slc
logo
Home   |    News
ජනවාරි 2, 2025
ශ්‍රී ලංකාව ජයග්‍රහණයකින් 2025 වසර අරඹයි

sinhala editor

වසර 20 කට ආසන්න විස්සයි-20 තරග ඉතිහාසයේ ශ්‍රී ලාංකික පිතිකරුවකු රැස් කරන ලද තෙවැනි ශතකයට හිමිකම් කියමින් කුසල් ජනිත් පෙරේරා රැස් කරන ලද ලකුණු 101 ක ඉනිම ප්‍රධාන කොට නවසීලන්ත පිලට එරෙහිව නෙල්සන් නුවර පැවැති තෙවැනි විස්සයි-20 තරගයෙන් ලකුණු 07 ක ජයක් ලබා ගැනීමට ශ්‍රී ලංකා කණ්ඩායමට අද (02 දා) පෙරවරුවේදී හැකියාව ලැබිණ. මෙම තරගය ශ්‍රී ලංකාව ජය ගත්තද පළමු තරග 2 ම ජය ගැනීමට නවසීලන්ත කණ්ඩායම සමත්ව සිටීම නිසා තරගාවලියේ ජය 2-1 ක් ලෙස සත්කාරක පිලටම හිමිවිය.

ශ්‍රී ලංකා කණ්ඩායමක් විසින් නවසීලන්තයට එරෙහිව ඔමුන්ගේ රටේදී විස්සයි-20 තරගයකදී  පරාජයට පත් කරන ලද්දේ වසර 20 කට ආසන්න කාලයකට පසුව වීම කැපී පෙනෙයි. අවසන් වතාවට ශ්‍රී ලංකා කණ්ඩායමක් විසින් නවසීලන්තය ඔවුන්ගේ නිජ බිමේදී පරාජයට පත් කර ඇත්තේ 2006 වසරේ පැවැති තරගයකදී වේ. එමෙන්ම මෙය නවසීලන්ත දේශයේදී ඔවුන්ව පරාජයට පත් කරන ලද දෙවැනි තරගය ලෙසින්ද සනිටුහන් වේ.  

කුසල්ගේ මෙම සුවිශේෂී ඉනිම ප්‍රධාන කොට නවසීලන්ත කණ්ඩායමට ලකුණු 219 ක ඉලක්කයක් හිමි වු අතර එය හඹා ගිය නවසීලන්ත පිතිකරුවෝ පන්දු 30 කින් ලකුණු 51 ක් දක්වා අවම මට්ටමකට රැගෙන ආහ. එසේ රැගෙන ආවේ පන්දු 36 කින් ලකුණු 76 ක් අවශ්‍යව තිබූ මොහොතකය. 14 වැනි පන්දුවාරය අවසන් වන විට කඩුලු 4 කට ලකුණු 143 ක් ලබා සිටි නවසීලන්ත පිතිකරුවන් අතරින් ක්‍රියාත්මක වුණු ඩැරල් මිචෙල් චරිත් අසලංක විසින් යවන ලද 15 වැනි පන්දුවාරයේදී පිට පිට  පන්දු 4 කදී හයේ පහර 5 ක්ද සමඟින් එම පන්දුවාරයේදී ලකුණු 23 ක් උදුරා ගැනීමට සමත්වීම නිසා තරගය යළිත් නවසීලන්ත පිලේ වාසියට නතු වූවේය.

කෙසේ වෙතත් ඊළඟ පන්දු වාරය යැවූ වනිඳු හසරංග ලකුණු 02 ක් ඇතුළත කඩුලු 2 ක් දවා ගැනීමට සමත් වීමත් 17 වැනි පන්දුවාරය යැවූ නුවන් තුෂාර ඩැරල් මිචෙල්ව දවා ගැනීමත් නිසා නවසීලන්ත හඹා යෑම අඩපණ වීය. නවසීලන්ත ඉනිමේ පවර් ප්ලේ අවස්ථාවට හිමි පන්දුවාර 6 දී ආරම්භක පිතිකරුවන් දෙදෙනා ඉතා හොඳින් පන්දුවට පහර දෙමින් ලකුණු 63 ක් එක් කළහ. ඉන් ලැබුණු ජවයත් සමඟ ඉදිරියට ඇදුණු නවසීලන්ත කණ්ඩායමට අවසන් පන්දුවාරය සදහා ජයග්‍රහණය සඳහා ලකුණු 22 ක් අවශ්‍ය වූ නමුත් බිනුර ප්‍රනාන්දු විසින් එය ලකුණු 14 කට සීමා කිරීමට සමත්වීම නිසා ශ්‍රී ලංකාවට ජය විවර විය.

කුසල් පෙරේරාට ප්‍රථම ශ්‍රී ලංකාව වෙනුවෙන් විස්සයි-20 තරගයකදී ශතකයක් වාර්තා කර ඇති පිතිකරුවන් දෙදෙනා වන්නේ මහේල ජයවර්ධන(100) සහ ටී.එම්. ඩිල්ෂාන් (104)පමණි. 2011 වසරේදී ඔස්ට්‍රේලියාවට එරෙහිව ඩිල්ෂාන් රැස් කරන ලද ශතකය ශ්‍රී ලංකා පිතිකරුවකු රැස් කරන ලද අවසන් ශතකය ලෙසින් සනිටුහන් වේ.

කුසල් සිය ශතකය සඳහා පන්දු 46 කට පමණක් මුහුණ දුන් අතර එයද සටහන් වූයේ ශ්‍රී ලංකාව වෙනුවෙන් පිතිකරුවකු වාර්තා කරන ලද වේගවත්ම ශතකය ලෙසිනි. මීට පෙර ඩිල්ෂාන් පන්දු 55 කදී සහ මහේල පන්දු 63 කදී සිය ශතකය සම්පූර්ණ කර තිබුණහ. සමස්ථ ඉනිම පන්දු 46 කින් සමන්විත වුණු කුසල්ගේ ඉනිම සඳහා ඔහු හයේ පහර 4 ක් සහ හතරේ පහර 13 ක් එල්ල කර තිබුණි. කුසල්ගේ මෙම පහර ප්‍රධාන කොට ශ්‍රී ලංකා ඉනිමෙන් හයේ පහරවල් 12 ක් සහ හතරේ පහර 20 ක් එල්ල කර තිබුණි. මෙම ඉනිමත් සමගම කුසල් අද දිනයේදී ශ්‍රී ලංකාව වෙනුවෙන් විස්සයි-20 තරග වලදී ලකුණු 2000 සීමාව පසු කරන ලද පළමු  පිතිකරුවා බවට පත්වූවේය. කුසල් මෙම කඩඉම පසුකරන ලද්දේ සිය 77 වැනි තරගයට සහභාගිවෙමින් සිටියදීය. කුසල් පසුව ශ්‍රී ලංකාව වෙනුවෙන් වැඩිම ලකුණු සංඛ්‍යාවක් රැස් කර ඇති පිතිකරුවා වන්නේ කුසල් මෙන්ඩිස් වන අතර ඔහු තරග 78 කදී ලකුණු 1920 ක් රැස් කර තිබේ.

කුසල් හැරුනු කොට ඉනිමේ සාර්ථකම පිතිකරුවා බවට නායක චරිත් අසලංක පත්විය. ඔහු පන්දු 24 කදී හයේ පහර 5 ක් සහ හතරේ පහරක් සමගින් ලකුණු 46 ක් රැස් කළේය. ශ්‍රී ලංකා ඉනිමේ තෙවැනි කඩුල්ල ලෙසින් අවිශ්ක ප්‍රනාන්දු පිටියෙන් ඉවත්වන විට පන්දුවට පහර දීමට පැමිණි අසලංක සහ කුසල් පෙරේරා අතර සිව්වැනි කඩුල්ලේ සම්බන්ධතාවය පන්ු 45 කදී ලකුණු 100 ක් විය.

ශ්‍රී ලංකාව  පන්දුවාර 20 කදී කඩුලු 5 ක් දැවී ලකුණු 218 යි – (පැතුම් නිස්සංක 14, කුසල් මෙන්ඩිස් 22, කුසල් පෙරේරා 101, අවිශ්ක ප්‍රනාන්දු 17, චරිත් අසලංක 46)

නවසීලන්තය පන්දුවාර 20 කදී කඩුලු 7 ක් දැවී ලකුණු 211 යි – (සැකරි ෆෝල්ක්ස් 21*, මිචෙල් සැන්ට්නර් 14, ඩැරල් මිචෙල් 35, රචින් රවීන්ද්‍ර 69, ටිම් රොබින්සන් 37, චරිත් අසලංක 50/3, වනිදු හසරංග 38/2)

Active filters

Recent Posts

  • තරග රැසකටම වර්ෂාවෙන් බාධා
    බම්බලපිටිය පොලිස් ක්‍රීඩාංගණයේ අද (19) පැවැති මේජර් ලීග් තුන්දින අන්තර් සමාජ ක්‍රිකට් තරගාවලියේ පොලීසිය සහ මීගමුව අතර  තරගයේ දී පොලිස් කණ්ඩායමේ නායක අෂේන් බණ්ඩාර පන්දු 66ක දී හතරේ […]
  • ශ්‍රී ලංකා බාළිකාවියන්ට විශිෂ්ඨ ජයක්
    වයස අවුරුදු 19 න් පහළ බාළිකා ලෝක කුසලාන ක්‍රිකට් තරගාවලිය ආරම්භ කරමින් ශ්‍රී ලංකා වයස අවුරුදු 19 න් පහළ කණ්ඩායම තරග වැදි පළමු තරගයෙන්ම මැල්සියාවට එරෙහිව ලකුණු 139 ක දැවැන්ත තරග […]
  • බදුරලිය ජයග්‍රහණය අභියස
     ශ්‍රී ලංකා ක්‍රිකට් සංවිධානය කරන මේජර් ලීග් තුන්දින ක්‍රිකට් තරගාවලියේ මේ සති අන්තයේ දෙවැනි දිනය වු අද (18) එස්.එස්.සී. ක්‍රීඩාංගණයේ පැවැත්වෙන එස්.එස්.සී. – සී.සී.සී. තරගය මේ වන විට […]
  • චානක රුවන්සිරිගෙන් තුන් ඉරියව් දක්ෂතා
     ශ්‍රී  ලංකා ක්‍රිකට් සංවිධානය කරන මේජර් ලීග් තෙදින අන්තර් සමාජ ක්‍රිකට් තරගාවලියේ අද (17) මග්ගොන සරේ ක්‍රීඩාංගණයේ පැවැති රාගම – බදුරලිය තරගයේ දී බදුරලිය කණ්ඩායමේ චානක රුවන්සිරි පන්දු […]
  • එක්දින පන්දු යවන්නන් ශ්‍රේණිගත කිරීමේ තුන්වැනි තැන මහීෂ් තීක්ෂණට
    ජාත්‍යන්තර ක්‍රිකට් කවුන්සිලය මගින් නිවේදනය කරන ලද නවතම එක්දින පන්දු යවන්නන් ශ්‍රේණිගත කිරීම්වලට අනුව ශ්‍රී ලංකා පිලේ දඟ පන්දු යවන මහීෂ් තීක්ෂණ එහි තෙවැනි ස්ථානය දක්වා ඉදිරියට පැමිණීමට […]

Pin It on Pinterest

LKR Sri Lankan rupee