ලංකා ප්රිමියර් ලීග් තරගාවලියේ තමා සහභාගීවූ ප්රථම තරගයේදීම දක්ෂතම ක්රීඩකයා සම්මානය දිනා ගැනීමට අවස්ථාව උදාවීම පිළිබඳ අතිශයින් සතුටට පත්වන බව අද (18) ගෝල් ග්ලැඩියේටර්ස් පිලට එරෙහි තරගයේදී දක්ෂතම ක්රීඩකයා ලෙස තේරුණු ජැෆ්නා කින්ග්ස් කණ්ඩායමේ අංක තුන පිතිකරු බංග්ලාදේශ ජාතික 23 හැවිරිදි අෆීෆ් හොසේන් තරගයෙන් පසුව ප්රකාශ කළේය
බංග්ලාදේශ ක්රිකට් කණ්ඩායමේ ඉන්දීය ක්රීකට් තරගාවලියට සහභාගි විමට තිබු හෙයින් එල්.පී.එල් තරගාවලියට සහභාගිවීමට මෙහි පැමිණීම ප්රමාද වූ බව කී හොසේන් ප්රමාදවී හෝ මෙහි පැමිණි විගස දක්ෂතා අතරට ඒමට ලැබීම පිළිබදව සතුටු වන බව ද කිවේය
ජැෆ්නා කින්ග්ස් කණ්ඩායම වෙනුවෙන් තම මේ තරගයේදී තමා පන්දුවට පහර දෙද්දි පළමු ඕවර පහේදී සෙමින් ලකුණු රැස් කරමින් කඩුල්ලේ රැදී තණතිල්ල පිළිබදව අවබෝධයක් ලබා ගැනීමට උත්සහ ගත් බව කී හොසේන් එය සාර්ථක වී තමා ස්ථාවර වු විගස වේගයෙන් ලකුණු රැස් කිරිම ආරම්භ කළ බවද කිව්වේය .
13- 14 ඕවරයන්හීදී වේගයෙන් ලකුණු රැස් කිරීමට තමා හට අවස්ථාව ලැබීමෙන් අර්ධ ශතකයට යාමට පහසු වු බවද හොසේන් සදහන් කළේය. “ශ්රී ලංකාවේ අවුරුදු 19න් පහළ කණ්ඩායම සහ ශ්රී ලංකා ඒ කණ්ඩායම සමග මා මීට පෙර තරග වැදි දස්කම් දක්වා තිබෙනවා. එම තරගවලදී මා ලත් පෙරහුරුවත් අද දක්ෂතා අතරට ඒමට බලපෑවා” යැයි තමා විශ්වාස කරන බවද අෆීෆ් පැවැසුවේය.
“ශ්රී ලංකාවේ තණතිලි ඉතාමත් හොදයි ඉදිරි තරග කිහිපයේදී ලකුණු අතරට පිවිසීමට තමා අපේක්ෂා කරන බවද හොසේන් පවසයි.
