slc
logo
Home   |    News
ජූනි 29, 2024
ශ්‍රී ලංකා යොවුන් ක්‍රීඩකයින් ලකුණු 65කින් එංගලන්තය පරදයි

sinhala editor

ශ්‍රී ලංකා ක්‍රිකට් ක්‍රීඩාවේ අනාගතය භාර ගැනීමේ අපේක්ෂාවෙන් සිටින යොවුන් ක්‍රිකට් ක්‍රීඩකයින් දැක්වූ දක්ෂතා හේතුවෙන් එංගලන්ත යොවුන් පිල පරදා පළමු එක්දින තරගයන් ලකුණු 65ක විශිෂ්ට ජයක් ශ්‍රී ලංකා නාමය ඉදිරියේ සටහන් කිරීමට ශ්‍රී ලංකා ක්‍රිකට් ක්‍රීඩකයෝ සමත් වූහ. ශ්‍රී ලංකා මැදපෙළ පිතිකරුවන් වූ ෂාරුජාන් ෂන්මුගනාතන්, මහිත් පෙරේරා හා දිනුර අබේවික්‍රමසිංහ අර්ධ ශතක වාර්තා කිරීමෙන් තරග 3කින් සමන්විත එක්දින තරගාවලිය 1-0ක් ලෙස ඉදිරියෙන් තැබීමට සමත් විය.

එංගලන්තයේ චෙල්ම්ස්ෆෝර්ඩ් කවුන්ටි ක්‍රිකට් ක්‍රීඩාංගණයේ ඊයේ (28) පැවැති තරගයේ කාසියේ වාසිය දිනාගත් එංගලන්ත යොවුන් පිල මුලින් පන්දුවට පහරදීමට ශ්‍රී ලංකාවට ආරාධනා කළ හෙයින් ඕවර් 50කදී කඩුලු 6කට ලකුණු 294ක් ශ්‍රී ලංකා ලකුණු පුවරුවට එක්විය. පිළිතුරු ඉනිම ක්‍රීඩාකළ එංගලන්ත යොවුන් ක්‍රීඩකයෝ සියලු දෙනා ඕවර් 43.3කදී ලකුණු 229කට දවා ගැනීමට ශ්‍රී ලංකා පන්දු යවන්නෝ සමතක් වූහ. එංගලන්ත යොවුන් පිලට ප්‍රබල තර්ජනයක් ගෙන දුන් දකුණත් පිට දඟ පන්දු යැවූ විහස් තෙව්මික කඩුලු 3ක් බිදහෙලූ අතර, හිවින් කෙනුල, තිසර ඒකනායක හා ප්‍රවීන් මනීෂ කඩුලු 2 බැගින් බිදහෙලා ගත්හ.

ශ්‍රී ලංකා යොවුන් පිලේ ආරම්භක පිතිකරුවන් වූ පුලින්දු පෙරේරා හා තිසර ඒකනායක ඕවර් 6.2කදී පළමු කඩුල්ලට ලකුණු 38ක සබඳතාවක් ගොඩනැගූ අතර, සිවුවැනි කඩුල්ලට ෂාරුජාන් ෂන්මුගනාතන් හා දිනුර කළුපහන ලකුණු 73ක සබඳතාවක් ගොඩනැගූහ. පන්දු 59කදී හයේ පහරක් හා හතරේ පහර 4ක් සමග අර්ධ ශතකය පෙනි පෙනී ලකුණු 49කට දිනුර කළුපහන දැවී යෑම කණගාටුවට කරුණකි.

අනතුරුව ෂාරුජාන් හා එක්වූ මහිත් පෙරේරා සිවුවැනි කඩුල්ලට ලකුණු 67ක් එක්කළ අතර, ෂාරුජාන් ෂන්මුගනාතන් ලකුණු 57කට දැවී ගියේය. ඔහු පන්දු 75කට මුහුණදී හතරේ පහර 7ක් එල්ල කළේය. ශ්‍රී ලංකා ඉනිමේ වැඩිම ලකුණු සබඳතාව ගොඩනැගූ මහිත් පෙරේරා හා දිනුර අබේවික්‍රමසිංහ 6 වැනි කඩුල්ලට ලකුණු 89ක් එක් කළහ. මහිත් පෙරේරා පන්දු 60කදී හයේ පහරක් හා හතරේ පහර 4ක් සමග නොදැවී ලකුණු 58ක් එක්කළ අතර, දිනුර අබේවික්‍රමසිංහ පන්දු 37කදී හයේ හා හතරේ පහර 2 බැගින් එල්ල කොට වේගවත් ලකුණු 52ක් වාර්තා කළේය.

එංගලන්ත යොවුන් පිලේ ඉනිම ශ්‍රී ලංකා සම්භවයක් ඇති කේෂන ෆොන්සේකා හා ෆ්‍රෙඩී මැක්කාන් ආරම්භ කළ අතර, ලකුණු 39දී මැක්කාන්ගේ කඩුල්ල කෙලින්ම බිඳහෙලීමට විහස් තෙව්මික සමත්වීමෙන් කඩුලු දඩයම ආරම්භ විය. දෙවැනි කඩුල්ල ද ලකුණු 39දී දවා ගැනීමට සමත්වීමෙන් කේෂන ෆොන්සේකා ලකුණු 25කට ක්‍රීඩාගාරයට හරවා යැවීය.

එංගලන්ත යොවුන් ඉනිමේ අර්ධ ශතක දෙකක් වාර්තාවූ අතර, නොහා තාහින් ලකුණු 58ක් හා දකුණු අප්‍රිකා හිටපු ක්‍රීඩක ඩේල් බෙන්කෙන්ස්ටීන්ගේ පුත් ලූක් බෙන්කෙන්ස්ටීන් ලකුණු 51ක් ලබා ගත්තේය. මේ තරගයට එක්ව සිටි එංගලන්ත වේග පන්දු යැවූ ඇන්ඩෘ ෆිල්ටොෆ්ගේ පුත් රොකී ෆිල්ටොෆ් ලකුණු 22කට සීමා කිරීමට ශ්‍රී ලංකා යොවුන් ක්‍රීඩකයෝ සමත් වූහ.

මෙම තරගයේ තවත් විශේෂත්වයක් වූයේ ශ්‍රී ලංකා යොවුන් ක්‍රිකට් එක්දින වරම් දිනා ගැනීමට ක්‍රීඩකයින් 6ක් සමත්වීමය. එලෙස ශ්‍රී ලංකා යොවුන් එක්දින වරම් දිනා ගත්තේ දුමින්ද සෙව්මිණ, ගයාන් වීරසිංහ, හිවින් කෙනුල, මහිත් පෙරේරා, දිනුර අබේවික්‍රමසිංහ, ප්‍රවීන් මනීෂ හා තිසර ඒකනායක වේ.

ශ්‍රී ලංකා යොවුන් පිල හා එංගලන්ත යොවුන් පිල අතර දෙවැනි එක්දින තරගය ලබන 1දා හෝව්හිදී ආරම්භ වේ.

ශ්‍රී ලංකා යොවුන් පිල කඩුලු 6කට ලකුණු 294 (ඕවර් 50)
පුලින්දු පෙරේරා 19, තිසර ඒකනායක 13, ගයාන් වීරසිංහ 13, ෂාරුජාන් ෂන්මුගනාතන් 57, මහිත් පෙරේරා නොදැවී 58, දිනුර කළුපහන 49, දිනුර අබේවික්‍රමසිංහ 52, අතිරේක 26 (නෝහා කොන්වෙල් 54/3)

එංගලන්ත යොවුන් පිල සියලු දෙනා දැවී ලකුණු 229 (ඕවර් 43.3)
කේෂන ෆොන්සේකා 25, නොහා තාහින් 58, ලූක් බෙන්කෙන්ස්ටීන් 51, රොකී ෆිල්ටොෆ් 22, හැරී මෝ 26 ( හිවින් කෙනුල 28/2, තිසර ඒකනායක 48/2, විහස් තෙව්මික 37/3, ප්‍රවීන් මනීෂ 50/2, දිනුර කළුපහන 24/1)

Active filters

Recent Posts

  • ශ්‍රී ලංකාවේ තණතිලි විශිෂ්ටයි – ඔමාර්සායි
    ලංකා ප්‍රිමියර් ලීග් ක්‍රිකට් තරගාවලියකදී ප්‍රථම වතාවට තරගයේ දක්ෂතම ක්‍රීඩකයා ලෙස තේරීම පිළිබඳව තමා දැඩි සතුටට පත්ව සිටින බව ජැෆ්නා කින්ග්ස් කණ්ඩායමේ අංක හත පිතිකරු අස්මතුල්ලා ඔමාර්සායි ගෝල් […]
  • කණ්ඩායමේ සාමුහිකත්වය අපට ජය ගෙන ආවා – මතීෂ පතිරණ
    කළම්බු ස්ට්‍රයිකර්ස් සහ කැන්ඩි ෆැල්කන්ස් අතර ජූලි 06 වැනිදා දඹුල්ලේදී පැවැති ලංකා ප්‍රිමියර් ලීග් තරගය කණ්ඩායම් දෙකම ලකුණු දෙසීයයේ සීමාව අසළටම පැමිණ තියුණුම මුහුණුවරක් ඉසිලුවත් එම තරගය කළම්බු […]
  • තණතීරු ගැන පැතුම්ගේ අදහස
    මේ වන විට ශ්‍රී ලංකාවේ උසස්ම මට්ටමේ තණතිලි ක්‍රිකට් ක්‍රීඩකයනට සැපයෙන හෙයින් ඉදිරියේදී දැනටත් වඩා ලකුණු රැස් කිරීමට පිතිකරුවනට අවස්ථාව උදා වනු ඇතැයි ජැෆ්නා කින්ග්ස් – දඹුල්ල සික්සර්ස් […]
  • අවසන් මහ තරගයට සුදුසුකම් ලැබීම අපේ අභිප්‍රායයි – රොසොව්
    දැන් පැවැත්වෙන එල්.පී.එල්. තරගාවලියේ ප්‍රථම සහ දෙවන ස්ථානයන් අතර පසු වන තම කණ්ඩායම අවසාන මහා තරගයට සුදුසුකම් ලබා ගැනීම කණ්ඩායමේ ක්‍රීඩකයන්ගේ අපේක්ෂාව බව ජැෆ්නා කින්ග්ස් සහ කළම්බු ස්ට්‍රයිකර්ස් […]
  • පළමු තරගයේම තරගයේ දක්ෂතම ක්‍රීඩකයා වීම ගැන සතුටුයි – ප්‍රභාත් ජයසූරිය
    කැන්ඩි ෆැල්කන්ස් කණ්ඩායමේ ප්‍රධාන තුරුම්පුව වන ඇන්ඩ්‍රි ෆ්ලෙචර් සහ දිනේෂ් චන්දිමාල් යන ආරම්භක පිතිකරුවන් දෙදෙනාගේ සබඳතාවය බිඳ දැමීමේ වැදගත්කම දැන සිටි අපගේ කණ්ඩායම (ගෝල් මාවල්ස්) එය ඉටු කර […]

Pin It on Pinterest

LKR Sri Lankan rupee
logo