slc
logo
Home   |    News
ජූනි 1, 2024
දෙවැනි පුහුණු තරගයෙන් ශ්‍රී ලංකාවට ලකුණු 41ක ජයක්

sinhala editor

ව්ස්සයි 20 ලෝක කුසලාන තරගාවලියට පෙර ශ්‍රී ලංකාව මුහුණදුන් දෙවැනි පුහුණු තරගයෙන් ශ්‍රී ලංකා කණ්ඩායමට ලකුණු 41ක ජයක් හිමි විය.

අමෙරිකාවේ ලෝඩර්හිල් හි සෙන්ට්‍රල් බ්‍රොව්ර්ඩ් රීජනල් පාර්ක් ක්‍රීඩාංගණයේ දී පැවති මෙම තරගයේ කාසියේ වාසිය දිනාගත් අයර්ලන්ත කණ්ඩායම මුලින්ම පන්දු රැකීමට තීරණය කළේය. ඒ අනුව ශ්‍රී ලංකා පිල ඕවර් 20කදී කඩුලු 8කට ලකුණු 163ක් වාර්තා කළේය.

ශ්‍රී ලංකා පිල වෙනුවෙන් ඈන්ජලෝ මැතිව්ස් පන්දු 30කදී හයේ 2ක් හා හතරේ පහරක් සමග ලකුණු 32ක්, වනිඳු හසරංග පන්දු 21කදී හයේ පහරක් හා හතරේ පහර 3ක් සමග  ලකුණු 26ක්, දසුන් ශානක පන්දු 23කදී හයේ පහරක් හා හතරේ පහර 2ක් සමග ලකුණු 23ක් හා පැතුම් නිශ්ශංක පන්දු 15කදී හයේ 2ක් හා හතරේ පහරක් සමග ලකුණු 22ක් ලබා ගත්හ.

අයර්ලන්තය වෙනුවෙන් ජොෂ් ලිට්ල් කඩුළු 2ක්, බැරි මැක්කාර්ති කඩුළු 2ක්,මාර්ක් අඩයිර්, ක්‍රෙග් යන්ග්, කර්ටිස් කැම්පර් කඩුල්ල බැගින් ලබා ගත්හ.

පිළිතුරු ඉනිම ක්‍රිඩා කිරීමට පැමිණි අයර්ලන්ත  ක්‍රීඩකයෝ පන්දු ඕවර 18.2ක දී ලකුණු 122කට සියල්ලෝ දැවී ගියහ. කර්ටිස් කැම්පර් ලබා ගත් ලකුණු 26ක්  ලබා ගත්තේය. විශිෂ්ට පන්දු  යැවීමක නිරත වූ දසුන් ශානක ලකුණු 23ට කඩුළු 4ක් බ්දහෙලීය. නායක වනිඳු හසරංග ලකුණු 40ට කඩුළු 2ක්,  මහීෂ් තීක්ෂණ ලකුණු 14ට කඩුළු 2ක් සහ දුෂ්මන්ත චමරී, මතීෂ පතිරණ 1 කඩුල්ල බැගින් ලැබූහ

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

LKR Sri Lankan rupee