ලොව ප්‍රකටතම ක්‍රිකට් සගරාව ලෙස සලකන විස්ඩන් සගරාව 2010 සිට 2019 දක්වා නම් කරන දශකයේ දක්ෂතම ක්‍රිකට් කණ්ඩායම් තුනට ශ්‍රී ලංකාවේ කුමාර් සංගක්කාර සහ ලසිත් මාලිංග නම්කර තිබේ.

42 හැවිරිදි සංගක්කාර ටෙස්ට් තරග 134කදී (ඉනිම 233යි) ලකුණු 12400ක්ද එක්දින තරග 404 කදී (ඉනිම 380) ලකුණු 14234ක්ද 20-20 තරග 56කදී ලකුණු 1382ක් ද ලබා ඇති ශ්‍රී ලංකාවෙන් බිහිවූ දක්ෂතම පිතිකරුවෙකු කඩුලු රකින්නෙකු හා නායකයෙකු වේ. 36 හැවිරිදි ලසිත් මාලිංග එක්දින තරග 226කදී කඩුලු 338ක්ද 20-20 තරග 81කදී කඩුලු 106ක් ද ලබාසිටී සංගක්කාර මාතලේ නගරයේදී ත් මාලිංග රත්ගම නගරයේදීත් උපත ලබා ඇත.

විස්ඩන් සගරාව පසුගිය දශකයේ කණ්ඩායම් තුන නම් කිරීමේදී ටෙස්ට් කණ්ඩායමේ නායකත්වයට ඉන්දියාවේ විරාට් කෝලි නම් කර තිබේ. එහි සෙසු ක්‍රීඩකයන් වන්නේ ඇලෙස්ටෙයාර් කුක්, ඩේවිඩ් වෝනර්, කුමාර් සංගක්කාර, ස්ටිව් ස්මිත්. බෙන් ස්ටෝක්ස්, ඒ.බී.ඩි.විලියර්ස් රවිචන්ද්‍ර අස්වින්, ඩේල් ස්ටේන්, කගිසෝ රබඩා සහ ජේම්ස් ඇන්ඩර්සන්ය.

ලසිත් මාලිංග එක්දින හා 20-20 තරගාවලි දෙකටම නම්කර සිටී. එක්දින කණ්ඩායමේ නායකත්වයට නම් කර ඇත්තේ ඩේව්ඩ් වෝනර්ය. එම කණ්ඩායමේ සෙසු ක්‍රීඩකයන් වන්නේ රෝහිත් ෂර්මා, විරාට් කෝලි , ඒ.බී.ඩි.විලියර්ස්, ජෝස් බට්ලර්, මහේන්ද්‍රසිං දෝනි,ෂකිබ් අල් හසන්, ලසිත් මාලිංග, මිචෙල් ස්ටාක්, ට්‍රෙන්ට් බෝල්ට් සහ ඩේල් ස්ටේන්.

20-20 කණ්ඩායමේ නායකත්වය දරන්නේ ඒරන් ෆින්ච්ය. එහි සෙසු ක්‍රීඩකයන් වනුයේ කොලින් මුන්රෝ, විරාට් කෝලි, ෂේන් වොට්සන්, ග්ලෙන් මැක්ස්වල්. ජොස් බට්ලර්, මොහොමඩ් නබී, ඩේවිඩ් විලී. රෂීඩ්ඛාන්, ජස්ප්‍රිට් බුම්රා සහ ලසිත් මාලිංග.

ඉන්දීය නායක විරාට් කෝල් කණ්ඩායම් තුනටම නම්කර තිබීම විශේෂත්වයකි.

බන්දුල මොල්ලිගොඩ

-The opinions expressed here are the views of the writer and do not necessarily reflect the views and opinions of Sri Lanka Cricket-