත 72/1, ඉසිත් දේව් විජේසුන්දර 43/1, ලක්ෂිත මානසිංහ 58/1)

යාපනය – මහනුවර සූරියවැව ක්‍රීඩාංගණයේදී

යාපනය පිල පළමු ඉනිම කඩුලු 7කට ලකුණු 309 (ඕවර් 90)
නිෂාන් මධුෂ්ක 38, ජනිත් ලියනගේ 63, ධනංජය ද සිල්වා 113, ළහිරු මධුෂ්ක නොදැවී 58 ( චාමික ගුණසේකර 34/2, සිතුම් දිසානායක 36/1, ලසිත් ඇඹුල්දෙනිය 94/2, අශේන් ඩැනියෙල් 64/2)

Active filters

Recent Posts

  • ශදාබ් සහ ගුර්බාස් කලම්බු ස්ට්‍රයිකර්ස්ට ජය ගෙනෙති
    By Chamila Karawita ලංකා ප්‍රිමියර් ලීග් ක්‍රිකට් තරගාවලියේ 17 වැනි තරගය ලෙසින් අද (14 දා) රාත්‍රියේ පැවැති තරගයෙන් ජැෆ්නා කිංග්ස් කණ්ඩායමට එරෙහිව කඩුලු 9 ක පහසු ජයක් වාර්තා […]
  • පිළිකා මර්ධනයට LPL අත හිත 
    අගහිඟකම්වලට මුහුණ පා සිටින අතරතුර, පිළිකාවන් ද වැළඳී වේදනා විඳිමින් ළතැවෙමින් දුක් සුසුම්ළන මේ සමාජයේ අපේම මව්වරුනට සොහොයුරියනට, දරුවන්ට අත්වැළක් වන්නට වත්මන් ක්‍රිකට් ක්‍රීඩකයනට අවස්ථාවක් උදාවන්නේ නම් එය […]
  • සුපිරි පන්දුවාරයේදී ගෝල් මාවල්ස් ජය ලබයි
    By Chamila Karawita ලංකා ප්‍රිමියර් ලීග් ක්‍රිකට් තරගාවලිය යටතේ අද (14 දා) පස්වරුවේ පැවැති ගෝල් මාවල්ස් සහ දඹුල්ල සික්සර්ස් කණ්ඩායම් අතර තරගය සුපිරි පන්දුවාරය දක්වා දිග හැරුණු අතර […]
  • හතරේ සීමාවේ දුර අඩුද…? වැඩිද…? ජැෆ්නා නායකයාගේ අදහස
    ලංකා ප්‍රිමියර් ලීග් තරගාවලියේදී හතරේ සීමා මඳක් කෙටි කිරීමෙන් ඉදිරි ජාත්‍යන්තර තරග සඳහා කිසිදු අවාසිදායක තත්ත්වයක් ඇති නොවන බවත් උසස් මට්ටමේ තණතිලිවල ක්‍රීඩා කරද්දී පිතිකරුවනට දක්ෂ අයුරින් පහර […]
  • හයේ වරුසාවක් සමඟින් ජැෆ්නා ක්‍රීඩකයෝ 5 වැනි ජය ලබති
    Chamila Karawita ලංකා ප්‍රිමියර් ලීග් ක්‍රිකට් තරගාවලියේ දෙවැනි අදියර හෙවත් කොළඹ අදියර ආරම්භ කරමින් පැවැති පළමු තරගයේදීම කැන්ඩි ෆෝල්කන්ස් කණ්ඩායම විසින් ලබා දුන් ලකුණු 79 ක ඉලක්කය හඹා […]

Pin It on Pinterest

LKR Sri Lankan rupee
logo