slc
logo
Home   |    News
ඔක්තෝබර් 1, 2022
ආසියානු කුසලානේ ශ්‍රී ලංකාව හමුවේ ඉන්දීය අපරාජිත වාර්තාව අද බිඳ වැටෙයිද…?

sinhala editor

කාන්තා ආසියානු කුසලාන ක්‍රිකට් තරගාවලිය යටතේ ඉන්දියාවට එරෙහිව සිය පළමු සටන අද (01 දා) ආරම්භ කළ ශ්‍රී ලංකා කණ්ඩායමේ නායිකා චමරි අතපත්තු කාසියේ වාසිය දිනා ගනිමින් පළමුව පන්දුවට පහර දීම සඳහා ඉන්දීය කාන්තා පිලට ආරාධනා කර සිටියාය.

සෙලෙට් ජාත්‍යන්තර ක්‍රීඩාංගණයේ පැවැත්වෙන මෙම තරගයේදී ශ්‍රී ලංකා කණ්ඩායම වේග පන්දු යවන්නියන් ලෙසින් මල්ෂා ෂෙහානි සහ අචිනි කුලසූරිය සමඟ අවතීර්ණව සිටියි. මෙවර තරගාවලියේ වැඩිම පන්දු යවන්නියක් සංඛ්‍යාවක් සිටින කන්ඩායම බවට පත්ව සිටින ශ්‍රී ලංකා පිල තුළ දඟ පන්දු යැවීමේ හැකියාවැති ක්‍රීඩිකාවන් පස් දෙනෙකු සමන්විත වීම අතිරේක වාසියකි.

ආසියානු කුසලාන ක්‍රිකට් තරගාවලිය යටතේ ශ්‍රී ලංකාව මුණ ගැසුණු සෑම අවස්ථාවකදීම සිය අපරාජිත භාවය ආරක්ෂා කර ගැනීමට ඉන්දියාව සමත්ව සිටින බැවින් අද තරගය ජය ගතහොත් එම අපරාජිත වාර්තාව බිඳ දැමීමට ශ්‍රී ලංකා පිලට හැකියාව ලැබෙනු ඇත.

කෙසේ වෙතත් ඉන්දීය කණ්ඩායම වෙනුවෙන් ජෙමයිමා රොඩ්‍රිගස්ව යළි කැඳවීමට ඉන්දීය තේරීම්වල තීරණය වී තිබේ. රොඩ්‍රිගස්ට පසුගියදා නිමාවට පත් වුණු ඉන්දීය ක්‍රිකට් කණ්ඩායමේ එංගලන්ත තරග සංචාරය අහිමිවූ නමුදු, ශ්‍රී ලංකාවේ කරන ලද සංචාරයේදී පිතිකාරිණියක් ලෙස දක්වන ලද දක්ෂතා සැලකිල්ලට ගනිමින් ඇයට යලි කණ්ඩායමේ ස්ථානය හිමිවීම කැපී පෙනෙයි.

ශ්‍රී ලංකාව – චමරි අතපත්තු (නායිකා), හසිනි පෙරේරා, හර්සිතා සමරවික්‍රම, නිලක්ෂිත ද සිල්වා, අනුස්කා සංජීවනී, කවීෂා දිල්හාරි, සුගන්ධිකා කුමාරි, මල්ෂා ෂෙහානි, ‌ඔෂධී රණසිංහ, ඉනෝකා රණවීර, අචිනි කුලසූරිය.

ඉන්දියාව – ස්මිත්‍රි මන්දනා, ශෆාලි වර්මා, ජෙමයිමා රොඩ්‍රිගස්, හර්මන්ප්‍රීට් කෞර් (නායිකා), රීෂා ඝෝෂ්, හේමලතා, පූජා වස්ත්‍රකාර්, දීප්ති ෂර්මා, ස්නේහා රානා, රාධා යාදව්, රෙුණුකා සිං.

Active filters

Recent Posts

  • පානදුර⁣ට ලකුණු පහක තියුණු ජයක්
    ශ්‍රී ලංකා ක්‍රිකට් ආයතනය මෙහෙය වන මේජර් අන්තර් සමාජ විස්සයි 20 ක්‍රිකට් තරගාවලියේ අද (18) පැවැති තරග දෙකකදී තියුණු තරගයකින් පසුව පාණදුර කණ්ඩායම ලකුණු පහකින් ප්‍රබල කෝල්ට්ස් කණ්ඩායම […]
  • චිලව් මේරියන්ස් – මුවර්ස් ජය ලබති
     අන්තර් සමාජ මේජර් විස්සයි 20 ක්‍රිකට් තරගාවලියේ අද (17) පැවැති තරග අතුරින් චිලව් මේරියන්ස් සහ මුවර්ස් කණ්ඩායම් ජයග්‍රහණ අත්කර ගත්හ.  චිලව් මේරියන්ස් කඩුලු හතරකින් බදුරලිය පරාජය කළ අතර […]
  • අවුරු. 23 න් පහළ කාන්තා ක්‍රිකට් දෙවැනි දිනය වැස්සට සේදෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 23 න් පහළ කාන්තා පන්දුවාර විස්සයි-20 ක්‍රිකට් තරගාවලිය යටතේ අද (17 දා) පස්වරුවේ පැවැත්වීමට නියමිතව තිබූ තරග 2 ම අයහපත් කාලගුණය […]
  • ක්‍රීඩකයින් 420 ක් LPL වෙන්දේසියට සුදුසුකම් ලබති
    මෙරට පැවැත්වෙන මහා ක්‍රිකට් සැණකෙළිය හේවත් ලංකා ප්‍රිමියර් ලීග් (LPL) පන්දුවාර විස්සයි-20 ක්‍රිකට් තරගාවලියේ ක්‍රීඩක වෙන්දේසිය එළැඹෙන මැයි 21 වැනිදා ප.ව. 12.00 සිට කොළඹ හිල්ටන් හෝටල් පරිශ්‍රෙය්දී පැවැත්වෙන අතර […]
  • පුහුණු තරගවලට පෙර කුසල්ට කණ්ඩායම සමඟ එකතුවේවි – ඈෂ්ලී ද සිල්වා
    ලෝක කුසලාන ක්‍රිකට් තරගාවලියට සහභාගිවීම සඳහා ඇමරිකා එක්සත් ජනපදය වෙත යෑමට වීසා ඇයැදුම් කර ඇති ශ්‍රී ලංකා ක්‍රිකට් කණ්ඩායමේ ඉදිරි පෙළ පිතිකරු කුසල් මෙන්ඩිස්ගේ වීසා බලපත්‍රය එම තානාපති කාර්යාලය […]

Pin It on Pinterest

USD United States (US) dollar