ලෝක කුසලාන තරගාවලිය අතරතුරදී ධනුෂ්ක ගුණතිලක විසින් කාන්තාවකට ලිංගික අතවර කළ බව කියන සිද්ධිය සම්බන්ධයෙන් පුළුල් පරීක්ෂණයක් ආරම්භ කිරීම සදහා විශ්‍රාමික මහාධිකරණ විනිසුරුවරයකු වූ සිසිර රත්නායක මහතාගේ ප්‍රධානත්වයෙන් ත්‍රිපුද්ගල කමිටුවක් පත් කිරීමට ශ්‍රී ලංකා ක්‍රිකට් පියවර ගෙන තිබේ. මෙම කමිටුවට නීතිඥ නිරෝෂණ පෙරේරා සහ ඇසේල රැකව යන මහත්වරුද ඇතුළත්ව සිටිති.
එම සිද්ධියට අමතරව ශ්‍රී ලංකා කණ්ඩායම ඔස්ට්‍රේලියාවේ රැදී සිටි කාලය අතරතුර ශ්‍රී ලංකා ක්‍රිකට් වෙත වාර්තා වුණු විවිධ සිද්ධීන් සම්බන්ධයෙන්ද පුලුල් පරීක්ෂණයක් මෙම කමිටුව විසින් විමර්ශනය කරනු ඇති බව ශ්‍රී ලංකා ක්‍රිකට් වැඩිදුරටත් දැනුම් දී සිටියි.
අභිනවයෙන් පත් කෙරුණු මෙම ත්‍රිපුද්ගල කමිටුව විසින් වහාම ක්‍රියාත්මක වන පරිදි කණ්ඩායම් කළමනාකරුගෙන් කරුණු පැහැදිළි කිරීමක ඉල්ලා සිටිනු ඇත. කලමනාකරුගේ වාර්තාව එම මණ්ඩලය වෙත ඉදිරිපත් කිරීමෙන් පසු, යම් ක්‍රීඩකයකු අතින් වරදක් හෝ නොසැලකිළිමත් ලෙස හැසිරී ඇති බවට චෝදනා ඔප්පු වුවහොත් එම ක්‍රීඩකයින් සහ නිලධාරීන්ගේ තරාතිරම නොබලා ඔවුන්ට එරෙහිව දැඩි විනය ක්‍රියාමාර්ගයක් ගැනීමට ශ්‍රී ලංකා ක්‍රිකට් විධායක කමිටුව පියවර ගනු ලබන බවද වැඩිදුරටත් දැනුම් දී සිටියි.
