slc
logo
Home   |    News
මැයි 15, 2022
හැම්ප්ෂයර් පෙරළා සටන් වදී

sinhala editor

සංචාරක ශ්‍රී ලංකා නැගී එන ක්‍රිකට් කණ්ඩායම ප්‍රථම ඉනිමේ ලබාගත් ලකුණු 281ක් හඹා යන හැම්ප්ෂයර් ප්‍රාන්ත කණ්ඩායම දෙවැනි දින තරගය නිමාවනවිට කඩුලු පහකට ලකුණු 252 ක් ලබා ගැනීමට සමත්වූවේය.

54 වන පන්දුවාරය වනවිට හැම්ප්ෂයර් කණ්ඩායමේ ප්‍රබල පිතිකරුවන් පස්දෙනෙකුම ලකුණු 154 ක් පමණක් රැස් කරමින් අසීරු තත්ත්වයක පසු වුවද හයවන කඩුල්ලට පන්දුවට පහරදෙන ටොබී ඇල්බර්ට් සහ රෝස් වයිට්ලි ඒක්ව ලකුණු 98 ක සම්බන්ධතාවක් පැවැත්වීමට සමත්වීම නිසා සැනසිලිදායක තත්ත්වයකට පැමිණීමට හැම්ප්ෂයර් කණ්ඩායමට හැකිවිය.

හැම්ප්ෂයර් කණ්ඩායම මේවනවිට ප්‍රථම ඉනිමේදී කඩුලු පහක් ඉතිරිව ලකුණු 29ක් පමණක් පිටුපසින් සිටී. සදම්ප්ටන්හි රෝස් බෝල් ක්‍රීඩාංගණයේ පැවැත්වෙන  මේ සිව්දින තරගයේදී හැම්ප්ෂයර් කණ්ඩායම වෙනු‍වෙන් නොදැවී පන්දුවට පහර දෙන ටොබී ඇල්බර්ට් නොදැවී 69ක්ද  සහ රෝස් වයිට්ලි නොදැවී 55 ක්ද ලබා සිටිති. මේ පිතිකරුවන් දෙදෙනා තම කණ්ඩායම අසීරු තත්වයෙන් ගොඩ ගැනීමට  ඉතාමත් අඩු වේගයකින් ලකුණු  රැස් කිරීමද  විශේෂත්වයකි.

ඇල්බර්ට් ලකුණක් රැස් කිරීමට පන්දු තුනකට වඩා ගත කළ අතර වයිට්ලි ලකුණක් රැස්කිරීමට පන්දු දෙකද ඉක්මවිය . එසේ වුවද කණ්ඩායම ස්ථාවර තත්ත්වයකට ගෙන ඒමට මේ පිතිනරුවන් දෙදෙනා ඉවසිලිවන්තව දරණ  උත්සාහය තරුණ ක්‍රීඩකයන්ට උදාහරණයකි.

දෙවන දින දිවා ආහාරය වන විට  හැම්ප්ෂයර් කඩුලු තුනකට ලකුණු 89ක්ද සවස තේ විවේකය වන විට කඩුලු පහකට  ලකුණු 166ක්ද  ලබා සිටියේය .ලංකා පන්දු යවන්නන් අතුරින් කැපී පෙනුණු ධනංජය ලක්ෂාන් ලකුණු43 කට කඩුලු දෙකක්ද  උදිත් මධුෂාන් ලකුණු 73 කට කඩුලු දෙකක්ද දවාලුහ.

ලකුණු පුවරුව

ශ්‍රී ලංකා නැගීඑන කණ්ඩායම පන්දුවාර 86.1 කදී 281 යි – (සංතූෂ්  ගුණතිලක 53 නුවනිඳු ප්‍රනාන්දු 52 දුනිත් වෙල්ලාලගේ 44 දිලුම් සුධීර 33 ජෝන් ටර්නර්31/5 හැරී පෙට්රි 48/3 ඩොමිනික් කෙලී 55/2 යි)

හැම්ප්ෂයර් කඩුලු 5ට ලකුණු 252( පන්දුවාර 91යි)  –  (ටොබී ඇල්බර්ට්  නොදැවී 69 ෆ්ලෙචා මිඩ්ල්ටන් 64 රෝස් වයිට් නොදැවී 55ටොම් ප්‍රෙස්ට් 35 ධනංජය ලක්ෂාන් 43/2 උදිත් මධුෂාන් 73/2)

බන්දුල මොල්ලාගොඩ

Active filters

Recent Posts

  • ශදාබ් සහ ගුර්බාස් කලම්බු ස්ට්‍රයිකර්ස්ට ජය ගෙනෙති
    By Chamila Karawita ලංකා ප්‍රිමියර් ලීග් ක්‍රිකට් තරගාවලියේ 17 වැනි තරගය ලෙසින් අද (14 දා) රාත්‍රියේ පැවැති තරගයෙන් ජැෆ්නා කිංග්ස් කණ්ඩායමට එරෙහිව කඩුලු 9 ක පහසු ජයක් වාර්තා […]
  • පිළිකා මර්ධනයට LPL අත හිත 
    අගහිඟකම්වලට මුහුණ පා සිටින අතරතුර, පිළිකාවන් ද වැළඳී වේදනා විඳිමින් ළතැවෙමින් දුක් සුසුම්ළන මේ සමාජයේ අපේම මව්වරුනට සොහොයුරියනට, දරුවන්ට අත්වැළක් වන්නට වත්මන් ක්‍රිකට් ක්‍රීඩකයනට අවස්ථාවක් උදාවන්නේ නම් එය […]
  • සුපිරි පන්දුවාරයේදී ගෝල් මාවල්ස් ජය ලබයි
    By Chamila Karawita ලංකා ප්‍රිමියර් ලීග් ක්‍රිකට් තරගාවලිය යටතේ අද (14 දා) පස්වරුවේ පැවැති ගෝල් මාවල්ස් සහ දඹුල්ල සික්සර්ස් කණ්ඩායම් අතර තරගය සුපිරි පන්දුවාරය දක්වා දිග හැරුණු අතර […]
  • හතරේ සීමාවේ දුර අඩුද…? වැඩිද…? ජැෆ්නා නායකයාගේ අදහස
    ලංකා ප්‍රිමියර් ලීග් තරගාවලියේදී හතරේ සීමා මඳක් කෙටි කිරීමෙන් ඉදිරි ජාත්‍යන්තර තරග සඳහා කිසිදු අවාසිදායක තත්ත්වයක් ඇති නොවන බවත් උසස් මට්ටමේ තණතිලිවල ක්‍රීඩා කරද්දී පිතිකරුවනට දක්ෂ අයුරින් පහර […]
  • හයේ වරුසාවක් සමඟින් ජැෆ්නා ක්‍රීඩකයෝ 5 වැනි ජය ලබති
    Chamila Karawita ලංකා ප්‍රිමියර් ලීග් ක්‍රිකට් තරගාවලියේ දෙවැනි අදියර හෙවත් කොළඹ අදියර ආරම්භ කරමින් පැවැති පළමු තරගයේදීම කැන්ඩි ෆෝල්කන්ස් කණ්ඩායම විසින් ලබා දුන් ලකුණු 79 ක ඉලක්කය හඹා […]

Pin It on Pinterest

USD United States (US) dollar
logo