ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් සිව්දින ක්‍රිකට් තරගාවලියේ ජැෆ්නා හා දඹුල්ල අතර තරගයේ මුලින් පන්දුවට පහර‍දෙන ජැෆ්නා පිල අද (20) පළමු දිනයේ තරගය නතර කරද්දී කඩුලු 2ක් දැවී ලකුණු 206ක් ලබා ප්‍රබල තත්ත්වයක සිටී.

පල්‍ලෙකැලේ ජාත්‍යන්තර ක්‍රීඩාංගණයේ පැවැත්වෙන මෙම තරගයේ කාසියේ වාසිය දිනාගත් ජැෆ්නා පිල මුලින් පන්දුවට පහරදීමට තීරණය කළ අතර, ආරම්භක පිතිකරු රවිඳු රසන්ත නොදැවී ශතකයක් ලබා පිත්තෙන් දස්කම් දැක්වීය. පන්දු 196 කදී හතරේ පහර 10ක් සමඟ නොදැවී ලකුණු 100ක් රැස් කළ රවිඳු රසන්ත තෙවැනි කඩුල්ලට ඇන්ජලෝ මැතිව්ස් සමඟ එක්ව පන්දු 248කදී නොබිඳුනු ලකුණු 131ක සබඳතාවක් ගොඩනඟමින් සිටී.

ප්‍රවීණ පිතිකරු ඇන්ජලෝ මැතිව්ස් පන්දු 113කදී හතරේ පහර 8ක් සමඟ නොදැවී ලකුණු 63ක් රැස් කළේය. අංක තුන පිතිකරු තනුක දාබරේ පන්දු 49කදී හත‍ේ පහර 6ක සමඟ ලකුණු 33ක් ලබා සිටියදී දැවී ගිය අතර, ඔහු රවිඳු රසාන්ත සමඟ දෙවැනි ඩුල්ලට පන්දු 87කදී ලකුණු 51ක සම්බන්ධතාවක් ගොඩ නැගීය.

ජැෆ්නා පිල කඩුලු 2ක් දැවී ලකුණු 206 (ඕවර් 62)
රවිඳු රසන්ත නොදැවී 100, තනුක දාබරේ 33, ඇන්ජලෝ මැතිව්ස් ‍නොදැවී 63 (දුලාජ් සමුදිත 38/1, දිනුර කළුපහන 19/1)