slc
logo
Home   |    News
ජනවාරි 10, 2023
ඩිල්ෂාන් මදුශංකට එක්දින වරම්

sinhala editor

විස්සයි-20 තරගාවලියෙන් පසු ශ්‍රී ලංකා කණ්ඩායම ඉන්දියාව මුණ ගැසෙන තරග 3 කින් සමන්විත එක්දින තරගාවලියේ පළමු තරගයේ කාසියේ වාසිය දිනා ගත් දසුන් ශානක පළමුව පන්දු යැවීමට තීරණය කළේය. ගුහාතී පැවැත්වෙන මෙම තරගයේදී ශ්‍රී ලංකා කණ්ඩායම පිවිසෙන්නේ වමත් වේග පන්දු යවන ඩිල්ෂාන් මදුශංකට එක්දින වරම් හිමිකර දෙමිනි. වනිඳු හසරංග අතින් එක්දින හිස්වැස්ම ලබා ගත් මදුශංක ශ්‍රී ලංකාව වෙනුවෙන් එක්දින තරග වරම් දිනාගත් 206 වැනි ක්‍රීඩකයා වන්නේය.

එය හැරුණු විට ශ්‍රී ලංකා කණ්ඩායම අද දිනයේ සිදුකරන ලද ප්‍රධානම වෙනස්කම වන්නේ මහීෂ් තීක්ෂණ වෙනුවට දුනිත් වෙල්ලාලගේට අවස්ථාව ලබා දීමය. එක්දින වරම් දිනාගත් දින සිට කණ්ඩායමේ ස්ථානය රැක ගැනීමට සමත් මහීෂ් තීක්ෂණ විස්සයි-20 තරගවලියේදී ඉන්දීය පිතිකරුවන් හමුවේ පන්දු යැවීමේදී කිසියම් පසුබෑමක් පෙන්නුම් කළ අතරම අවසන් වුණු ඇෆ්ගනිස්තානයට එරෙහි තරගාවලියේදී වෙල්ලාලගේ පන්දු 21 කදී ලකුණු 31 ක් රැස් කරමින් ශ්‍රී ලංකාව ජයග්‍රහණය කරා රැගෙන ඒමට වැඩි දායකත්වයක් දැක්වූවේය.

ඒ හැරුනු විට ඉන්දීය පිතිකරු ලැයිස්තුව අක්සාර් පටෙල් හැරුණු කොට සෙසු සියල්ලෝම දකුණතින් පන්දුවට පහර දෙන අය බැවින් ඊට පිළියමක් ලෙස වමත් දඟ පන්දු යවන්නා ඇතුළත් කිරීමට හේතු වන්නට ඇත.

ඉන්දීය කණ්ඩායම කලකට පසු ප්‍රධානතම ක්‍රීඩකයින් සමඟින් අද තරගයට අවතීර්ණව සිටීම කැපී පෙනෙයි. නිත්‍ය නායක රෝහිත් ෂර්මා, විරාට් කෝලි, කේ.එල්. රාහුල්, සහ ශ්‍රෙයාස් අයියර් අද තරගයේදී යළිත් කණ්ඩායමට එකතු වද්දී විශේෂ වේග පන්දු යවන්නන් තිදනෙකු සමඟින් අවතීර්ණව සිටිති. මොවුන් කණ්ඩායමට පැමිණීමේදී තෙවැනි විස්සයි-20 තරගයේදී ශතකයක් ලද සූර්යකුමාර් යාදව් සහ ඉෂාන් කිශාන්ට ස්ථානය අහිමිව තිබේ.

පන්දු යවන්නන් තෝරා ගැනීමේදී මො‌හොමඩ් යුගල වන ශාමි සහ ශිරාජ් ප්‍රධාන වේග පන්දු යවන්නන් ලෙස කණ්ඩායමට එකතු වද්දී අවසන් 11 දෙනා අතරට පිවිස සිටින අනෙක් වේග පන්දු යවන්නා වන්නේ උම්රන් මලික් වේ.

ශ්‍රී ලංකා කණ්ඩායම වේග පන්දු යවන්නන් දෙදෙනකු සමඟ අවතීර්ණ වද්දී තෙවැනි වේග පන්දු යවන්නා ලෙස චාමික කරුණාරත්නව යොදා ගැනීමට සැලසුම් යොදා තිබේ. කෙසේ වෙතත් අද තරගයේදී අවිශ්ක ප්‍රපාන්දුට කණ්ඩායමේ ස්ථානය හිමිව තිබීමද කැපී පෙනෙයි.

ශ්‍රී ලංකාව – කුසල් මෙන්ඩිස්, පැතුම් නිස්සංක, ධනංජය ද සිල්වා, අවිශ්ක ප්‍රනාන්දු, චරිත් අසලංක, දසුන් ශානක (නායක), වනිදු හසරංග, චාමික කරුණාරත්න, දුනිත් වෙල්ලාලගේ, කසුන් රජිත, ඩිල්ෂාන් මදුශංක.

ඉන්දියාව – රෝහිත් ෂර්මා (නායක), ශුබ්මන් ගිල්, ශ්‍රෙයාස් අයියර්, හර්දික් පාණ්ඩ්‍යා, මොහොමඩ් ශමී, යුස්වේන්ද චෙහල්, උම්රන් මලික්, මොහොමඩ් ශිරාජ්.

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

LKR Sri Lankan rupee