බංග්ලාදේශයට එරෙහිව කොළඹ ආර්. ප්‍රේමදාස ක්‍රීඩාංගණයේ පැවැත්වෙන පළමු එක්දින ජාත්‍යන්තර තරගයේදී පළමුව පන්දුවට පහර දෙමින් විශාල ලකුණු සංඛ්‍යාවක් ලබා ප්‍රතිවාදීන්ව පීඩනයට ලක් කිරීමේ අරමුණ ඇතිව කාසියේ වාසිය තමන් සතු කරගත් ශ්‍රී ලංකා නායක චරිත් අසලංංක පළමුව පන්දුවට පහර දීමට තීරණය කළේය.

ශ්‍රී ලංකාව අද තරගයේදී මිලාන් වේග  පන්දු යවන තුන් ඉරියව් ක්‍රීඩක මිලාන් රත්නායට එක්දින වරම් දිනා දෙමින් අවතීර්ණව සිටියි. මිලාන් ශ්‍රී ලංකාව වෙනුවෙන් එක්දින ජාත්‍යන්තර වරම් දිනාගත් 217 වැනි ක්‍රීඩකයා වන අතර ඔහුට එක්දින වරම් හිමිවීම වෙනුවෙන් සංඛේතාත්මකව පිරිනැමෙන හිස් වැස්ම ප්‍රධාන පුහුණුකරු සනත් ජයසූරිය මහතා විසින් පිරිනමන ල දී.

මේ අතර බංග්ලාදේශ කණ්ඩායාම ආරම්භක පිතිකරුවකු වන පර්වේස් හොසනේ එමෝන් සහ වමතින් දඟ පන්දු යවන තන්වීර් ඉස්ලාම් ට එක්දින වරම් දිනා දෙමින් තරගයට අවතීර්ණව සිටිති. මිලාන් රත්නායක ශ්‍රී ලංකාව වෙුවෙන් මීට පෙර ටෙස්ට් තරග 5 කට ක්‍රීඩා කර තිබේ. බංග්ලාදේශ්‍ය වෙනුවෙන් මංගල වරම් දිනාගත් ක්‍රීඩකයින් දෙදෙනා මීට පෙර විස්සයි-20 අන්තර්ජාතික තරග වලදී සිය රට නියෝජනය කර තිබේ.

පූර්විකාවේ සඳහන් කළ පරිදි අසලංකගේ අදහස එය වුවත් තම පළමු එක්දින තරගයට නායකත්වය ලබා දෙන මෙහෙදි හසන් මිරාස් සඳහන් කර සිටින්නේ පස්වරු කාලයේ පන්දු යැවීමේදී ශ්‍රී ලංකා පන්දු යවන්නන්ට පින්නෛන් බාධා ඇතිවිය හැකි වන බවයි. කොළඹ ආර්. ප්‍රේමදාස ක්‍රීඩාංගණයේදී සිදුකරන ලද පෙරපුහුණුවීම් වලදී මේ බව දැක ගත හැකි වූ බවද බංග්ලාදේශ නායකයා වැඩිදුරටත් සඳහන් කර සිටියේ.

ශ්‍රී ලංකා කණ්ඩායම – 1. පැතුම් නිස්සංක, 2. නිශාන් මදුෂ්ක, 3. කුසල් මෙන්ඩිස්, 4. කමිඳු මෙන්ඩිස්, 5. චරිත් අසලංක, 6. ජනිත් ලියනගේ, 7. වනිඳු හසරංග, 8. මිලාන් රත්නායක, 9. මහීෂ් තීක්ෂණ, 10. අසිත ප්‍රනාන්දු, 11. එෂාන් මාලිංග.

බංග්ලාදේශ කණ්ඩායම – 1. ටන්සිඩ් හසන්, 2. පර්වේස් හොසේන්, 3. නස්මුල් හොසේන් ෂැන්ටෝ, 4. ලිටන් දාස්, 5. ටව්හිඩ් රිඩෝයි, 6. මෙහෙදි හසන් මිරාස් (නායක), 7. ජේකර් අලී, 8. ටන්සිම් හසන්, 9. ටස්කින් අහමඩ්, 10. ටන්වීර් ඉස්ලාම්, 11. මුස්ටෆිසූර් රෙහ්මාන්.