slc
logo
Home   |    News
මැයි 31, 2022
ගුවන් හමුදාව සහ බ්ලුම්ෆීල්ඩ්ට ජය

sinhala editor

මේ දිනවල පැවත්වෙන අන්තර් සමාජ පන්දුවාර විස්සයි-20 ක්‍රිකට් තරගාලිවයේ තවත් තරග දෙකකදී ගුවන් හමුදාව සහ බ්ලූම්ෆීල්ඩ් කණ්ඩායම් අද (30) ජයග්‍රහණ අත්කර ගත්හ. ගුවන් හමුදාව ලකුණු 32කින් වරාය අධිකාරිය පරාජය කළ අතර බ්ලූම්ෆීල්ඩ් නාවික හමුදාව පරාජයට පත් කළේ ලකුණු 16කිනි.

කුරුණෑගල යූත් – යුධ හමුදාව අතර තරගයත් ගොල් සහ කලුතර නාගරික අතර තරගයත් එස්.එස්.සී සහ සී.සී.සී. අතර  තරගයත් වර්ෂාව හේතුවෙන් අතර මඟ නවතා දැමීමට සිදුවිය. බදුරලිය සහ ලන්කන් අතර තරගය වැස්ස මත සම්පූර්ණයෙන්ම නොපැවත්විණි.

කුරුණෑගල යූත් සහ යුධ හමුදාව අතර තරගයේදී කුරුණෑගල යූත් කඩුලු 4කට ලකුණු 44ක්  ලබා සිටියදී අයහපත් කාලගුණයේ බලපෑමෙන් තරගය නතර කැරිණි. කුරුණෑගල කණ්ඩායමේ දිල්ෂාන් කොල්ලුරේ නොදැවී ලකුණු 13ක් ද  ගයාන් මනීෂාන් ලකුණු 11ක් ද ලබා සිටියේ ය. පන්දු යැවීමේදී මහීෂ් තීක්ෂණ(13/1) අසේල ගුණරත්න ( 8/1) සුමින්ද ලක්ෂාන් (3/1) ලක්ෂාන් එදිරිසිංහ (6/1) කැපී පෙනුණි.

ගොල් සහ කලුතර නගර අතර තරගයේදී මුලින් පන්දුවට පහරදුන් ගොල් කන්ඩායම පන්දුවාර 4.1කදී කඩුලු 2කට ලකුණු 25ක් ලබා සිටියදී වර්ෂාව මත තරගය අත්හිටුවිණි. ඒ වනවිට විනුර දුල්සර නොදැවී ලකුණු 14ක් ලබා සිටියේ ය. ඉසංක සිරිවර්ධන ලකුණු 11කට කඩුලු දෙකක් දවාලීය.

එස්.එස්.සී. සහ සී.සී.සී. අතර තරගයේදී පන්දුවට පහරදුන් එස්.එස්.සී. කණ්ඩායම පන්දුවාර පහකදී කඩුලු දෙකකට ලකුණු 24ක් ලබා සිටියදී වැස්ස පතිත වූයෙන් මේ තරගයද නතර කැරිණී. මේ වනවිට චරිත් අසලංක 09ක් ද කුසල් මෙන්ඩිස් 07 ක් ද ධනුස්ක ගුණතිලක නොදැවී ලකුණු හයක් ද ලබා සිටියහ මලින්ද පුෂ්පකුමාර ලකුණකට කඩුල්ලක් ද නුවන් තුෂාර ලකුණු දෙකකට කඩුල්ලක් ද දවාලූහ.

ගුවන් හමුදාවට ලකුණු 32 ක ජයක්

කණ්ඩායමකට පන්දුවාර 15 බැගින් හිමිවන පරිදි එස්.එස්.සී. ක්‍රීඩාංගණයේ පැවති මෙම තරගයේදී නාවික හමදාවේ නායක ළසඳ රුක්මාල් පන්දු 30කදී හතරේ හතරක් සමග  ලකුණු 31ක් රැස් කිරීමෙන් සහ අංක හත පිතිකරු මුවින් සුබසිංහ තුන් ඉරියව්වේම දැක්වූ දක්ෂතා මත ගුවන් හමුදාවට පහසු ජයක් අත්විය

ගුවන් හමුදාව පන්දුවාර 15 කදී කඩුලු 8ට ලකුණු 118 යි – ළසිඳ රුක්මාල් 31, මුවින් සුබසිංහ 24, දේශාන් ප්‍රනාන්දු 16, සිතිජ චමෝද් 12, චානක දේවින්ද 17/4, තුෂාන් දිල්හාර 18/1

වරාය අධිකාරිය පන්දුවාර 14.5 කදී සියල්ල දැවී ලකුණු 86 යි – සිතුම් දිසානායක 32, ෂෙහාන් ප්‍රනාන්දු 21, ශාලක බණ්ඩාර 12, මධුශංඛ ප්‍රේමරත්න 12/3, මුවින් සුබසිංහ 21/2, තුෂාර ඉෂාන් 11/2.

බ්ලූම්ෆීල්ඩ් පිලට ලකුණු 16 ක ජයක්

කණ්ඩායමකට පන්දුවාර හය බැගින් සීමා වූ මෙම තරගයේදී බ්ලූම්ෆීල්ඩ් කණ්ඩායමේ ළහිරු මධුෂංක (18)  සහ මාලින්ද පෙරේරා (6/3) දැක්වූ දස්කම් මත බ්ලූම්ෆීල්ඩ් කණ්ඩායමට ලකුණු 16ක ජයක් අත්විය.

බ්ලූම්ෆීල්ඩ් පන්දුවාර හයකදී කඩුලු 7ට ලකුණු 46 යි – ළහිරු මධුශංඛ 18, ප්‍රසාන් වික්‍රමසිංහ නොදැවී 07, යොහාන් චානුක 07, දිලංක අවුවාට් 16/3, පූර්ණ චාරුක 9/2

නාවික හමුදාව පන්දුවාර හයකදී කඩුලු 4ට ලකුණු 30 යි – ළහිරු ජයකොඩි නොදැවී 12, සචිත්‍ර සේනානායක 10,  මාලින්ද පෙරේරා 6/3

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

LKR Sri Lankan rupee