slc
logo
Home   |    News
දෙසැම්බර් 7, 2020
LPL නිසා උතුර දකුණ යාවුණු ක්‍රිකට් මිතුදම

Sri Lanka Cricket

උතුරත් දකුණත් යාකරන පවුරක් බවට ශ්‍රි ලංකා ක්‍රිකට් ආයතනය මෙහෙය වන එල්.පි.එල් තරගාවලිය පත් වෙමින් තිබෙන බවට මේ යුගයේදීම අසන්නට සහ දකින්නට ලැබීම කෙතරම් අපූර්ව වූ පුවතක් ද ? දර්ශනයක් ද?

“මල්ලී දකුණතින් පා දඟ පන්දු යැවිය යුත්තේ මෙහෙමයි. පන්දු පතිත කළ යුත්තේ මේ ස්ථානයටයි.”යනුවෙන් සිරිලක දකුණු කෙළවරේ ගාල්ල නගරයේ උපත ලද දැනට මේ තරගාවලියේ දක්ෂම පන්දු යවන්නා ලෙස විරුදාවලිය ලත් වනිඳු හසරංග මෙලෙස උපදෙස් දෙන්නේ උතුරු කෙළවරේ යාපනය නගරයේ ජන්මය ලත් 19 හැවිරිදි විජයකාන්ත් වියස්කාන්ත් ටය.

ගාල්ල රිච්මන්ඩ් ක්‍රිකට් කණ්ඩායම නියෝජනය කරමින් වනිඳු හසරංගත් යාපනය මධ්‍ය මහා විදුහල වෙනුවෙන් ක්‍රිඩා කරමින් විජයකාන්ත් වියස්කාන්ත් ක්‍රීඩකයාත් ක්‍රිකට් ක්‍රීඩාවේ මුලකුරු කියවා පසුව අද මොවුන් ජත්‍යන්තර මට්ටමින් ක්‍රිකට් ක්‍රීඩා කරමින් එකම කණ්ඩායමකට (ජැෆ්නා ස්ටැලියන්ස්)ක්‍රීඩා කරන්නේ දැඩි මිතුරුකමකිනි. ක්‍රීඩාවට ආගම්, ජාති, කුල හා වර්ණ භේද බල නොපාන බවට ශ්‍රී ලංකා ක්‍රිකට් ආයතනය සංවිධානය කරන මෙම එල්.පි.එල් තරගාවලියට සහභාගි වන ක්‍රීඩකයනගේ එකමුතුභාව තවත් එක් සාධකයකි.

මෙරට ක්‍රිකට් ක්ෂේත්‍රය බැබළවීමට උතුරු නැගෙනහිර ප්‍රදේශයන්ගෙන් දක්ෂ ක්‍රීඩකයන් බිහිවීම අද ඊයේ සිදුවීමක් නොවන බව ප්‍රකටය. ජනවර්ගික හා වෙනත් ගැටළු මත කලක් මේ තත්ත්වය වෙනස් ව පැවතියත් මීට වසර 2-3ක සිට ක්‍රිකට් ආයතනය හඳුන්වා දුන් “රට පුරා දක්ෂයන් සොයා යෑමේ” (Talent search) වැඩ සටහනෙන් ඉදිරියට ආ ක්‍රීඩකයන් දෙදෙනෙක් නම් යාපනය මැදි  විදුහලේ විජයකාන්ත් වියස්කාන්ත් (2018) සහ මධුෂාන්(2019) වේ.

මේ ක්‍රීඩකයන් දෙදෙනාම ශ්‍රී ලංකා 19 පහළ ජාතික ක්‍රිකට් කණ්ඩායම නියෝජනය කළ අතර  ඔවුන්ගේ දක්ෂතා අගය කරමින් අදහස් දක්වන  19න් පහළ ප්‍රධාන පුහුණුකරු හිටපු නායක හෂාන් තිලකරත්න මොවුන් ජන්මයෙන්ම කුසලතා රැගෙන ආ දක්ෂ ක්‍රිකට් ක්‍රීඩකයන් බවත් ඔවුන් අනාගතයේදී ලංකා ක්‍රිකට් ක්ෂේත්‍රය දීප්තිමත් කරනු ඇති බව සිය අපේක්ෂාව බවත්  ප්‍රකාශ කරයි.

ජැෆ්නා ස්ටැලියන්ස් කණ්ඩායම නියෝජනය කිරීමට වරම් ලද විජයකාන්ත් වියස්කාන්ත් පසුගිය සිකුරාදා කලම්බු කිංග්ස් සමඟ තරගයට සහභාගී වීමට පෙර ස්ටැලියන්ස් නායක තිසර පෙරේරා  ඔහුට මංගල හිස් වැස්ම පිරිනැමුවේ කණ්ඩායමේ ක්‍රීඩකයන් සියල්ලගේම අත්පොළසන් මැදය. දකුණත් පා දඟ පන්දු යවන්නෙකු ලෙසට මේ තරගයට ඉදිරිපත් වූ වියස්කාන්ත් යාපනය අර්ධද්වීපයෙන්  වසර පනහක කාලයකට පසුව ජාත්‍යන්තර පිටියට පිවිසි ක්‍රීඩකයා ලෙස ඉතිහාසයට එක් වේ.

වියස්කාන්ත් මේ තරගයේදී තමාට හිමි පන්දුවාර හතර තුල ලකුණු 29ක් පමණක් දී කඩුල්ලක් දවා ගත්තේ විශිෂ්ට පන්දු යැවීමක නිරත වෙමිනි. ඔහු දවාලු කඩුල්ල වුයේ ශ්‍රී ලංකා හිටපු නායක ඇන්ජලෝ මැතිව්ස් ගේ කඩුල්ල ය. තරගයට පසු දින (දෙසැම්බර් 05) 19 වියට පා තැබු මේ පන්දු යවන්නාට මෙම කඩුල්ල කදිම උපන්දින ත්‍යාගයකි. දකුණතින් පිත්ත හසුරවමින් ඔහු පන්දු හතරකදී ලකුණු තුනක් රැස්කරද්දී රූපවාහිනි විස්තර විචාරයේ නියැළී සිටි විදෙස් විස්තර විචාරකයා ප්‍රකාශ කළේ මොහු පහර එල්ල කරන ආකාරය අනුව තව ප්‍රහුණුව ලදහොත්  දක්ෂ පිතිකරුවෙකු වීමට අවස්ථාව ඇති බවයි. ජත්‍යන්තරයේ පවා විකාශනය වූ මේ ක්‍රිකට් තරගය නැරඹීමෙන් උතුරේ ජනතාව පමණක් නොව විදේශයන්හි වෙසෙන මෙරට උතුරේ ජනතාවද අමන්දානන්දයට පත්ව ඇත. එබැවින් එදා දකුණට පමණක් සීමාව තිබූ ක්‍රිකට් උන්මාදය,  උතුරේද පැතිරවීමට ලංකා ප්‍රිමියර් ලීග් තරගාවලියට හැකියාව ලැබී තිබේ.

විජයකාන්ත් වියස්කාන්ත් මෙදින යැවු පන්දු 24න් අටක්ම ලකුණක් වත් නොලැබු පන්දු  වූ අතර මේ තරගාවලියට සහභාගිවන ප්‍රහාරාත්මක පිතිකරු  ලෙස ජාත්‍යන්තරයේ නමක් දිනා සිටින කොදෙව් කණ්ඩායමේ ඇන්ඩ්‍රෙ රසල් මෙහිදී වියස්කාන්ත් ගේ පන්දු හතරකට මුහුණදී ලබා ගත්තේ ලකුණක් පමණි. කලම්බු කිංග්ස් කඩුලු රකින්නා වූ ශ්‍රී ලංකාවේ තවත් හිටපු නායකයෙකු වන දිනේෂ් චන්දිමාල් මොහුගේ පන්දු යැවීම ගැන ප්‍රකාශ කළේ නිර්භයව දක්ෂ ලෙස ඔහු පන්දු යැවු ආකාරය ප්‍රශංසනීය බවය.

යාපනය මැදි විදුහලේ ක්‍රිකට් ක්‍රීඩාවට පිවිස ලංකා 19න් පහළ කණ්ඩායම නියොජනය කළ වියස්කාන්ත් හා මධුෂාන් යන ක්‍රීඩකයන් දෙදෙනාම මීට පෙර ලංකා 19න් පහළ පිළ නියෝජනය කර ජත්‍යන්තර තරගාවලියන්ට සහභාගී වී ඇත .2018 වසරේ ශ්‍රී ලංකාවට පැමිණි ඕස්ට්‍රේලියා 19න් පහළ කණ්ඩායම සමඟ ටෙස්ට් ( නිල නොවන සිව්දින) තරගයේ දී වියස්කාන්ත්   ලකුණු 37කට කඩුල්ලක් දවා පසුව නොදැවී ලකුණු දහයක්ද ලැබීය.මධුෂාන් 2019 මුල දී බංගලාදේශයේ පැවති 19න් පහළ ආසියානු කුසලාන තරගාවලියට සහභාගිවිණි.

බන්දුල මොල්ලිගොඩ

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar