slc
logo
Home   |    News
ඔක්තෝබර් 8, 2022
මල්ෂාගේ විශ්මිත පන්දු යැවීමෙන් ශ්‍රී ලංකාවට තෙවැනි ජයත්

sinhala editor

ශ්‍රී ලංකා කණ්ඩායමේ පන්දු යවන මල්ෂා ෂෙහානිගේ දක්ෂ පන්දු යැවීම හේතුවෙන් බංග්ලාදේශයේ පැවැත්වෙන කාන්තා ආසියානු කුසලාන තරගාවලියේදී මැලේසියානු පිලට එරෙහිව අද (08 වැනිදා) පෙරවරුවේ පැවැති තරගයේදී ලකුණු 72 ක විශිෂ්ඨ ජයක් අත්කර ගැනීමට ශ්‍රී ලංකා ක්‍රීඩිකාවෝ සමත්වූහ. මෙම ජයග්‍රහණයත් සමඟ ශ්‍රී ලංකා කාන්තා කණ්ඩායම ප්‍රසාද ලකුණු සටහනේ ඉන්දියාව සහ පාකිස්තාන කණ්ඩායම් සමඟ සම තැන් ගැනීමටද සමත්විය.

ආසියානු කුසලාන ක්‍රිකට් තරගාවලියෙ සිව්වැනි තරගය බවට පත් වුණු මෙම තරගයේ ජයත් සමඟ ප්‍රසාද ලකුණු 06 ක් ලබා ගැනීමට ශ්‍රී ලංකා පිල සමත්ව සිටියි. ඔවුන් මැලේසියානු පිල හැරුණු කොට එක්සත් අරාබි එමීර් සහ තායිලන්තය යන කණ්ඩායම් පරාජයට පත් කිරීමට සමත්වූහ.

අද තරගයේදීද පළමුව පන්දුවට පහර දුන් ශ්‍රී ලංකා කණ්ඩායමේ පළමු කඩුලු 3 ම ලකුණු 14 කදී බිඳ වැටුණද නියමිත පන්දුවාර 20 අවසනදී කඩුලු 7 කට ලකුණු 105 ක් රැස් කර ගැනීමට ශ්‍රී ලංකා කණ්ඩායමට හැකියාව ලැබිණ. මෙම තරගාවලියේ තවමත් ලකුණු අතරට පැමිණීමට වෙර දරන චමරි අතපත්තු ලකුණු 21 ක් ලබා ගනිද්දී නිලක්ෂි ද සිල්වා ලකුණු 21 ක් වශයෙන් කඩා වැටුණු ශ්‍රී ලංකා ඉනිම දිරිමත් කරද්දී මැද පෙළින් පැමිනි ඔෂධී රණසිංහ නොදැවී 23 ක් ලබා ගනිමින් ශ්‍රී ලංකා කණ්ඩායමේ ලකුණු පුවරුව 100 ඉක්මවාලීමට පෙරමුණ ගත්තාය.

විටෙක දඟ පන්දුවක් විටෙක වේග පන්දුවත් යැවීමට එක ලෙස සමත්කම් දක්වන මල්ෂා ෂෙහානිගේ සුපිරි පන්දු යැවීම හමුවේ මැලේසියානු පිලේ අවසන් කඩුලු 6 ම ලකුණු 02 ක් ඇතුළතදී බිද වැටිණ.

කඩුලු 4 කට ලකුණු 31 ක් ලබා සිටි මැලේසියානු කණ්ඩායමේ මල්ෂා ෂෙහානි යවන ලද පන්දු 11 දී ඉනිම හමාර කළේ පන්දුවාර 9.5 කදී ලකුණු 33 ක් ලෙසිනි. එම සුපිරි පන්දු යැවීම නිසා ෂෙහානිගේ පන්දු යැවීම සටහන් වූයේ පන්දුවාර 1.5 කදී ලකුණු 02 කට කඩුලු 4 ක් වශයෙනි. ඇයට අමතරව සුගන්ධිකා ක1මාරි සහ ඉනෝකා රණවීර කඩූ 2 බැගින් බෙඳ හෙළමින් මැලේසියානු පෙර පෙළ පාලනයකට නතු කර ගත්හ.

තරගයේ දක්ෂතම ක්‍රීඩිකාව – මල්ෂා ෂෙහානි

ශ්‍රී ලංකා කාන්තා කණ්ඩායම පන්දුවාර 20 කදී කඩුලු 7 ට ලකුණු 105 යි – (ඔෂධී රණසිංහ (නොදැවී) 23, චමරි අතපත්තු 21, නිලක්ෂි ද සිල්වා 21, මල්ෂා ෂෙහානි 14, , සෂෘ අෂ්ම 10/2, අයිනා හස්හිම් 23/2)

මැලේසියානු කාන්තා පිල පන්දුවාර 9.5 කදී සියලු දෙනා දැවී ලකුණු 33 යි – (එස්ලා හන්ටර් 18, මල්ෂා ෂෙහාන් 02/4, ඉනෝකා රණවිර 08/2, සුගන්ධිකා කුමාරි 11/2)

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

LKR Sri Lankan rupee