slc
logo
Home   |    News
පෙබරවාරි 12, 2023
ගෝල් පිළෙන් ශතක 4 ක් – ලකුණු 700 සීමාවත් ඉක්මවයි

sinhala editor

නැෂනල් සුපර් ලීග් සිව්දින ක්‍රිකට් තරගාවලිය යටතේ හම්බන්තොටදී පැවැති තරගයේදී කලම්බු කණ්ඩායමට එරෙහිව  අද (12 දා) ගෝල් කණ්ඩායම ලකුණු 700 සීමාව ඉක්මවාලීමට සමත්වූහ. හම්බන්තොට මහින්ද රාජපක්ෂ ක්‍රීඩාංගණයේ පැවැත්වෙන මෙම තරගයේදී පළමුව පන්දුවට පහර දුන් කලම්බු කණ්ඩායම ලකුණු 405 ක් රැස් කළ අතර ඊට පිළිතුරු ලෙස ගෝල් පිල කඩුලු 9 කට ලකුණු 703 ක් ලබා ඉනිම අත්හිටුවීය.

සිකුරාදා දින පන්දුවට පහර දීම ආරම්භ කළ ගෝල් ක්‍රීඩකයෝ එදින තරගය හමාර කරන ලද්දේ කඩුලු 2 කට ලකුණු 131 ක් ලබා සිටියදීය. ඒ අනුව තරගයේ තෙවැනි දිනය වූ ඊයේ දිනය පුරා පන්දුවට පහර දුන් ගෝල් පිතිකරුවෝ තෙවැනි දිනට තරගය නතර කර දමන විට කඩුලු 5 ට ලුණු 439 ක් ලබා සිටියහ.

කෙසේ වෙතත් අද දිනයේදීත් රිසිසේ පන්දුවට පහර දුන් ගෝල් කණ්ඩායම අවසන් හෝරාව එළැඹෙත්ව තරගය අත හැර දැමීමට තීරණය කළේ ඉනිමේ කඩුලු 9 ක්  පමණක් දැවී ගොස් තිබියදිය.

මෙම තරගයේදී ගෝල්  පිල වෙනුවෙන් ශතක 4 ක් වාර්තා කිරීමට සමත්වීම කැපී පෙනුණි. ඒ අතරින් ඇන්ජලෝ මැතිව්ස් (105), මහේෂ් කුමාර (151), නායක රමේෂ් මෙන්ඩිස් (149) සහ ලක්ෂාන් එදිරිසිංහ (129) ශතක වාර්තා කරන ලද පිතිකරුවෝ වූහ. ඔවුනට අමතරව දිනේෂ් චන්දිමාල් ලකුණු 63 ක් රැස් කළේය. මොවුන් මෙම දක්ෂතා දක්වන ලද්දේ ජාතික ටෙස්ට් කණ්ඩායම නියෝජනය කරනු ලබන කසුන් රජිත සහ ප්‍රබාත් ජයසූරිය යන දෙදෙනාම ප්‍රතිවාදී කණ්ඩායමේ ප්‍රධාන පන්දු යවන්නන් ලෙසින් කටයුතු කරද්දීය. මෙහිදී ජයසූරිය විසින් ක්‍රියාත්මක පන්දුවාර 53 දී ලකුණු 142 ක් ලබා ගැනීමට ගෝල් පිතිකරුවෝ උත්සුක වෙද්දී ඔහු දවාගෙන සිටියේ එක් කඩුල්ලක් පමණි.

තරගාවලිය ආරම්භයේ සිටම කැපී පෙනන දස්කම් දැක්වීමට සමත් ගෝල් කණ්ඩායම මෙතෙක් තරගාවලියේ එකම අපරාජිත කණ්ඩායම වන්නේය. මෙතෙක් තරග 3 කට සහභාගිව සිටින ගෝල් කණ්ඩායම පූර්ණ ජයග්‍රහණ 2 ක් සහ එක් පළමු ඉනිමේ ජයග්‍රහණයක් වාර්තා කරමින් ප්‍රසාද ලකුණු සටහනේ පෙරමුණට පැමිණ සිටියි. මූලික වටයේ ඉදිරියෙන්ම පසුවන කණ්ඩායම් 4 අවසන් පූර්ව තරග වටයට සුදුසුකම් ලබන බැවින් ගෝල් කණ්ඩායම මේ වන විටත් අවසන් කණ්ඩායම් 4 අතර තරග වටය සඳහා ස්ථානය වෙන්කර ගැනීමට සමත්ව සිටීම ද කැපී පෙනෙයි.

කළම්බු – පළමු ඉනිමට ලකුණු 405යි (ඕවර් 129.5)  – (අවිශ්ක ප්‍රනාන්දු 150, දුෂාන් විමුක්ති 40, නිසල තාරක 82, ප්‍රභාත් ජයසූරිය 15, තරිදු රත්නායක 28, උදිත් මධුෂාන් 18, කසුන් රාජිත නොදැවී 34, කවිශ්ක අන්ජුල 67 /4, මොහොමඩ් ෂිරාස් 76/1, අසංක මනෝජ් 80/1, රමේෂ් මෙන්ඩිස් 81/3, සංගීත් කුරේ 9/1)

ගෝල් – පළමු ඉනිමට කඩුලු 9 ක් දැවී ලකුණු 703 යි (ඕවර් 201) – (සංගීත් කුරේ 33, ඇන්ජලෝ මැතිව්ස් 105, ලක්ෂාන් එදිරිසිංහ 129, දිනේෂ් චන්දිමාල් 63, මහේෂ් කුමාර 151, රමේෂ් මෙන්ඩිස් 149, උදිත් මධුෂාන් 93/2, හසන්ක රත්නායක 201/2, දුෂාන් විමුක්ති 122/3)

 

Active filters

Recent Posts

  • ‘ඒ‘ තරගාවලියේ ජය ඔස්ට්‍රේලියාවට
    ඔස්ට්‍රේලියාවේ තරග සංචාරයක නිරතව සිටින ශ්‍රී ලංකා ‘ඒ‘ කණ්ඩායම සහ ඔස්ට්‍රේලියානු ‘ඒ‘ කණ්ඩායම අතර පැවැති තෙවැනි නිල නොවන එක්දින තරගයෙන් කඩුලු 7 ක ජයක් වාර්තා කළ සත්කාරක ඔස්ට්‍රේලියානු ‘ඒ‘ […]
  • කණ්ඩායම් දෙකක් ජය පෙනි පෙනී පරදියි
     ශ්‍රී ලංකා ක්‍රිකට් ආයතනය මෙහෙය වන ප්‍රධාන අන්තර් සමාජ එක්දින ක්‍රිකට් තරගාවලියේ අද පැවැති තවත් තරග පහක් අතුරින් තරග දෙකක් ඉතාමත් තියුණු මුහුණුවරකින් පසුව නිමාවට පත්විණි. උණුසුම් මුහුණුවරක් […]
  • ලෝක කුසලානෙට පෙරසූදානම හෙට සිට ඇරඹෙයි
    ශ්‍රී ලංකාව සහ බංග්ලාදේශය අතර තරග 3 කින් සමන්විත විස්සයි-20 තරගාවලිය හෙට (10 දා) පල්ලේකැලේ ජාත්‍යන්තර ක්‍රීඩාංගණයේදී ආරම්භ වේ. මෙය ද්වීපාර්ශ්වික තරගාවලියක් වුවත් ශ්‍රී ලංකාවට මෙම තරගාවලියේ ඇති […]
  • නායකත්වයේ හා පුහුණු කාර්ය මණ්ඩලයේ කැපවීම අපේ සාර්ථකත්වය හේතුවයි – කුසල් මෙන්ඩිස්
    ශ්‍රී ලංකා ක්‍රිකට් පිලේ නායකත්වයේ හා පුහුණු කාර්ය මණ්ඩලයේ සහයෝගයත් කැපවීමත් හේතුවෙන් එක්දින පිල දිනෙන් දින සාර්ථකත්වයට පත්වෙමින් ඇති බව කුසල් මෙන්ඩිස් පැවැසීය. ශ්‍රී ලංකා එක්දින කණ්ඩායම ගෙවී […]
  • පානදුර ලකුණු 213කින් එන්.සී.සී. පරාජය කරයි
     ශ්‍රී ලංකා ක්‍රිකට් ආයතනය මෙහෙය වන ප්‍රධාන එක්දින ක්‍රිකට් තරගාවලියේ අද (08) පානදුර මහජන ක්‍රීඩාංගණයේ පැවැති එන්.සී.සී. – පාණදුර ක්‍රීඩා සමාජය අතර තරගයෙන් එන්.සී.සී. ලකුණු 213කින් පරාජයට පත් […]

Pin It on Pinterest

LKR Sri Lankan rupee