ශ්‍රී ලංකා ජාතික ක්‍රිකට් කණ්ඩායම එක්දින සහ පන්දුවාර විස්සයි-20 තරගාවලියකට සහභාගිවීම සඳහා ලබන අගෝස්තු සහ සැප්තැම්බර් මාසවලදී සිම්බාබ්වේ රාජ්‍ය බලා පිටත්ව යනු ඇත.

සුදු පන්දුව භාවිතයෙන් සිදුකෙරෙන මෙම තරගාවලියේදී ශ්‍රී ලංකා ජාතික ක්‍රිකට් කණ්ඩායම එක්දින තරග 2 කට සහ පන්දුවාර විස්සයි-20 තරග 3 කට සහභාගිවීමට නියමිතය. . මෙම තරගාවලියේ සියලුම තරග හරාරේ ක්‍රීඩා සමාජ ක්‍රීඩාංගණයේදී පැවැත්වේ.

තරග 2 කින් සමන්විත එක්දින තරගාවලිය අගෝස්තු මස 29 වැනිදා සහ 31 වැනිදා පැවැත්වන අතර පළමු විස්සයි-20 තරගය සැප්තැම්බර් 03 වැනිදා පැවැත්වෙනු ඇත. දෙවැනි තරගය 06 වැනිදාද තෙවැනි තරගය 07 වැනිදාද පැවැත්වේ.

තරග කාලසටහන

අගෝස්තු 29 – පළමු එක්දින තරගය හරාරේහිදී

අගෝස්තු 31 – දෙවැනි එක්දින තරගය හරාරේහිදී

සැප්තැම්බර් 03 – පළමු විස්සයි-20 තරගය හරාරේහිදී

සැප්තැම්බර් 06 – දෙවැනි විස්සයි-20 තරගය හරාරේහිදී

සැප්තැම්බර් 07 – තෙවැනි විස්සයි-20 තරගය හරාරේහිදී