slc
Home   |    News
පෙබරවාරි 21, 2022
ඉන්දියාවට එරෙහි විස්සයි-20 සටනට අෂේන් ඩැනියෙල්ට කැඳවුම්

sinhala editor

ඉන්දියාවට එරෙහිව මේ මස 24 වැනිදා ආරම්භ වන තරග 3 කින් සමන්විත විස්සයි-20 තරගාවලිය සඳහා නම් කරන ලද ශ්‍රී ලංකා ක්‍රිකට් කණ්ඩායමට පිට දඟ පන්දු යවන අෂේන් ඩැනියල්ව නම් කිරීමට තේරීම් කමිටුව පියවර ගෙන තිබේ. අදාළ තරග සංචාරය සඳහා නම් කරන ලද 18 දෙනෙකුගෙන් යුත් කණ්ඩායමේ ඩැනියෙල් හැරුණු විට සෙසු සියල්ලෝම ඔස්ට්‍රේලියාවට එරෙහි තරග සංචාරයට ඇතුළත් වූවෝ වෙති.

තවමත් විසිඑක්වැනි වියේ පසුවන ඩැනියෙල් මරදාන ශාන්ත ජෝෂප් විදුහලින් ක්‍රිකට් ක්‍රීඩාවට ප්‍රවිශ්ඨ වී සිටියි. ඉකුත්දා නිමාවට පත් වුණු නැෂනල් සුපර් ලිග් තරගාවලිය යටතේ මහනුවර කණ්ඩායම නියෝජනය කළ ඩැනියෙල් තරග 3 කදී කඩුලු 10 ක් දවා ගනිමින් ප්‍රමෝද්‍ය වික්‍රමසිංහ මහතාගේ ප්‍රධානත්වයෙන් යුතු ක්‍රිකට් තේරීම් කමිටුවේ අවධානය දිනා ගත්තේය. ශූරතාව දිනූ ජැෆ්නා කණ්ඩායමට එරෙහිව මූලික වටය යටතේ පැවැති තරගයකදී  ලකුණු 27 ක් ඇතුළත දවා ගන්නා ලද කඩුලු 5 ඔහුගේ හොඳම පන්දු යැවීම ලෙසින් සටහන් වේ.

එම සංචාරයට ඇතුළත්ව සිටියදී මහපටගිල්ලේ ආබාධයකට ගොදුරු වූ රමේෂ් මෙන්ඩිස්ගේ ස්ථානය සඳහා පිට දඟ පන්දු යවන ඩැනියල්ව කැඳවා තිබේ. ඔස්ට්‍රේලියානු තරග සංචාරයට ඇතුළත් වුණු අවිශ්ක ප්‍රනාන්දු සහ නුවන් තුෂාර ආබාධවලට ගොදුරු වූහ. එබැවින් රමේෂ් මෙන්ඩිස් ඇතුළු ඔවුන් දෙපළට ඉන්දියාවට එරෙහිව පැවැත්වෙන විස්සයි-20 තරගාවලිය මඟ හැරෙනු ඇත. තරගාවලිය අතරතුරදී කොවිඩි ආසාධනය වුණු ලොව අංක එකේ විස්සයි-20 පන්දු යවන්නා වන වනිඳු හසරංගද සුවය ලබා කණ්ඩායමට එක්ව සිටියි.

ශ්‍රී ලංකා විස්සයි-20 සංචිතය – දසුන් ශානක (නායක), චරිත් අසලංක (උප නායක), පැතුම් නිස්සංක, කුසල් මෙන්ඩිස්, දිනේෂ් චන්දිමාල්, ධනුෂ්ක ගුණතිලක, කමිල් මිශාර, ජනිත් ලියනගේ, වනිඳු හසරංග, චාමික කරුණාරත්න, දුෂ්මන්ත චමීර, ළහිර කුමාර, බිනුර ප්‍රනාන්නදු, ශිරාන් ප්‍රනාන්දු, මහීෂ් තීක්ෂණ, ජෙෆ්රි වැන්ඩර්සි, ප්‍රවීන් ජයවික්‍රම, අෂේන් ඩැනියල්.

Recent Posts

  • පළමු තරගයෙන්ම ශ්‍රී ලංකා යොවුන් පිලට පහසු ජයක්
    අබුඩාබි නුවර අද (20 දා) ආරම්භ වුණු වයස අවුරුදු 19 න් පහළ යොවුන් ක්‍රිකට් තරගාවලියේ සමාරම්භක තරගයේදීම බංග්ලාදේශ යොවුන් පිලට එරෙහිව කඩුලු 5 ක විශිෂ්ඨ ජයක් වාර්තා කරමින් […]
  • ළහිරුගේ නායකත්වයේ ඉනිම කැන්ඩිට පළමු ජය ගෙනෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී නායකත්වයේ ඉනිමක් ක්‍රීඩා කළ කැන්ඩි පිලේ ළහිරු උදාර වාර්තා කළ ලකුණු 109 සමග කැන්ඩි පිල ලකුණු 8ක […]
  • ජැෆ්නා – කළම්බු තරගයට වැස්සෙන් බාධා
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේ ජැෆ්නා හා කළම්බු අතර තරගයේ මුලින් පන්දුවට පහරදුන් කළම්බු පිල ඕවර් 46.3ක් තුලදී කඩුලු 9ක් දැවී ලකුණු […]
  • ශ්‍රී ලංකාව ඉනිමකින් පරාජය කළ නවසීලන්තයට පූර්ණ ටෙස්ට් තරගාවලි ජයක්
      දෙවැනි ඉනිමේදී පිතිකරුවන් ධෛර්යවන්ත පිතිහරඹයක නිරත වූවත් පළමු ඉනිමේ වූ අතපසුවීම මඟහරවා ගැනීමට නොහැකිවීම නිසා වෙලිංටන් නුවරදී පැවැති දෙවැනි ටෙස්ට් තරගයෙන් නවසීලන්තය හමුවේ ශ්‍රී ලංකා කණ්ඩායම ඉනිමක […]
  • 23 න් පහළ අවසන් සටන හෙට සහ අනිද්දා
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ වයස අවුරුදු 23 න් පහළ ප්‍රධානතම නැගී ලීග් ක්‍රිකට් තරගාවලියේ මූවර්ස් ක්‍රීඩා සමාජය සහ රාගම ක්‍රීඩා සමාජය අතර අවසන් මහා […]
LKR Sri Lankan rupee

Pin It on Pinterest