slc
logo
Home   |    News
දෙසැම්බර් 20, 2022
පිළිමළුන්ගේ තරග වටය කැන්ඩි – ජැෆ්නා තරගයෙන් ඇර‌ඹෙයි

sinhala editor

By Chamila Karawita

ශ්‍රී ලංකා ක්‍රිකට් ආයතනයේ මෙහෙයවීමෙන් තෙවැනි වරට පවත්වනු ලබන ලංකා ප්‍රිමියර් ලීග් ක්‍රිකට් තරගාවලියේ Play off තරග වටය හෙවත් පිළිමළුන් පිටු දැකීමේ තරග වටය හෙට (21 දා) කොළඹ ආර්. ප්‍රේමදාස ක්‍රීඩාංගණයේදී ආරම්භ වේ. ප්‍රසාද ලකුණු සටහනේ පළමු සහ දෙවැනි ස්ථානය වල පසුවන කැන්ඩි ෆැල්කන්ස් සහ ජැෆ්නා කිංග්ස් හෙට ප.ව. 3.00 ට ආරම්භ වීමට නියමිත තරගයේ එදිරිවාදීහු බවට පත්ව සිටිති.

පළමු සුදුසුකම් ලැබීමේ තරගය වශයෙන්  (Qualifier 1) පැවැත්වෙන මෙම තරගය ජය ගනු ලබන කණ්ඩායම ලබන 23 වැනිදා රාත්‍රියේ පැවැත්වීමට නියමිත අවසන් මහ තරගයට සෘජුවම සුදුසුකම් ලබන අතර අනෙක් කණ්ඩායම සුදුසුකම් ලැබීමේ දෙවැනි තරගය (Qualifier 2) සඳහා තරග වැදීමට සිදුවනු ඇත. එම තරගයේ අනෙක් ප්‍රතිවාදීන් වන්නේ හෙට පස්වරුවේ පැවැත්වෙන එලිමිනේටර් හෙවත් ප්‍රසාද ලකුණු සටහනේ තෙවැනි ස්ථානයේ පසුවන කලම්බු ස්ටාර්ස් සහ එහි සිව්වැනි ස්ථානයේ පසුවන ගෝල් ග්ලැඩියේටර්ස් කණ්ඩායමත් අතර ජය ගනු ලබන කණ්ඩායම වේ.

හෙට ප්‍රධාන තරගය ඉලක්ක කොට ගෙන කණ්ඩායම් දෙකම අද (20 දා) දිනයේදී කොළඹ ආර්. ප්‍රේමදාස ක්‍රීඩාංගණයේදී පුහුණුවීම් සිදුකළ අතර කණ්ඩායම් දෙකේ වැඩි පිරිසක් පුහුණුවීම් වල නිරතව සිටියහ.

ප්‍රධාන තණතීරුවේ වම් පසින් ජැෆ්නා කිංග්ස් කණ්ඩායමත් දකුණු පසින් කැන්ඩි ෆැල්කන්ස් කණ්ඩායමත් සිය පුහුණුවීම් වල නිරත වූ අතර එය අවසනදී පැති පුහුණු තණතීරුවලදීද ක්‍රීඩකයින්ගේ රුචිකත්වය පරිදි පුහුණුවීම් වල නිරත වූහ.

පිට පිටම දෙවතාවක්ම ශූරතාව ජයග්‍රහණය කරමින් වර්තමාන ජයග්‍රාහකයින් බවට පත්ව සිටින ජැෆ්නා කිංග්ස් කණ්ඩායමට පිට පිටම ශූරතා ත්‍රිත්වයක් දිනා ගැනීම සදහා තවත් අවශ්‍ය වන්නේ තරග 2 ක් ජය ගැනීම පමණි. එහෙත් ඔවුන්ගේ ප්‍රතිවාදීන් වන කැන්ඩි ෆැල්කන්ස් යනු මූලික තරග වටය යටතේ ජැෆ්නා කිංග්ස් කණ්ඩායම් අවස්ථා 2 දීම පරාජයට පත්වීමට සමත් කණ්ඩායම වේ.

වනිඳු හසරංගගේ නායකත්වයෙන් යුතු කැන්ඩි ෆැල්කන්ස් කණ්ඩායමේ සියලුම ක්‍රීඩකයින් වාගේ සිය දක්ෂතා අතරට සිටීම කැපී පෙනෙන අතර ඒ අතරින් කාලෝස් බ්‍රැත්වයිට් සහ ඇන්ඩ්‍රෙ ෆ්ලෙචර් පෙරමුණේ පසුවෙයි. ඔවන්ට නොදෙවැනි ‌ජැෆ්නා කිංග්ස් කණ්ඩායමේ අවිශ්ක ප්‍රනාන්දු මෙවර තරගාවලියේ වැඩිම ලකුණු ලාභියා වෙමින් ඒ සදහා පිදෙන කොල පැහැති හිස් වැස්ම දිනා ගැනීමට සමත්ව සිටින්නේය.

සමස්ථයක් ගෙන බැලූ විට වනිදු හසරංගගේ නායකත්වයෙන් යුතු කැන්ඩි ෆැල්කන්ස් පිල පළමු වටයේ තරග වැදි තරග 8 න් 7 ක් ජය ගනිමින්ද ජැෆ්නා කිංග්ස් පිල තරග 8 න් 6 ක් ජය ගනිමින්ද අවසන් කණ්ඩායම් 4 අතර තරග වටයට සුදුසුකම් ලැබූහ. කැන්ඩි පිල පරාජයට පත්වූ එකම තරගය වූයේ ගෝල් ග්ලැඩියේටර්ස් පිලට එරෙහිව පල්ලකැලේ පැවැති තරගය වේ.

ක්‍රීඩකයින්ගේ පෞද්ගලික දක්ෂතා ගත් විට වැඩිම ලකූණු ලබා සිටින පිතිකරුවන් අතර පළමු පස් දෙනාගෙන් දෙදෙනෙකු ජැෆ්නා කිංග්ස් කණ්ඩායමේද තවත් දෙදෙනකු කැන්ඩි ෆැල්කන්ස් කණ්ඩායමේද පිතිකරුවෝ වෙති. අවිශ්ක ප්‍රනාන්දු (268) සහ සදීර සමරවික්‍රම (252) ජැෆ්නා පිලේ පිතිකරුවන් වන අතර ඇන්ඩ්‍රෙ ෆ්ලෙචර් (264), කමිදු මේඩිස් (211) ජැෆ්නා කණ්ඩායමේ පිතිකරුවෝ වෙති.

හෙට දිනයේ පැවැත්වෙන දෙවැනි තරගය වන්නේ ගෝල් ග්ලැඩියේටර්ස් පිල සහ කලම්බු ස්ටාර්ස් අතර එලිමිනේටර් තරගය වේ. ප.ව.7.30 ට ආරම්භ වන මෙම තරගය ඉලක්ක කොට කලම්බු ස්ටාර්ස් කණ්ඩායම රාත්‍රී කාලයේදී විදුලි ආලෝක ධාරා මධ්‍යයේ සිය පුහුණුපුහුණුවීම් වල නිරත විය. එහෙත් ඔවුන්ගේ ප්‍රතිවාදීන් වන ගෝල් ග්ලැඩියේටර්ස් පිල අද දිනය විවේක දිනයක් ලෙස සලකමින් සිය පුහුණුවීම් වලින් වැළකී සිටියේය.

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

LKR Sri Lankan rupee