slc
logo
Home   |    News
අගෝස්තු 9, 2019
පුහුණු තරගයේ දෙවැනි දිනය වැස්සට සේදෙයි

Sri Lanka Cricket

නවසීලන්ත ක්‍රිකට් කණ්ඩායම සහ ශ්‍රී ලංකා ක්‍රිකට් සභාපතිගේ පිල අතර කටුනායක මේරියන්ස් ක්‍රිකට් ක්‍රීඩාංගණයේ පැවැත්වෙන තුන් දින පුහුණු තරගයේ විටින් විට ඇද හැළුණු වර්ෂාව හේතුවෙන්  දෙවැනි දිනය වූ අද (09 දා) එකම පන්දුවක් හෝ යැවීමට නොහැකි විය.

පෙර දින රාතියේ සිට ඇද හැළුණු වර්ෂාව උදෑසන කාලය ඇතුළතත් විටින් විට ඇද හැළුණු නමුත්, දිවා ආහාරයෙන් පසු තරගය ආරම්භ කිරීම වෙනුවෙන් විනිසුරුවන් මෙන්ම ක්‍රීඩාංගණ කාර්යය මණ්ඩලය දැඩි උත්සාහයක නිරත විය. තරගය කොයි මොහොතේ හෝ ආරම්භ කිරීමේ බලාපොරොත්තු ඇතිව නවසීලන්ත කණ්ඩායම සිය ශරීරය උණුසුම් කිරීමේ ව්‍යායාම සඳහා පිටියට පිවිස සිටිනු දක්නට ලැබුණි. කෙසේ වෙතත් ප.ව. 12.30 ට පමණ යළිත් වර්ෂාව ඇද හැළීම නිසා ප.ව. 1.30 ට පමණ දෙවැනි දිනට තරගය ඇත හැර දැමීමට තරග තීරක චමින්ද මෙන්ඩිස් මහතා ඇතුළු විනිසුරුවෝ තීරණය කළහ.

ලබන 14 වැනිදා ගාල්ලේදී ආරම්භ වීමට නියමිත පළමු ටෙස්ට් තරගයට පෙර නවසීලන්ත පිලට හිමි පළමු හා එකම තුන් දින පුහුණු තරගය වන මෙම තරගයේ පළමු දිනටද අයහපත් කාලගුණය හරස්වීම නිසා තරග ආරම්භය ප.ව. 12.30 දක්වා ප්‍රමාද වීය. පන්දුවාර 78 කට සීමා වෙමින් ඇරඹි පළමු දිනයේ සවස් කාලයේදී අඳුරු කාලගුණ තත්ත්වය මත එදින තරගය පන්දුවාර 65.5 කට සීමා කිරීමට විනිසුරුවෝ තීරණය කළහ.

ඒ වන විටත් සිය පළමු ඉනිම ක්‍රීඩා කරමින් සිටි ශ්‍රී ලංකා ක්‍රිකට් සභාපතිගේ පිල කඩුලු 6 කට ලකුණු 323 ක් ලබා ගැනීමට සමත්විය. ඒ අනුව තෙවැනි සහ අවසන් දිනය වන හෙට (10 දා) දිනයේදී තරගය පෙ.ව. 9.30 ට ආරම්භ වීමට නියමිතව තිබේ.

Active filters

Recent Posts

  • තුන්දින ක්‍රිකට් මූලික වටයේ අවසන් සතිය
    ශ්‍රී ලංකා ක්‍රිකට් ආයතනය මෙහෙය වන අන්තර් සමාජ මේජර් තුන්දින ලීග් ක්‍රිකට් තරගාවලියේ මූලික වටයේ අවසාන සති අන්තයේ තරග දෙසැම්බර් 1 – 3 දක්වා පැවැත් වේ. මූලික වටයේ […]
  • ගුවන් – යුද කාන්තාවෝ අවසන් මහා සටනට එති
    ශ්‍රී ලංකා ක්‍රිකට් ආයතනය සංවිධානය කරන කාන්තා ප්‍රධානතම ක්‍රීඩා සමාජ ඕවර් 50 ආරාධිත ක්‍රිකට් තරගාවලියේ අවසන් මහා තරගයට ශ්‍රී ලංකා ගුවන් හමුදාව හා ශ්‍රී ලංකා යුද හමුදා කණ්ඩායම් […]
  • සත්‍යා – හංසිමා ශතක රැස් කරති
    ශ්‍රී ලංකා ක්‍රිකට් ආයතනය මෙහෙයවන කාන්තා අන්තර් සමාජ ආරාධිත එක්දින ක්‍රිකට් තරගාවලියේ අද (29) පැවැති නාවික හමුදාව සහ ඒස් කැපිටල් අතර තරගයේදී නාවික හමුදාවේ සත්‍යා සංදීපනී (නොදැවී 156) […]
  • කොළඹින් පිට පළාත් 15න් පහළ ක්‍රීඩකයෝ කොළඹ සමඟ කරට කර
    මෙරට අනාගත ක්‍රිකට් තරු හඳුන්වාදීමේ අරමුණින් ප්‍රීමා සමාගම හා එක්ව ශ්‍රී ලංකා ක්‍රිකට් ආයතනය විසින් සංවිධානය කරනු ලැබූ ප්‍රීමා කුසලාන වයස අවුරුදු 15න් පහළ යූත් ලීග් ක්‍රිකට් තරගාවලියේ […]
  • 15න් පහළ ලීග් ක්‍රිකට් ශූරතාව පිට පිට දෙවැනි වරටත් කොළඹ දකුණ දිනයි
    මෙරට අනාගත ක්‍රිකට් තරු හඳුන්වාදීමේ අරමුණින් ප්‍රීමා සමාගම සමග එක්ව ශ්‍රී ලංකා ක්‍රිකට් ආයතනය විසින් සංවිධානය කරනු ලබන ප්‍රීමා කුසලාන වයස අවුරුදු 15න් පහළ යූත් ලීග් ක්‍රිකට් තරගාවලියේ […]
USD United States (US) dollar

Pin It on Pinterest