slc
logo
Home   |    News
පෙබරවාරි 17, 2021
15න් පහළ පුහුණු සංචිතයේ පුහුණුව යළි ඇරඹේ

Sri Lanka Cricket

2024 අවුරුදු 19න් පහළ ලෝක කුසලාන ක්‍රිකට් තරගාවලිය අරමුණු කරගෙන ආරම්භ කරන ලද ක්‍රීඩකයන් 64කගෙන් සමන්විත වූ 15න් පහළ ජාතික සංචිතයේ පුහුණු කටයුතු අදාළ මධ්‍යස්ථානයන්හිදී නැවත ආරම්භ කිරීමට තීරණය කර තිබේ.

මෙහි බස්නාහිර පළාත් පුහුණු මධ්‍යස්ථානය ක්‍රීඩකයන්ගෙන් 22කගේ සහභාගිත්වයෙන් බෙත්තාරාම ක්‍රීඩාංගණයේ උසස් දක්ෂතා මධ්‍යස්ථානයේත් මධ්‍යම පළාතේ මධ්‍යස්ථානය ක්‍රීඩකයන් 15කගේ සහභාගිත්වයෙන් මහනුවර පල්ලේකැලේදීත් දකුණු පළාතේ මධ්‍යස්ථානය ක්‍රීඩකයන් 15කගේ සහභාගිත්වයෙන් ගාල්ල ජාත්‍යන්තර ක්‍රීඩාංගණයේත් උතුරු සහ උතුරු මැද ප්‍රදේශයන්හි පුහුණු මධ්‍යස්ථානය ක්‍රීඩකයන් 12ක සහභාගිත්වයෙන් දඹුල්ල ක්‍රීඩාංගණයේත් පැවැත්වේ.

මෙම සංචිතය පසුගිය වසරේදී ආරම්භ කළද කොවිඩ් 19 ආසාධනයන් මත අතර මග නතර කැරිණි. ඉදිරි සති කිහිපය තුළ මේ මධ්‍යස්ථානයන්හි පුහුණු කටයුතු සහ පුහුණු තරග නැවත ඇරැඹේ.

සංචිතයන්ට ක්‍රීඩකයන් තෝරාගෙන ඇත්තේ පසුගිය වසරේ අවුරුදු 15න් පහළ තරගාවලියට සහභාගිවූ පාසල් කණ්ඩායම් පන්සියයක් පමණ අතුරින් අන්තර් කොට්ඨාශ, දිස්ත්‍රිකක් සහ පළාත් මට්ටමෙන් විශේෂ දක්ෂතා පෙන්වු ක්‍රීඩකයන් තෝරා සංචිත ගත කිරීමෙනි. මේ මධ්‍යස්ථානයන්හි පුහුණුකරුවන් ලෙස ක්‍රියාකරනුයේ ක්‍රිකට් ආයතනය මගින් පැවැත්වු කණිෂ්ට ක්‍රිකට් පුහුණු පාඨමාලා සමත්වු පුහුණුකරුවන්ගේ සහභාගිත්වයෙනි.

ඕස්ට්‍රේලියානු ජාතික ක්‍රිකට් පුහුණු උපදේශක ටිම් මැකස්කිල්ගේ පූර්ණ අධීක්ෂණය යටතේ මෙම සංචිතයන් ක්‍රියාත්මකවේ.

Active filters

Recent Posts

LKR Sri Lankan rupee

Pin It on Pinterest