slc
logo
Home   |    News
ජනවාරි 5, 2022
ජාතික කණ්ඩායමට කාර්ය බහුල වසරක්

sinhala editor

By Chamila Karawita

උදාවූ 2022 වසර තුළදී ආසියානු කුසලාන තරගාවලියේ සත්කාරකත්වය දැරීමට අමතරව තවත් ජාත්‍යන්තර තරගාවලි තුනකට සත්කාරකත්වය ලබා දීමට නියමිතව තිබේ. ශ්‍රී ලංකා ක්‍රිකට් කණ්ඩායමේ දින දර්ශනයට අනුව මෙම වසර තුළදී ඔස්ට්‍රේලියාව, පාකිස්තානය සහ සිම්බාබ්වේ කණ්ඩායම් ශ්‍රී ලංකාවට පැමිණ තරග කිරීමට නියමිතය.

උදාවූ වසරේ පළමු තරගාවලිය වන්නේ සිම්බාබ්වේ පිලට එරෙහිව පැවැත්වෙන තරග 3 කින් සමන්විත එක්දින තරගාවලිය වේ. ලෝක කුසලාන තරගාවලියට සුදුසුකම් ලබා ගැනීමේ සුපර් ලීග් තරගාවලියට ඇතුළත් මෙම එක්දින තරග 3, එළැඹෙන 16 වැනිදා පල්ලකැලේදී ආරම්භ වේ.

මීට අමතරව මෙම වසරේදී ශ්‍රී ලංකා පිල ටෙස්ට් තරග 8 කට සහභාගිවීමට නියමිත අතර ඉන්දියාවට එරෙහිව ඉන්දියාවේදී ටෙස්ට් තරග 2ක්, බංග්ලාදේශයට එරෙහිව ටෙස්ට් තරග 2ක්, ඔස්ට්‍රේලියාවට එරෙහිව ටෙස්ට් තරග 2 ක්, පාකිස්තානයට එරෙහිව ටෙස්ට් තරග 2 ක් වශයෙන් ශ්‍රී ලංකාව තරග වැදීමට නියමිතය.

වසරේ සමස්ථය ගත් විට අප්‍රේල් සහ නොවැම්බර් මාස හැරුණු විට සෙසු සෑම මාසයකදීම ශ්‍රී ලංකා පිල ජාත්‍යන්තර තරගාවලියකට සහභාගිවීමට නියමිත බැවින් මෙම වසර් අතිශය කාර්යය බහුල වසරක් ලෙස හැඳින්විය හැක. ඒ අතරේදී අගෝස්තු මස ආසියානු කුසලාන තරගාවලියට සත්කාරකත්වය දරනු ලබන ශ්‍රී ලංකාව ඔක්තෝම්බර් මසදී ඔස්ට්‍රේලියාවේ පැවැත්වීමට නියමිත විස්සයි-20 ලෝක කුසලාන තරගාවලියට පිටත්ව යනු ඇත. මෙම ජාත්‍යන්තර තරගාවලිවලට අමතරව ශ්‍රී ලංකාව අතිශය ජනප්‍රියත්වයට පත්ව තිබෙන ලංකා ප්‍රිමියර් ලීග් තරගාවලියද පැවැත්වෙනු ඇත.

තරග වැදීමට නියමිත තරගාවලි අතර දීර්ඝතම තරගාවලිය බවට පත්ව ඇත්තේ ඔස්ට්‍රේලියානු කණ්ඩායමේ ශ්‍රී ලංකා තරග සංචාරය වේ. එම තරගාවලියට ආකෘතීන් තුනම ඇතුළත්වීම විශේෂත්වයකි. ටෙස්ට් තරග 2 ක්, ඔක්දින තරග 5 ක් සහ විස්සයි-20 තරග 3 ක් එම සංචාරයට ඇතුළත්ය.

මේ අතර ඉන්දියාවට එරෙහිව අවස්ථා 2 කදී තරගාවලි දෙකකට ශ්‍රී ලංකාව සහභාගිවීමට නියමිත අතර එම තරගාවලි දෙකම ඉන්දියාවේදී පැවැත්වීමට නියමිතව තිබේ. පෙබරවාරි සහ මාර්තු මසදී ටෙස්ට් තරග 2 කට සහ විස්සයි-20 තරග 3 කට ඉන්දියාවට යන ශ්‍රී ලංකා පිල නැවතත් දෙසැම්බර් මසදී ද ඉන්දියාවේ තරග කිරීමට නියමිතවේ. දෙසැම්බර් මස තරගාවලිය ස්ථීර වී තිබුණත් එම සංචාරයේදී සහභාගිවන්නේ කුමන ආකෘතියේ තරගද යන්න මේ වන විටත් තීරණය වී නොමැත.

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

USD United States (US) dollar