slc
Home   |    News
පෙබරවාරි 11, 2023
ගෝල් පිලට දැවැන්ත ඉලක්කයක්

sinhala editor

කළම්බු පිලේ පන්දු බළ ඇණිය ශක්තිමත් කිරීම උදෙසා සිටින නම් දැරූ ක්‍රීඩකයන් පිතිකරණ භූමිකාවේදී සාර්ථකවී අවසන් කඩුලු 5ට ලකුණු 177ක් එක් කිරීම හේතුවෙන් කළම්බු පිලෙන් ගෝල් කණ්ඩායමට මුල් ඉනිමේ ලකුණු 405ක දැවැන්ත ඉලක්කයක් ලබා දී තිබේ.

එහෙත් සාර්ථක ආරම්භයක් ලබාගනිමින් තරගයේ දෙවැනි දිනය (10 වැනිදා)නිමාවෙද්දී ගෝල් පිල කඩුලු 2ක් දැවී ලකුණු 131ක් ලබා ගැනීමට සමත් වීමෙන් තරගය උණුසුම් ස්වරූපයකට පරිවර්තනය වෙමින් පවතී. ගෝල් ආරම්භක පිතිකරු සංගීත් කුරේ ලකුණු 33කට දැවී ගිය අතර, ඇන්ජලෝ මැතිව්ස් නොදැවී ලකුණු 32ක් හා ලක්ෂාන් එදිරිසිංහ නොදැවී ලකුණු 52ක් ලබා කඩුල්ලේ රැදී සිටිති.

ශ්‍රී ලංකා ක්‍රිකට් ආයතනය දෙවැනි වතාවටත් පවත්වනු ලබන නැෂනල් සුපර් ලීග් සිව්දින ක්‍රිකට් තරගාවලියේ හම්බන්තොට සූරියවැව මහින්ද රාජපක්ෂ ක්‍රීඩාංගණයේ පැවැති කළම්බු – ගෝල් අතර තරගයේ කාසියේ වාසිය දිනාගත් කළම්බු පිල මුලින් පන්දුවට පහරදී මෙම ඉලක්කය ඒල්ල කළේය.

මුල් පෙලේ පිතිකරුවන් තිදෙනෙකු ලකුණු 23කට දැවී යද්දී එක් අන්තයක් ආරක්ෂා කරගනිමින් තම යුතුකම ඉටුකළ ආරම්භක පිතිකරු අවිශ්ක ප්‍රනාන්දු පෙරේදා පළමු දිනයේදී පන්දු 205කට මුහුණදී හයේ පහරක් හා හතරේ පහර 21ක් එල්ලකොට ලකුණු 150ක් රැස් කළ අතර, පළමු දිනය නිමා වෙද්දී කළම්බු පිල කඩුලු 6ක් දැවී ලකුණු 287ක් ලබා සිටියේය. ඒ් වෙද්දී නොදැවී ලකුණු 55ක් ලබා කඩුල්ලේ රැදී සිටි නිසල තාරක ඊයේ දිනයේ තවත් ලකුණු 27ක් ඒක්කරගෙන ලකුණු 82කට දැවී ගියේය.

ප්‍රභාත් ජයසූරිය ලකුණු 15කින්, තරිදු රත්නායක ලකුණු 28කින් හා උදිත් මධුෂාන් ලකුණු 18කින් ලකුණු පුවරව සරසද්දී වේග පන්දු යවන කසුන් රාජිත නොදැවී ලකුණු 34ක් ලබා කළම්බු පිල ඉහළට එසවූහ.

මෙම තරගයේ අවිශ්ක ප්‍රනාන්දු එල්ල කළ ලකුණු 150 තරගාවලියේ මෙවර පිතිකරුවෙකු ඉනිමකදී රැස්කළ දෙවැනි වැඩිම ලකුණු ගණන වූ අතර, මෙයට පෙර කැන්ඩි පිලේ ඔෂධ ප්‍රනාන්දු කළම්බු පිලට එරෙහිව එස්. එස්. සී පිටියේදී ලකුණු 201ක් ලබා ඉනිමක රැස්කළ වැඩිම ලකුණු ප්‍රමාණය සටහන් කොට ඇත.

අවික ප්‍රනාන්දු හා දුෂාන් විමුක්ති අතර සිවුවැනි කඩුල්ලට ලකුණු 112ක සම්බන්ධතාවක් ගොඩනැගී කළම්බු ඉනිම ඉහළ ගොස් තිබියදී දුෂාන් විමුක්ති ලකුණු 40කට දැවී ගියේය. අනතුරුව 6 වැනි කඩුල්ලට අවිශ්ක හා නිසල තාරක අතර ලකුණු 62ක සම්බන්ධතාවක් ගොඩනැගුණු අතර, අවිශ්ක කඩුල්ල මුවා කිරීමේ වරදට හසුකර ගැනීමට පන්දු යැවූ සංගීත් කුරේ සමත් විය.

ගෝල් ආරම්භක පන්දු යවන්නා වූ කවිශ්ක අන්ජුල කඩුලු 4ක් දවා ගනිද්දී, රමේෂ් මෙන්ඩිස් කඩුලු 3ක් බිද හෙලීමට සමත් විය. අද (10) තරගයේ තෙවැනි දිනයයි.

කළම්බු – පළමු ඉනිමට ලකුණු 405යි (ඕවර් 129.5)  – අවිශ්ක ප්‍රනාන්දු 150, දුෂාන් විමුක්ති 40, නිසල තාරක 82, ප්‍රභාත් ජයසූරිය 15, තරිදු රත්නායක 28, උදිත් මධුෂාන් 18, කසුන් රාජිත නොදැවී 34 ( කවිශ්ක අන්ජුල 67 /4, මොහොමඩ් ෂිරාස් 76/1, අසංක මනෝජ් 80/1, රමේෂ් මෙන්ඩිස් 81/3, සංගීත් කුරේ 9/1)

ගෝල් – පළමු ඉනිමට කඩුලු 2ක් දැවී ලකුණු 131යි  (ඕවර් 38) – සංගීත් කුරේ 33, ඇන්ජලෝ මැතිව්ස් නොදැවී 32, ලක්ෂාන් එදිරිසිංහ නොදැවී 52 ( උදිත් මධුෂාන් 32/1, තරිදු රත්නායක 25/1)

 

 

Active filters

Recent Posts

  • දුශාන් සහ මතීෂට එක්දින වරම්!
    By Chamila Karawita ශ්‍රී ලංකාව සහ ඇෆ්ගනිස්තානය අතර හෙට (02 දා) ආරම්භ වන එක්දින තරගාවලිය එක්දින ලෝක ශූරතාවට අයත් නොවන්නකි. එහෙත් මෙම තරගාවලියේදී ඇෆ්ගනිස්තානට කෙසේ වෙතත්ට ශ්‍රී ලංකාවට […]
  • ඒස් කැපිටල්-කෝල්ට්ස්-බ්ලූම්ෆීල්ඩ්-ටැමිල් යුනියන් ජය වාර්තා කරති 
    ශ්‍රී ලංකා ක්‍රිකට් ආයතනය මෙහෙයවන අන්තර් සමාජ මේජර් විස්සයි 20 ක්‍රිකට් තරගාවලියේ අද (ජුනි 01) පැවැති ඒස් කැපිටල් – බදුරලිය තරගයේදී ඒස් කැපිටල් නායක රොෂාන් ජයතිස්ස තුන් ඉරියව්වේදීම […]
  • සිංහ – ඇෆ්ගන් සටනේ ‘ටිකට්’ ස්ථාන 3 කින්
    ඇෆ්ගනිස්තානු ක්‍රිකට් කණ්ඩායමේ ශ්‍රී ලංකා තරග සංචාරය යටතේ පැවැත්වෙන තරග 3 කින් සමන්විත එක්දින ක්‍රිකට් තරගාවලියේ ප්‍රවේශ පත්‍ර ශ්‍රී ලංකා ක්‍රිකට් ආයතනය නිල වෙබ් අඩෙවියට (www.srilankacricket.lk) පිවිසි මිලදී […]
  • ඇෆ්ගන් – ශ්‍රී ලංකා සටනේ නිලධාරීන් නම් කරයි
    හෙට (02 දා) හම්බන්තොට මහින්ද රාජපක්ෂ ක්‍රීඩාංගණයේදී ආරම්භ වන ශ්‍රී ලංකාව සහ ඇෆ්ගනිස්තානය අතර එක්දින තරගාවලියේ තරග තීරකවරයා ලෙසින් ප්‍රවීන තරග තීරක රංජන් මඩුගල්ලේ මහතා කටයුතු කරනු ඇත. […]
  • යුද හමුදාවේ අසේල ගුණරත්න නැවත ලකුණු අතරට
     ශ්‍රී ලංකා ක්‍රිකට් ආයතනය මෙහෙයවන මේජර් අන්තර් සමාජ විස්සයි 20 ක්‍රිකට් තරගාවලියේ අද (31) පැවැති යුද හමුදාව සහ පොලීසිය අතර තරගයේදී යුද හමුදාව නියෝජනය කරන හිටපු ශ්‍රී ලංකා […]
USD United States (US) dollar

Pin It on Pinterest