වයස අවුරුදු 19 න් පහළ වයස් කාණ්ඩය යටතේ බාලිකා ක්‍රීඩිකාවන් වෙනුවෙන් පැවැත්වෙන සුපිරි පළාත් යූත් ලීග් ක්‍රිකට් තරගාවලියේ සැප්තැම්බර් 10 වැනි දින පැවැති තරග වලදී ජය වාර්තා කිරීමට ගාල්ල සහ කොළඹ දකුණු කණ්ඩායම් සම්තවිය.

රංගිරි දඹුලු ක්‍රීඩාංගණයේ පැවැත්වෙන මෙම තරගාවලියේ මහනුවර සහ ගාල්ල අතර තරගයේදී මහනුවර කණ්ඩායම ලකුණු 39 කට සීමා කිරීමට ගාල්ල පන්දු යවන්නියන් සමත්විය. ඉලක්කය පන්දුවාර 4.5 කදී සපුරා ගන්නා අතර වාරයේදී එක් කඩුල්ලක් පමණක් දවා ගැනීමට මහනුවර පන්දු යවන්නියෝ සමත්වූහ. මෙම තරගයේදී කඩුලු 3 ක් සහ නොදැවී ලකුණු 17 ක් ලබා ගත් නවෝදයා ජයසිංහ තරගයේ දක්ෂතම ක්‍රීඩිකාවසම්මානයෙන් පිදුම් ලැබුවාය.

මේ අතර කොළඹ සහ ගාල්ල පිටත අතර තරගයේදී කඩුලු 7 ක ජයක් වාර්තා කරගත් දකුණු කණ්ඩායම ලබන 14 වැනිදා පැවැත්වීමට නියමිත අවසන් මහ තරග අවස්ථාව සදහා තවදුරටත් කිට්ටුවීමට සමත්විය. ලකුණු 93 ක ජයග්‍රාහී ඉලක්කයක් හඹා යෑමේදී කඩුලු 3 ක් පමණක් අහිමිකරගත් කොළඹ දකුණු කණ්ඩායම ඒ සඳහා පන්දුවාර 13.2 ක් පමණක් වැය කළේය.

මෙම තරගයේදී පන්දුවෙන් කැපී පෙනුණු  සෙව්මිනී ශෂීකා දක්ෂතම ක්‍රීඩිකාව ලෙසින් සම්මාන දිනාගත්තාය.

ගාල්ල පිටත සහ කොළඹ දකුණ

කොළඹ දකුණට කඩුලු 7 ක ජයක්

ගාල්ල පිටත පන්දුවාර 20 කදී කඩුලු 8 ට ලකුණු 92 යි – (නෙතාඟි ඉසුරුරාංජලී 29, රශ්මික් සෙව්වන්දි 12, රිෂ්මි සංජනා 20, නවෝදයා ජයසිංහ 13/3, මනුදි නානායක්කාර 27/2)

කොළඹ දකණ පන්දුවාර 13.2 කදී කඩුලු 3 ට ලකුණු 93 යි – (නෙත්මි සේනාරත්න 29, නවෝද්‍යා ජයසිංහ 17, මනුදි නානායක්කාර නොදැවී 19, චුසාදි කෞෂල්‍යා නොදැවී 19)

මහනුවර – ගාල්ල

ගාල්ලට කඩුලු 9 ක ජයක්

මහනුවර පන්දුවාර 15 කදී ලකුණු 38 යි – (චලනි දසනායක 17, සෙව්මිණි ශෂිකා 08/4, රශ්මි නේත්‍රාංජලී 04/2, සප්නා මදුබාෂිනී 03/3)

ගාල්ල පන්දුවාර 4.5 කදී කඩුල්ලක් දැවී ලකුණු 39 යි – (සංජනා කාවින්දි නොදැවී 14, සස්නි ගිම්හානි නොදැවී 12)