slc
logo
Home   |    News
ජූලි 27, 2019
“මෙරටෙන් හෝ විදේශයකින් ආරාධනයක් ලදොත් පුහුණුකරුවකු වනවා” ලසිත් මාලිංග

Sri Lanka Cricket

දක්ෂතාව ඕනෑම අයෙකු සතුය. එය ප්‍රගුණකර විශේෂිතවූ පුහුණුවීම් තුළින් වර්ධනය කර ගැනීමෙන් විශිෂ්ට හැකියාවන් මතුවේ. එවැනි අයගේ පීඩනය ඉවත් වී පහසුවෙන් ජාත්‍යන්තරයට යා හැකි යැයි එක්දින ක්‍රිකට් ක්‍රීඩාවෙන් සිකුරාදා (16) විශ්‍රාමගත් ලසිත් මාලිංග බංග්ලාදේශය සමග සමුගැනීමේ තරගයෙන් පසුව මාධ්‍යවේදීන් අමතා ප්‍රකාශ කළේය.

 මේ ආකාරයෙන් දක්ෂ පන්දු යවන්නන්ට ජාත්‍යන්තර තත්ත්වයට පිවිස උපරිම හැකියාවන් ප්‍රදර්ශනය කළ හැකි යැයි පැවසු ලසිත් මාලිංග ශ්‍රී ලංකාවේ හෝ විදේශීය රටක තරුණ ක්‍රීඩකයන්ට උපදෙස් හා පුහුණුව ලබාදී ජාත්‍යන්තර මට්ටමට ගෙන යාමට කිසිවෙකු තමාට ආරාධනය කරන්නේ නම් තමා එය සතුටෙන් භාරගන්නා බවද ප්‍රකාශ කළේය. අවුරුදු 15-17 ක්‍රීඩකයන් ඊට වඩාත් උචිත වන්නේ යැයිද හේ කීය.

යෝකර් පන්දු, බවුන්සර් පන්දු ,වේගයෙන් දුවවිත් සෙමින් පන්දු යැවීම (ස්ලෝ බෝල්) ගුවනේ දෝලනය වන පන්දු පිතිකරු මුලාවන ආකාරයේ පන්දු යැවීමට තමා දීර්ඝ ලෙස නිරන්තරයෙන් පුහුණුවක් ලැබූ හෙයින් තරගයකදී කඩුලු ලබා ගැනීමේ අවස්ථාව උදාවූ බවද මාලිංග කීවේය.

මා දැන් වයසට ගිය (අවුරුදු 36යි) වේග පන්දු යවන්නෙක්. තරුණ අවධියේ මෙන් වේගය තිබුණා නම් මා විවිධාකාරයෙන් යවන පන්දු සමග මීටත් වඩා දස්කම්පෑමට ඉඩ තිබුණා. එහෙත් දැන් තිබෙන අඩු වේගයත් සමග මා සතු කුසලතාවයන් ස්වල්පය ප්‍රයෝජනයට ගෙන මා කඩුලු ලබා ගන්නවා  යැයි ද මාලිංග පැවසීය. ආරම්භක පන්දු යවන්නන් සෑම අවස්ථාවක දීම අදිටන් කරගත යුත්තේ පළමු ඕවර දහයේදී කඩුලු දෙකක්වත් දවාලීමටය. එසේ වුවහොත් කණ්ඩායම සාර්ථක වනවා. වත්මන් ශ්‍රී ලංකා වේග පන්දු යවන්නන් අතුරින් ළහිරු කුමාර සහ අසිත ප්‍රනාන්දු දක්ෂයි. ඒත් ඔවුන් තවත් පුහුණුව ලැබිය යුතුයි. පිතිකරුවකු පන්දුවට පහරදෙන අවස්ථාවේ ඔහු හැසිරෙන ආකාරයෙන් ඔහු දවා ගැනීමට ක්‍රියාකළ හැකි යැයිද හේ කීය.

තමා පවුලේ සාමාජිකයන් සමග ඕස්ට්‍රේලියාවේ පදිංචියට යන බවට පැතිර යන කට කතාවන්හි කිසිදු සත්‍යයක් නැතැයි පැවසු මාලිංග බංග්ලාදේශ මාධ්‍යවේදියකු නැගූ ප්‍රශ්නයකනට පිළිතුරු දෙමින් ලසිත් මාලිංග කෙනෙකු වීමට අවශ්‍ය නම් අධිෂ්ඨානයෙන් කැපවීමෙන් උපරිමයෙන් ක්‍රියා කළ යුතුව ඇතැයි කීවේය.

තමාට මෙම තත්ත්වයට ඒමට උපකාර කළ දෙමාපියන්ටද, බිරිදට හා ප්‍රධාන පුහුණුකරු චම්පක රාමනායක ඔහු කෘතවේදීතාවය පළ කළේය. චම්පක රාමනායක දකුණු පළාතේ දී මාව සොයාගෙන ඔහු ක්‍රීඩා කරන ගාල්ල ක්‍රීඩා සමාජයට ඇතුළත් කරගත්තා. පසුව ඔහුගේ පන්දු යවන ස්ථානය මා හට පිරිනමා ඔහු පුහුණුකරුවෙකු වූ බව චම්පකව ස්තූති පූර්වකව සිහිපත් කරමින් මාලිංග කීය.

බන්දුල මොල්ලිගොඩ.

-The opinions expressed here are the views of the writer and do not necessarily reflect the views and opinions of Sri Lanka Cricket-

Active filters

Recent Posts

  • ශදාබ් සහ ගුර්බාස් කලම්බු ස්ට්‍රයිකර්ස්ට ජය ගෙනෙති
    By Chamila Karawita ලංකා ප්‍රිමියර් ලීග් ක්‍රිකට් තරගාවලියේ 17 වැනි තරගය ලෙසින් අද (14 දා) රාත්‍රියේ පැවැති තරගයෙන් ජැෆ්නා කිංග්ස් කණ්ඩායමට එරෙහිව කඩුලු 9 ක පහසු ජයක් වාර්තා […]
  • පිළිකා මර්ධනයට LPL අත හිත 
    අගහිඟකම්වලට මුහුණ පා සිටින අතරතුර, පිළිකාවන් ද වැළඳී වේදනා විඳිමින් ළතැවෙමින් දුක් සුසුම්ළන මේ සමාජයේ අපේම මව්වරුනට සොහොයුරියනට, දරුවන්ට අත්වැළක් වන්නට වත්මන් ක්‍රිකට් ක්‍රීඩකයනට අවස්ථාවක් උදාවන්නේ නම් එය […]
  • සුපිරි පන්දුවාරයේදී ගෝල් මාවල්ස් ජය ලබයි
    By Chamila Karawita ලංකා ප්‍රිමියර් ලීග් ක්‍රිකට් තරගාවලිය යටතේ අද (14 දා) පස්වරුවේ පැවැති ගෝල් මාවල්ස් සහ දඹුල්ල සික්සර්ස් කණ්ඩායම් අතර තරගය සුපිරි පන්දුවාරය දක්වා දිග හැරුණු අතර […]
  • හතරේ සීමාවේ දුර අඩුද…? වැඩිද…? ජැෆ්නා නායකයාගේ අදහස
    ලංකා ප්‍රිමියර් ලීග් තරගාවලියේදී හතරේ සීමා මඳක් කෙටි කිරීමෙන් ඉදිරි ජාත්‍යන්තර තරග සඳහා කිසිදු අවාසිදායක තත්ත්වයක් ඇති නොවන බවත් උසස් මට්ටමේ තණතිලිවල ක්‍රීඩා කරද්දී පිතිකරුවනට දක්ෂ අයුරින් පහර […]
  • හයේ වරුසාවක් සමඟින් ජැෆ්නා ක්‍රීඩකයෝ 5 වැනි ජය ලබති
    Chamila Karawita ලංකා ප්‍රිමියර් ලීග් ක්‍රිකට් තරගාවලියේ දෙවැනි අදියර හෙවත් කොළඹ අදියර ආරම්භ කරමින් පැවැති පළමු තරගයේදීම කැන්ඩි ෆෝල්කන්ස් කණ්ඩායම විසින් ලබා දුන් ලකුණු 79 ක ඉලක්කය හඹා […]

Pin It on Pinterest

LKR Sri Lankan rupee
logo