slc
logo
Home   |    News
ජූනි 11, 2021
ශ්‍රී ලංකාවට එරෙහි එක්දින සහ විස්සයි-20 සටනේ නායකත්වය ධවාන්ට

sinhala editor

ශ්‍රී ලංකාවට එරෙහිව පැවැත්වෙන එක්දින සහ විස්සයි-20 තරග සංචාරය සඳහා සහභාගිවන ඉන්දීය ක්‍රිකට් කණ්ඩායමේ නායකයා ලෙසින් ආරම්භක පිතිකරු ශිකර් ධවාන්ව පවත් කිරීමට ඉන්දීය ක්‍රිකට් තේරීම් කමිටුව පියවර ගෙන තිබේ. ඉන්දීය පිලේ නායකත්වයට ධවාන් පත් වුණු පළමු අවස්ථාව ලෙසින් සනිටුහන් වන මෙම තරග සංචාරයේ ඔහුගේ සහායක උප නායකයා ලෙස භුවනේෂ්වර කුමාර්ව නම් කර තිබේ.

එක්දින තරග 3 ක් සහ විස්සයි-20 තරග 3 ක් පැවැත්වෙන මෙම තරග සංචාරය සඳහා නම් කරන ලද ඉන්දීය කණ්ඩායම ක්‍රීඩකයින් 20 දෙනෙකුගෙන් සමන්විත වේ. එම කණ්ඩායමට අමතරව එම තරග සංචාරය සඳහා දැල් පුහුණු පන්දු යවන්නන් 5 දෙනෙකුද ශ්‍රී ලංකාවට රැගෙන ඒමට ඉන්දීය ක්‍රිකට් පාලක මණ්ඩලය පියවර ගෙන තිබේ. එම කණ්ඩායමේ ප්‍රධාන පුහුණුකරු ලෙස හිටපු ඉන්දීය ටෙස්ට් නායක රාහුල් ඩ්‍රාවිඩ් කටයුතු කරනු ඇත.

ටෙස්ට් ලෝක ශූරතාවලියේ අවසන් මහ තරගයට ක්‍රීඩා කිරීම සඳහා විරාත් කෝලිගේ නායකත්වයෙන් යුතු ඉන්දීය කණ්ඩායම එංගලන්තය බලා පිටත්ව ගොස් සිටින හෙයින් එම කණ්ඩායමට ක්‍රීඩා කරන ක්‍රීඩකයින්ට මෙම තරග සංචාරය සඳහා සහභාගිවීමේ අවස්ථාව අහිමිව තිබේ. එම තරගය නවසීලන්තයට එරෙහිව ජුනි 18 වැනිදා පැවැත්වෙනු අතර එම තරග සංචාරයෙන් පසු එංගලන්තයට එරෙහිව තරග 5 කින් සමන්විත ටෙස්ට් තරගාවලියකට ඉන්දීය පිල ක්‍රීඩා කරනු ඇත.

නම් කරන ලද ඉන්දීය කණ්ඩායමට නවක ක්‍රීඩකයින් පස් දෙනෙකු ඇතුළත්ව සිටින අතර දෙව්දත් පදිකාල්, රුටුරාජ් ගායික්වාද්, නිටිෂ් රානා, කේ. ගෞතම් සහ චේතන් සකරියා ඔවුහු වෙති. මොවුන් සියලු දෙනාම ඉන්දීය ප්‍රිමියර් ලීග් සහ එරට දේශීය ක්‍රිකට් තරගාවලිවලදී දක්ෂතා දැක්වූ ක්‍රීඩකයෝ වෙති.

ඉන්දීය කණ්ඩායම – ශිකර් ධවාන් (නායක), භුවනේෂ්වර් කුමාර් (උප නායක), ප්‍රිතිව් ෂෝ, දෙව්දත් පදිකාල්, රුටුරාජ් ගයික්වාද්, සූරියකුමාර් යාදව්, මනීෂ් පාන්ඩේ, හර්දික් පාණ්ඩ්‍යා, නිතිෂ් රානා, ඉෂාන් ක්‍රිෂාන්, සංජු සැම්සන්, යුස්වේන්ද්‍රර් චෙහල්, රාහුල් චෙහාර්, කේ. ගෞව්තම්, කෘනාල් පාණ්ඩ්‍යා, කුල්දීප් යාදව්, වරුන් චක්‍රවර්තී, දීපාක් චෙහාර්, නව්දීප් සයිනි, චේතන් සකරියා.

දැල් පුහුණු පන්දු යවන්නන් – ඉෂාන් පොරල්, සංදීප් වොරියර්, අර්ශ්දීප් සිං, සියි කිෂෝර්, සිමාර්ජීත් සිං.

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar