slc
logo
Home   |    News
දෙසැම්බර් 3, 2022
වනිඳුට අවවාද

sinhala editor

ඇෆ්ගනිස්තානු ක්‍රිකට් කන්ඩායමේ ශ්‍රී ලංකා තරග සංචාරය යටතේ ඉකුත් 30 වැනිදා පල්ලකැලේ ජාත්‍යන්තර කීඩාංගණයේ පැවැති තෙවැනි එක්දින තරගය අතරතුර දී අන්ර්ජාතික ක්‍රිකට් සභාවේ ආචාර ධර්ම පද්ධතිය යටතේ වන පළමු මට්ටමේ උල්ලංඝනය කිරීමක් හේතුවෙන් ශ්‍රී ලංකා පිලේ තුන් ඉරියව් ක්‍රීඩක වනිදු හසරංගට දැඩි ලෙස අවවාද කිරීමට එම තරගයේ තීරකවරයා ලෙසින් කටයුතු කරන ලද රංජන් මඩුගල්ලේ මහතා පියවර ගෙන තිබේ.

අන්තර්ජාතික ක්‍රිකට් සබාවේ ආචාර්ය ධර්ම පද්ධතියේ 2.8 වගන්තිය උල්ලංඝනය වන අයුරින් කටයුතු කිරීම නිසා මෙලෙස වනිඳුට අවවාද කිරීමට තීරණය වී තිබේ. මෙම තරගයේදී විනිසුරුවරයා විසින් ලබා දුන් තීරණයට අප්‍රසාදය පළ කිරීම වනිඳුට එල්ලවී තිබෙන චෝදනාව වේ.

ගෙවී ගිය වසර 2 ක හෙවත් මාස 24 ක කාලය ඇතුළත වනිඳු විසින් සිදුවූ පළමු අතපසුවීම මෙය වීම නිසා අවවාද කිරීමකින් පසු වනිඳුව නිදහස් කිරීමට තීරණය කර තිබේ. කෙසේ වෙතත් වනිඳුගේ විනය වාර්තාවට සෘණ ලකුණක් එක් කිරීමට මෙහිදී තරග තීරකවරයා විසිනු පියවර ගෙන තිබේ.

තරගයේ 26 වැනි පන්දුවාරය ක්‍රියාත්මක වෙමින් තිබෙන අතරතුරදී මෙම සිදුවීම වී තිබේ. පිටියේ විනිසුරුවරයා විසින් ලබා දුන් තීරණය වෙනස් කිරීමට තෙවැනි විනිසුරුවරයා කටයුතු කිරීම නිසා, එය වනිඳුගේ කෝපයට හේතුවී තිබෙන අතර එහිදී ඔහු අත දිගු කරමින් සිය අප්‍රසාදය පළ කිරීම පැහැදිළිවම රූපවාහිනිය ඔස්සේ විකාශනය වී තිබේ.

සිදුවීම සම්බන්ධයෙන් වනිඳු වරද පිළිගැනීම නිසා ඒ සම්බබන්ධයෙන් වැඩිදුර පරීක්ෂණ පැවැත්වීමේ අවශ්‍යතාවක් නොමැති බවද තරග තීරකවරයා අන්තර්ජාතික ක්‍රිකට් සම්මේලනයට දැනුම් දී තිබේ.

Active filters

Recent Posts

  • පළමු විස්සයි-20 න් ශ්‍රී ලංකාවට කඩුලු 7 ක ජයක්
    කඩුලු දවා ගැනීමට වඩා ලකුණු නවාතාලීම උපක්‍රමය ලෙසින් භාවිතා කිරීමට සමත්වීමත්, ආරම්භක පිතිකරුවන් වූ කුසල් මෙන්ඩිස් සහ පැතුම් නිස්සංකගේ වේගවත් ආරම්භයත් හේතුවෙන් පල්ලේකැලේ ජාත්‍යන්තර ක්‍රීඩාංගණයේදී අද (10 දා) රාත්‍රියේ […]
  • ‘ඒ‘ තරගාවලියේ ජය ඔස්ට්‍රේලියාවට
    ඔස්ට්‍රේලියාවේ තරග සංචාරයක නිරතව සිටින ශ්‍රී ලංකා ‘ඒ‘ කණ්ඩායම සහ ඔස්ට්‍රේලියානු ‘ඒ‘ කණ්ඩායම අතර පැවැති තෙවැනි නිල නොවන එක්දින තරගයෙන් කඩුලු 7 ක ජයක් වාර්තා කළ සත්කාරක ඔස්ට්‍රේලියානු ‘ඒ‘ […]
  • කණ්ඩායම් දෙකක් ජය පෙනි පෙනී පරදියි
     ශ්‍රී ලංකා ක්‍රිකට් ආයතනය මෙහෙය වන ප්‍රධාන අන්තර් සමාජ එක්දින ක්‍රිකට් තරගාවලියේ අද පැවැති තවත් තරග පහක් අතුරින් තරග දෙකක් ඉතාමත් තියුණු මුහුණුවරකින් පසුව නිමාවට පත්විණි. උණුසුම් මුහුණුවරක් […]
  • ලෝක කුසලානෙට පෙරසූදානම හෙට සිට ඇරඹෙයි
    ශ්‍රී ලංකාව සහ බංග්ලාදේශය අතර තරග 3 කින් සමන්විත විස්සයි-20 තරගාවලිය හෙට (10 දා) පල්ලේකැලේ ජාත්‍යන්තර ක්‍රීඩාංගණයේදී ආරම්භ වේ. මෙය ද්වීපාර්ශ්වික තරගාවලියක් වුවත් ශ්‍රී ලංකාවට මෙම තරගාවලියේ ඇති […]
  • නායකත්වයේ හා පුහුණු කාර්ය මණ්ඩලයේ කැපවීම අපේ සාර්ථකත්වය හේතුවයි – කුසල් මෙන්ඩිස්
    ශ්‍රී ලංකා ක්‍රිකට් පිලේ නායකත්වයේ හා පුහුණු කාර්ය මණ්ඩලයේ සහයෝගයත් කැපවීමත් හේතුවෙන් එක්දින පිල දිනෙන් දින සාර්ථකත්වයට පත්වෙමින් ඇති බව කුසල් මෙන්ඩිස් පැවැසීය. ශ්‍රී ලංකා එක්දින කණ්ඩායම ගෙවී […]

Pin It on Pinterest

LKR Sri Lankan rupee