ලංකා ප්‍රිමියර් ලීග් ක්‍රිකට් තරගාවලියේ 17 වැනි තරගයේදී දඹුල්ල සික්සර්ස් කණ්ඩායම පරාජය කරමින් කලම්බු කෑප්ස් කණ්ඩායම කඩුලු 4ක තියුණු ජයක් වාර්තා කිරීමට අද (29) රාත්‍රියේදී සමත් විය. පල්ලෙකැලේ ජාත්‍යන්තර ක්‍රිකට් ක්‍රීඩාංගණයේ පැවැති මෙම තරගයේදී ලකුණු 175ක ඉලක්කයක් හඹා ගිය කලම්බු කෑප්ස් කණ්ඩායම පන්දුවාර 19කදී කඩුලු 6ක් දැවී ජයග්‍රාහී සීමාව පසු කළේය.

කෝළඹ කෑප්ස් ජයග්‍රහණයේ ප්‍රධානතම හේතුව වූයේ දකුණු අප්‍රිකානු පිතිකරු රුබින් හර්මන්ගේ වේගවත් ප්‍රහාරයයි. පන්දු 26කදී ලකුණු 48ක් රැස් කළ හර්මන්ගේ ඉනිමට හතරේ පහර 8ක් සහ හයේ පහරක් ඇතුළත් විය. ඔහු තරගයේ වීරයා සම්මානයෙන්ද පිදුම් ලැබුවේය.

ජයග්‍රහණය හඹා ගිය කෝළඹ කෑප්ස් කණ්ඩායමට සදීර සමරවික්‍රම සහ රුබින් හර්මන් එක්ව වේගවත් ආරම්භයක් ලබා දුන් අතර, සදීර පන්දු 16කදී ලකුණු 26ක් රැස් කළේය. අනතුරුව බෙන් මැක්ඩර්මට් ලකුණු 33ක් ද, නායක කමිඳු මෙන්ඩිස් ලකුණු 39ක් ද ලබා ගනිමින් ජයග්‍රහණයට ශක්තිමත් පදනමක් සැකසූහ.

අවසන් අවස්ථාවේදී අශේන් බණ්ඩාර නොදැවී ලකුණු 10ක් සහ මිලාන් රත්නායක නොදැවී ලකුණු 15ක් ලබා ගනිමින් කෝළඹ කෑප්ස් කණ්ඩායම ජයග්‍රහණය කරා රැගෙන ගියහ.

මෙවර තරගාවලිය යටතේ දඹුල්ල කණ්ඩායම තරග 7 කදී ලත් සිව්වැනි පරාජය ලෙසින් අද තරග පරාජය සනිටුහන් වූ බැවින් ප්‍රසාද ලකුණු සටහනේද ඔවුන්ට වෙන්ව ඇත්තේ අවසන් ස්ථානයයි. ඒ අනුව ඔවුනට අවසන් කණ්ඩායම් 4 අතරට යෑමට ඇත්තේ ඉතාම විරළ අවස්ථාවකි. ඔවුන්ට මූලික වටය යටතේ තවත් එක් තරගයක් පමණක් ඉතිරිව තිබුණද එම තරගය ජය ගත්තද මේ වන විටත් සිව්වැනි ස්ථානයට පැමිණ සිටින කැන්ඩි රෝයල්ස් කණ්ඩායම පරාජය වන තෙක් බලාගෙන සිටීමටද සිදුවනු ඇත.

කෝළඹ කෑප්ස් පන්දු යැවීමේදී ශහ්නවාස් දහානි සහ මුජීබ් උර් රහ්මාන් කැපී පෙනුණි. දහානි ලකුණු 41කට කඩුලු 2ක් දවාගත් අතර, මුජීබ් ලකුණු 16කට කඩුල්ලක් දවා ගත්තේය.

පළමුව පන්දුවට පහර දුන් දඹුල්ල සික්සර්ස් කණ්ඩායම නියමිත පන්දුවාර 20 අවසානයේ කඩුලු 5ක් දැවී ලකුණු 174ක් රැස් කළේය. දඹුල්ල ඉනිමේ වැඩිම ලකුණු ලාභියා වූයේ දකුණු අප්‍රිකානු පිතිකරු රීසා හෙන්ඩ්‍රික්ස්ය. ඔහු පන්දු 54කදී ලකුණු 80ක් රැස් කළේ හතරේ පහර 9ක් සහ හයේ පහර 3ක් සමඟිනි.

මුල් කඩුලු කිහිපයක් අඩු ලකුණු ගණනකට දැවී ගියද, හෙන්ඩ්‍රික්ස් සහ සිකන්දර් රාසා එක්ව සිව්වැනි කඩුල්ල සඳහා ලකුණු 83ක සබඳතාවක් ගොඩනඟමින් දඹුල්ල ඉනිම ස්ථාවර කළහ. රාසා පන්දු 25කදී ලකුණු 23ක් ලබා ගත්තේය.

අවසන් පන්දුවාරවලදී ගුල්බඩින් නයිබ් ප්‍රවේගවත් පිතිහරඹයක නිරත වෙමින් පන්දු 13කදී නොදැවී ලකුණු 33ක් රැස් කළ අතර, ඔහුගේ ඉනිමට හතරේ පහර 4ක් සහ හයේ පහර 2ක් ඇතුළත් විය. රමේෂ් මෙන්ඩිස් නොදැවී ලකුණු 6ක් එක් කළේය.

කෝළඹ කෑප්ස් වෙනුවෙන් දුෂ්මන්ත චමීර, අකිල ධනංජය සහ දසුන් නොවූ පන්දු යවන්නන් අතරින් අකිල ධනංජය ලකුණු 32කට කඩුලු 2ක් දවාගත් අතර, චමීර ලකුණු 32කට කඩුලු 2ක් ලබා ගත්තේය.

මෙම ජයග්‍රහණයත් සමඟ කෝළඹ කෑප්ස් කණ්ඩායම තරගාවලියේ ප්‍රසාද ලකුණු සටහනේ ඉදිරියට පැමිණීමට සමත් වූ අතර, දඹුල්ල සික්සර්ස් කණ්ඩායමට තවත් පරාජයක් එක් විය.

ලකුණු සාරාංශය

දඹුල්ල සික්සර්ස් – 174/5 (පන්දුවාර 20)
රීසා හෙන්ඩ්‍රික්ස් 80, ගුල්බඩින් නයිබ් නොදැවී 33, සිකන්දර් රාසා 23, දිනේෂ් චන්දිමාල් 12, දුෂ්මන්ත චමීර 32/2, අකිල ධනංජය 32/2, ශහ්නවාස් දහානි 41/2

කෝළඹ කෑප්ස් – 177/6 (පන්දුවාර 19)
රුබින් හර්මන් 48, කමිඳු මෙන්ඩිස් 39, බෙන් මැක්ඩර්මට් 33, සදීර සමරවික්‍රම 26, අකිල ධනංජය 32/2, දුෂ්මන්ත චමීර 32/2, රමේෂ් මෙන්ඩිස් 24/1