slc
දෙසැම්බර් 10, 2022
LPL ටිකට් කළින්ම ගන්න

ලංකා ප්‍රිමියර් ලීග් ක්‍රිකට් තරගාවලිය යටතේ මහනුවර පල්ලකැලේ ජාත්‍යන්තර ක්‍රීඩාංගණයේ පැවැත්වෙන තරග සදහා වන ප්‍රවේශපත්‍ර නිකුත් කිරීම මේ වන විටත් ආරම්භ කර තිබේ.

මෙම තරගාවලිය ඉකුත් 06 වැනිදා හම්බන්තොට මහින්ද රාජපක්ෂ ක්‍රීඩාංගණයෙන් ආරම්භ වුණු අතර 09 වැනිදා තෙක් පැවැති තරග 5 න් අනතුරුව පල්ලකැලේ ක්‍රීඩාංගණයේ තරග 9 ක් පැවැත්වෙනු ඇත.

මෙතෙක් අපරාජිතව පසුවන කැන්ඩි ෆෙල්කන්ස් සහ ජැෆ්නා කිංග්ස් අතර තරරගයෙන් අද (10 දා) ප.ව. 7.30 සිට ආරම්භ වන පල්ලකැලේ ජාත්‍යන්තර ක්‍රීඩාංගණයේ තරග වලදී ප්‍රවේශ පත්‍ර කැන්ඩි සිටි සෙන්ටර් සහ බලගොල්ල අභීත ක්‍රීඩාංගණයෙන් මිලදී ගැනීමට ක්‍රීඩා ලෝලීන්ට අවස්ථාව උදා කර දී තිබේ. අභිත ක්‍රීඩාංගණෆය්දී අළෙවි වන ප්‍රවේශ පත්‍ර සියලුම දිනයන්හි පෙ.ව. 9.00 සිට ප.ව. 6.00 වන තෙක්ද කැන්ඩි සිටි සෙන්ටර්හි මෙම මස 10 වැනිදා සහ 11 වැනිදා දෙදින පෙ.ව. 10.00 සිට ප.ව. 7.00 දක්වාත් අළෙවි කෙරෙනු ඇත.

ඊට අමතරව අන්තර්ජාලය හරහාද ප්‍රවේශ පත්‍ර අලෙවි කෙරෙන අතර https://click.daraz.lk/e/_6gJbD වෙබ් පිටුවට ප්‍රවේශ වීමෙන්ද සිය ප්‍රවේශපත්‍ර වෙන් කරගැනීමේ හැකියාව ක්‍රීඩා ලෝලීන්ට උදාවනු ඇත. තණකොළ බැම්මේ ප්‍රවේශ පත්‍ර රු. 500 කටත්, ‘ඒ’ සහ ‘බී’ ලෝවර් ප්‍රවේශ පත්‍ර රු. 2000 කටත්, ග්‍රෑන්ස්ට් ස්ටෑන් ‘ඒ’ සහ ‘බී’ ප්‍රවේශ පත්‍ර රු. 3000 කටත් සහ කෝපරේට් බොක්ස් ප්‍රවේශ පත්‍ර රු. 5000 කටත් අලෙවි වනු ඇත.

Search
LKR Sri Lankan rupee

Pin It on Pinterest