එක්දින තරග 3 කට සහ තුන්දින තරග 2 කට සහභාගිවීම සඳහා ශ්‍රී ලංකාවට පැමිණ සිටින බංග්ලාදේශ වයස අවුරුදු 17 ් පහළ කණ්ඩායමට එරෙහිව පැවැත්වෙන තරගාවලිය සඳහා ශ්‍රී ලංකා සංචිතය ප්‍රකාශයට පත් කර තිබෙන අතර එහි නායකත්වය කොළඹ ආනන්ද විදුහලේ කිත්ම විදානපතිරණට හිමිව තිබේ.

15 දෙනෙකුගෙන් සමන්විතව නම් කරන ලද ශ්‍රී ලංකා වයස අවුරුදු 17 න් පහළ කණ්ඩායමට යාපනයෙන් ප්‍රෙද්ශයෙන් ක්‍රීඩකයෙක් තේරීපත්වී තිබීමද කැපී පෙනෙන්නකි. වී. ආකාෂ් යාපනය විදුහල නියෝජනය කරමින් කණ්ඩායමට පැමිණ සිටින ක්‍රීඩකයා වේ.

නම් කරන ලද කණ්ඩායම පළමු එක්දින තරග 2 සඳහා පමණක් වලංගු වේ.

මෙම තරගාවලියේ පළමු තරගය මේ මස 24, 26 සහ 28 යන දිනවලදී ගාල්ල ජාත්‍යන්තර ක්‍රීඩාංගණයේදී පැවැත්වේ. පළමු තුන්දින තරගය දෙසැම්බර් මස 01 වැනිදා ද දෙවැනි තරගය දෙසැම්බර් 06 වැනිදා ද පැවැත්වේ.

රෙහාන් පීරිස් (කොළඹ රාජකිය), දුල්සිත් දර්ශන (ගාල්ල මහින්ද), ජනිඳු රණසිංහ (ඩී.එස්. සේනානායක), සෙනුජ වෙකුණගොඩ (මරදාන ශාන්ත ජෝෂප්), කිත්ම විතානපතිරණ (නායක – කොළඹ ආනන්ද), ජේසන් ප්‍රනාන්දු (බම්බලපිටිය ශාන්ත පීතර), ජොෂුවා සෙබස්තියන් (බම්බලපිටිය ශාන්ත පීතර), සෙත්මික සෙනෙවිරත්න (මහනුවර ත්‍රිත්ව), චලන දිනෙත් (පානදුර රාජකීය), රජිත නවෝද්‍ය (කුරුණෑගල මලියදේව), වී. ආකාෂ් (යාපනය හාර්ට්ලි), කෙනුල පිහිලිංග (මහනුවර කිංග්ස්වුඩ්), රයන් ග්‍රෙගරි (කටුගස්තොට ශාන්ත අන්තෝනි), රසිත නිම්සර (වත්තල ලයිසියම්), ඔසඳ පමුදිත (නාලන්දා විදුහල)