2028 වසරේ බංග්ලාදේශයේ පැවැත්වීමට නියමිත අවුරුදු 19න් පහළ ලෝක කුසලාන ක්රිකට් තරගාවලිය ඉලක්ක කර ගනිමින් ඉන්දීය අවුරුදු 19න් පහළ කණ්ඩායමට එරෙහිව පැවැත්වෙන ද්විපාර්ශ්වික තරගාවලිය සඳහා ශ්රී ලංකා අවුරුදු 19න් පහළ සංචිත ශ්රී ලංකා ක්රිකට් තේරීම් කමිටුව විසින් ප්රකාශයට පත් කර ඇත.
ජූලි 3 වැනිදා හම්බන්තොට මහින්ද රාජපක්ෂ ජාත්යන්තර ක්රීඩාංගණයේදී ආරම්භ වන මෙම සංචාරය එක්දින තරග තුනකින් සහ සිව්දින තරග දෙකකින් සමන්විත වේ.
2026 අවුරුදු 19න් පහළ ලෝක කුසලාන තරගාවලියේදී ශ්රී ලංකා කණ්ඩායමට නායකත්වය දුන් විමත් දින්සර නම් කරන ලද කණ්ඩායම් දෙකේම නායකයා වන අතර කවීජ ගමගේ උප නායකයා ලෙසින්ම කටයුතු කරනු ඇත.
කපිල විජේගුණවර්ධන මහතාගේ ප්රධානත්වයෙන් යුතු ශ්රී ලංකා ක්රිකට් තේරීම් කමිටුව විසින් එක්දින තරගාවලිය සඳහා ක්රීඩකයන් 15 දෙනකුගෙන් සහ සිව්දින තරගාවලිය සඳහා ක්රීඩකයන් 16 දෙනකුගෙන් යුත් සංචිත නම් කර තිබේ.
එමෙන්ම ගිම්හාන් මෙන්ඩිස් සහ දිමත් අබේසිංහ පළමු වරට මෙම මට්ටමේ සංචිතයට කැඳවා ඇති අතර, රෙහාන් පීරිස් සහ කිත්ම විදානපතිරණ යළිත් ශ්රී ලංකා අවුරුදු 19න් පහළ සංචිතයට එක් කර ඇත.
තරගාවලිය ජූලි 04 වැනිදා හම්බන්තොට මහින්ද රාජපක්ෂ ජාත්යන්තර ක්රිකට් ක්රීඩාංගණයේදී පැවැත්වෙන පළමු එක්දින තරගයෙන් ආරම්භ වේ. දෙවැනි එක්දින තරගය ජූලි 06 වැනිදාත්, තෙවැනි එක්දින තරගය ජූලි 09 වැනිදාත් එම ක්රීඩාංගණයේදීම පැවැත්වේ.
එක්දින තරගාවලියෙන් අනතුරුව දෙපිළ සිව්දින තරග දෙකකට ක්රීඩා කරන අතර පළමු සිව්දින තරගය ජූලි 13 සිට 16 දක්වා ගාල්ල ජාත්යන්තර ක්රිකට් ක්රීඩාංගණයේදීත් දෙවැනි සහ අවසන් සිව්දින තරගය ජූලි 20 සිට 23 දක්වා කොළඹ ආර්. ප්රේමදාස ජාත්යන්තර ක්රිකට් ක්රීඩාංගණයේදීත් පැවැත්වෙනු ඇත.
ලෝක කනිෂ්ඨ ක්රිකට් පිටියේ ඉදිරි තරු බිහිකරන වේදිකාවක් ලෙස සැලකෙන මෙම තරගාවලිය, දෙරටේම නැගී එන ක්රීඩකයන්ට ජාත්යන්තර අත්දැකීම් ලබා ගැනීමට මහඟු අවස්ථාවක් වනු ඇත. විශේෂයෙන්ම ඉදිරි වයස අවුරුදු 19න් පහළ ජාත්යන්තර තරගාවලි සහ ජාතික කණ්ඩායම් සඳහා ක්රීඩකයන් සූදානම් කිරීමේදී මෙම සංචාරයට විශේෂ වැදගත්කමක් හිමිව තිබේ.
| එක්දින සංචිතය | ||
| ක්රීඩකයා | පාසල | |
| රෙහාන් පීරිස් | රාජකීය විදුහල – කොළඹ | |
| දිමන්ත මහවිතාන | ත්රිත්ව විදුහල – මහනුවර | |
| සෙනුජ වෙකුණගොඩ | ශාන්ත ජෝෂප් විදුහල – මරදාන | |
| විමත් දින්සර (නායක) | රාජකීය විදුහල – කොළඹ | |
| කවීජ ගමගේ (උප නායක) | කිංග්ස්වුඩ් විදුහල – මහනුවර | |
| චාමිික හීනටිගල | මහානාම විදුහල – කොළඹ | |
| චමරිඳු නෙත්සර | ශාන්ත ශර්වේෂස් විදුහල – මාතර | |
| දුල්නිත් සිගේරා | මහානාම විදුහල – කොළඹ | |
| සෙත්මික සෙනෙවිරත්න | ත්රිත්ව විදුහල – මහනුවර | |
| විග්නේෂ්වරන් ආකාශ් | ශාන්ත ජෝශප් විදුහල – මරදාන | |
| කුගදාස් මාතුලන් | ශාන්ත ජෝන් විදුහල – යාපනය | |
| ජේසන් ප්රනාන්දු | ශාන්ත පීතර විදුහල – බම්බලපිටිය | |
| ගිම්හාන් මෙන්ඩිස් | ශාන්ත තෝමස් විදුහල – ගල්කිස්ස | |
| දිමත් අබේසිංහ | මලියදේව විදුහල – කුරුණෑගල | |
| කිත්ම විදානපතිරණ | ආනන්ද විදුහල – කොළඹ |
| සිව්දින සංචිතය | ||
| ක්රීඩකයා | පාසල | |
| දිමන්ත මහවිතාන | ත්රිත්ව විදුහල – මහනුවර | |
| රෙහාන් පීරිස් | රාජකීය විදුහල – කොළඹ | |
| සෙනුජ වෙකුණගොඩ | ශාන්ත ජෝෂප් විදුහල – මරදාන | |
| විමත් දින්සර (නායක) | රාජකීය විදුහල – කොළඹ | |
| කවීජ ගමගේ (උප නායක) | කිංග්ස්වුඩ් විදුහල – මහනුවර | |
| චාමික හීනටිගල | මහානාම විදුහල – කොළඹ | |
| ජේසන් ප්රනාන්දු | ශාන්ත පීතර විදුහල – බම්බලපිටිය | |
| දුල්නිත් සිගේරා | මහානාම විදුහල – කොළඹ | |
| එස්.ඒ. ඉඳුවර | රාජකීය විදුහල – කොළඹ | |
| විග්නේෂ්වරන් ආකාෂ් | ශාන්ත ජෝසප් විදුහල – මරදාන | |
| ලතේන්ද්ර ආකාශ් | ශ්රී සුමංගල විදුහල – හික්කඩුව | |
| රමිරු පෙරේරා | රාජකීය විදුහල – කොළඹ | |
| ඕෂධ මනහර | ඩී.එස්. සේනානායක – කොළඹ | |
| දිමත් අබේසිංහ | මලියදේව විදුහල – කුරුණෑගල | |
| චමරිඳු නෙත්සර | ශාන්ත ශර්වේෂස් විදුහල – මාතර | |
| විරාන් චමුදිත | ශාන්ත ශර්වේෂස් විදුහල – මාතර |
තරග කාලසටහන
ජූලි 04 – පළමු එක්දින තරගය හම්බන්තොටදී
ජූලි 06 – දෙවැනි එක්දින තරගය හම්බන්තොටදී
ජූලි 09 – තෙවැනි එක්දින තරගය හම්බන්තොටදී
ජූලි 13–16 – පළමු සිව්දින තරගය ගාල්ල ජාත්යන්තර ක්රිකට් ක්රීඩාංගණය
ජූලි 20–23 – දෙවැනි සිව්දින තරගය ආර්. ප්රේමදාස ජාත්යන්තර ක්රිකට් ක්රීඩාංගණය, කොළඹ
