මෙරට යොවුන් ක්‍රිකට් ක්‍රීඩකයින්ගේ දක්ෂතා මැන බැලීමේ අරමුණින් ශ්‍රී ලංකා ක්‍රිකට් ආයතනය සංවිධානය කරන වයස අවුරුදු 19න් පහළ යූත් ලීිග් 2024 ක්‍රිකට් තරගාවලියේ අද (28) ගාල්ල ජාත්‍යන්තර ක්‍රීඩාංගණයේ පැවැති කොළඹ දකුණු කණ්ඩායම හා ගාල්ල අතර තරගයෙන් කඩුලු 6ක ලබා තරගාවලියේ පිට පිට තෙවැනි ජයග්‍රහණය සටහන් කළේය.

කොළඹ දකුණ පිල කාසියේ වාසිය දිනා මුලින් පන්දුවට පහරදීමට ගාල්ලට ආරාධනා කළ අතර, ගාල්ල කණ්ඩායම සියලු දෙනා දැවී ලකුණු 248ක් රැස් කළේය. පිළීතුරු ඉනිම ක්‍රීඩා කළ කොළඹ දකුණ කණ්ඩායම කඩුලු 4කට ලකුණු ලකුණු 249ක් ලබා ජය තහවුරු කර ගත්තේය.

කොළඹ දකුණ කණ්ඩායමේ දෙනෙත් ප්‍රියංග පෙරේරා මෙවර තරගාවලියේ පළමු ශතකය වාර්තා කිරීම කැපී පෙණුනි. ඔහු පන්දු 98කදී හයේ පහර 2ක් හා හතරේ පහර 11ක් සමඟ නොදැවී ලකුණු 109ක් ලබා ජයග්‍රහණයේ නියමුවා විය. ගාල්ල පිලේ ආරම්භක පිතිකරු රන්දුල් සමරහේවා බන්දු 99කදී හයේ පහර 2ක් හා හතරේ පහර 8ක් සමඟ ලකුණු 98ක් වාර්තා කළද ඔහුගේ උත්සහය අපතේ ගියේය.

ගාල්ල කණ්ඩායම සියලු දෙනා දැවී ලකුණු 248 (ඕවර් 43.1)
චාර්යා පරණවිතාන 18, රන්දුල් සමරහේවා 98, දර්ශික සන්දීප් 34, තෙමිඳු ප්‍රදීප්ත 23, විශ්ව සුපුන් 11, විරාන් චමුදිත 37, අතිරේක 18 ( සහන් කෞෂල්‍ය 40/3, හිරුධ ප්‍රනාන්දු 47/4)

කොළඹ දකුණ කණ්ඩායම කඩුලු 4කට ලකුණු 249 (ඕවර් 40.4)
ගවිරු සංකෙත් 50, රිවිත් ජයසූරිය 28, රෙහාන් පීරිස් 29, දෙනෙත් ප්‍රියංග පෙරේරා නොදැවී 109, දිනෙත් සිතුමිණ නොදැවී 21, අතිරේක 10 (අරෝෂ උදයංග 38/2)