slc
logo
Home   |    News
ජනවාරි 11, 2023
බාළිකාවන් ජයග්‍රාහීව වැඩ අරඹයි

sinhala editor

අන්තර්ජාතික ක්‍රිකට් සභාව විසින් පළමු වතාවට පවත්වනු ලබන වයස අවුරුදු 19 න් පහළ බාලිකා ලෝක කුසලාන ක්‍රිකට් තරගාවලිය යටතේ ශ්‍රී ලංකා කණ්ඩායම සහභාගි වුණු පළමු පුහුණු තරගයෙන් එක්සත් අරාබි එමීර් රාජය කණ්ඩායමට එරෙහිව ලකුණු 52 ක ජයක් වාර්තා කරමින් තරගාවලියට ජයග්‍රාහී ප්‍රවේශක් ලබා ගැනීමට සමත්විය.

කාසියේ වාසියත් සමඟ පළමුව පන්දුවට පහර දුන් ශ්‍රී ලංකා පිල පන්දුවාර 20 අවසනදී කඩුලු 9 කට ලකුණු 90 ක් රැස් කර නමුදු එම ඉලක්කය හඹා යෑමේදී ප්‍රතිවාදී එක්සත් අරාබි එමීඍ් පිලට රැස් කර ගත හැකි වූයේ පන්දුවාර 13.3 කදී ලකුණු 38 ක් පමණි.

ශ්‍රී ලංකාව වෙනුවෙන් නෙත්මි ිසේනාරත්න පන්දු 55 කදී ලකුණු 53 ක් ලබා ගත් අතර එම ඉනිම හයේ පහර 2 ක් සහ හතරේ පහර 5 ක් ඇතුළත් කිරීමටද ඈ වග බලා ගත්තාය. ඇයට අමතරව ආරම්භක පිතිකාරිණිය වූ සුමුදු නිසංසලා පන්දු 28 කදී ලකුණු 14 ක් ලබා ගත්තාහ.

පන්දු යැවීමේදී විදුෂිකා පෙරේරා සහ දෙව්මි විහංගා ප්‍රධාන පන්දු යවන්නියන් විසින් ප්‍රතිවාදී පිල පන්දුවාර 14 ක් නිමාවීමට මත්තෙන් සීමා කරන ලද්දේ එකම පිතිකාරිණියකට හෝ ලකුණු 10 සීමාවට පැමිණීමට අවස්ථාව ලබා නො‌දෙමිනි. මෙහිදී දෙව්මි විහංගා ලකුණු 04 කට කඩුලු 3 ක් සහ විදුෂිකා පෙරේරා ලකුණු 05 කට කඩුලු 3 ක් දවා ගත්හ.

ශ්‍රී ලංකා පිල පන්දුවාර 20 කදී කඩුලු 9 ට ලකුණු 90 යි – (නෙත්මි සේනාරත්න 53, සුමුදු නිසංසලා 14, ගීිතිකා ජෝතිස් 10/2)

එක්සත් අරාබි එමීර් රාජ්‍ය පන්දුවාර 13.3 කදී ලකුණු 38 යි – (විදුෂිකා පෙරේරා 05/3, දෙව්මි විහං 04/3)

Active filters

Recent Posts

  • ශ්‍රී ලංකාව කැන්ගරුවන් හමුවේ දැවැන්තම එක්දින ජය ලබයි
    කුසල් මෙන්ඩිස්ගේ පස්වැනි එක්දින ශතකයත්, චරිත් අසලංකගේ අර්ධ ශතකයත් සහ පන්දු යවන්නන්ගේ දක්ෂ පන්දු යැවීමත් හේතුවෙන් ඔස්ට්‍රේලියානු කණ්ඩායමට එරෙහිව කොළඹ ආර්. ප්‍රේමදාස ක්‍රීඩාංගණයේ පැවැති දෙවැනි එක්දින තරගයෙන්ද ලකුණු 174 ක විශිෂ්ඨ […]
  • හලාවත මේරියන්ස් කඩුලු 9 ට ලකුණු 259 යි
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන අන්තර් සමාජ ප්‍රධානතම තුන් දින ලීග් ක්‍රිකට් තරගාවලිය යටතේ මග්ගොන සරේ විලේජ් ක්‍රීඩාංගණයේ පැවැත්වෙන තරගයේදී පළමු ඉනිම ක්‍රීඩා කරමින් සිටින හලාවත […]
  • එක්දින පන්දු යවන්නන් අතර තීක්ෂණ අංක 1 ට ළං වෙයි
    ජාත්‍යන්තර ක්‍රිකට් කවුන්සිලය විසින් ප්‍රකාශයට පත් කරන ලද නවතම එක්දින පන්දු යවන්නන්ගේ ලැයිස්තුවේ දෙවැනි ස්ථානය දක්වා ඉදිරියට පැමිණීමට ශ්‍රී ලංකා පිලේ දඟ පන්දු යවන ක්‍රීඩක මහීෂ් තීක්ෂණ සමත්ව […]
  • චරිත්ගේ විශිෂ්ඨ ශතකයෙන් ශ්‍රී ලංකාවට ලකුණු 49 ක ජයක්
    By Chamila Karawita පිත්තෙන් විශිෂ්ඨ ශතකයක් මෙන්ම අවස්ථානුකූලව පන්දු යවන්නන් යොදා ගනිමින් කණ්ඩායම හැසිරවීමට චරිත් අසලංක සමත්වීමත් නිසා ඔස්ට්‍රේලියාවට එරෙහිව කොළඹ ආර්. ප්‍රේමදාස ක්‍රීඩාංගණයේදී අද (12 දා) පැවැති පළමු […]
  • එක්දින තරගාවලිය හෝරා කීපයකින් ඇරඹෙයි
    වෝන් – මුරලි ටෙස්ට් තරගාවලියෙන් ලත් 2-0 ක තරගාවලි පරාජයේ අවමාන යම් තරමකින් අවම කර ගැනීමට ශ්‍රී ලංකා කණ්ඩායමට හිමි අවස්ථාව වන තරග 2 කින් සමන්විත එක්දින තරගාවලිය […]

Pin It on Pinterest

USD United States (US) dollar