slc
logo
Home   |    News
ජූනි 4, 2024
ශ්‍රී ලංකා ක්‍රිකට් පන්දු යවන්නන් පුහුණු කිරීමට ඇකඩමි අරඹයි

sinhala editor

ශ්‍රී ලංකා ක්‍රිකට් ආයතනය විසින් වේග පන්දු යවන්නන් හා දඟ පන්දු යවන්නන් පුහුණු කිරීම උදෙසා පන්දු යැවීමේ පුහුණු විද්‍යායතනයක් (ඇකඩමි) ආරම්භ කිරීමට පියවර ගන්නා ලදී. මෙම වේග පන්දු යවන්නන් හා දඟ පන්දු යවන්නන් පුහුණු කිරීමේ ඇකඩමි ඉහළ ප්‍රමිතියෙන් යුතුව පවත්වා ගැනීමට ශ්‍රී ලංකා ක්‍රිකට් කටයුතු යොදා ඇත.

වේග සහ දඟ පන්දු යැවීම කෙරෙහි අවධානය යොමු කළ විශේෂිත ඇකඩමි පිහිටුවීම ශ්‍රී ලංකා ක්‍රිකට් ක්‍රීඩාවේ වැදගත් ඉදිරි පියවරක් ලෙස සැලකේ. ක්‍රිකට් ක්‍රීඩකයින්ට බිම් මට්ටමේ සිට දක්ෂතා පෝෂණය කිරීමට සහ කුසලතා ඔප්නැංවීමට මෙම ඇකඩමිය උපකාරී වනු ඇත. ‘ඒ‘ සහ ‘බී‘ කාණ්ඩවල ක්‍රීඩා කරන අන්තර් ක්‍රීඩා සමාජවල ක්‍රීඩකයින්ගේ සහභාගීත්වයෙන් මෙම ඇකඩමි ක්‍රියාත්මක කෙරේ. අනාගතයේදී ජාතික කණ්ඩායම ශක්තිමත් කළ හැකි සුවිශේෂී පන්දු යවන්නන් සොයා ගැනීමට සහ සංවර්ධනයට මෙම ක්‍රිකට් ඇකඩමි තුලින් මඟ පෑදේ.

ඉහළ කාර්ය සාධන මධ්‍යස්ථානයේ පුහුණුකරුවන් සහ ක්‍රිකට් තේරීම් කමිටුව විසින් සපයන ලද මාර්ගෝපදේශ අනුගමනය කරමින් අදාළ ඇකඩමි සඳහා ක්‍රීඩකයින් තෝරා ගැනීම සිදුවේ. ඔවුන්ගේ කුසලතා සහ නිපුණතා වැඩි දියුණු කිරීම සඳහා ක්‍රමනුකූල හා දැඩි පුහුණුවක් මෙහිදී ලබා දෙනු ඇත. මෙයින් වේග පන්දු යවන්නන් හා දඟ පන්දු යවන්නන් යන අංශ දෙකම ආවරණය වන පරිදි තරගකාරී පන්දු යැවීමේ ඒකකයක් ගොඩනැගීමට උපකාරී වේ.

වේග පන්දු යවන්නන් පුහුණු කිරීම ඉහළ කාර්ය සාධන මධ්‍යස්ථානයේ ජාතික වේග පන්දු යැවීමේ පුහුණුකරුවන් වන අනූෂ සමරනායක, රවීන්ද්‍ර පුෂ්පකුමාර, චමිල ගමගේ සහ දර්ශන ගමගේ යන මහත්වරු විසින් සිඳුකරන අතර, දඟ පන්දු යවන්නන් පුහුණු කිරීම පියල් විජේතුංග, සජීව වීරකෝන් සහ සචිත් පතිරණ යන මහත්වරු විසින් සිඳු කරනු ඇත.

මෙම වැඩ සටහන තේරීම් කමිටු සාමාජිකයින්වන අජන්ත මෙන්ඩිස්, තරංග පරණවිතාන, දිල්රුවන් පෙරේරා, සහ ඉන්දික ද සේරම් යන මහත්වරු අධීක්ෂණය වෙනුවෙන් පත්කර තිබේ.

ඉදිරියේදී ශ්‍රී ලංකා ක්‍රිකට් ආයතනය පිට පළාත්වල වේග පන්දු යවන්නන් හා දඟ පන්දු යවන්නන් පුහුණු කිරීම උදෙසා වැඩසටහන් ක්‍රියාත්මක කිරීමට අදහස් කරන අතර, ඒ සදහා දිස්ත්‍රික් සහ පළාත් මට්ටමින් දක්ෂතා සපිරි ක්‍රිකට් ක්‍රීඩකයින් සොයා ගැනීමට අපේක්ෂා කෙරේ.

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

LKR Sri Lankan rupee