slc
logo
Home   |    News
පෙබරවාරි 25, 2023
ජැෆ්නා අසීරු අඩියක

sinhala editor

ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන මෙරට ක්‍රියාත්මක ප්‍රධානතම සිව්දින ක්‍රිකට් තරගාවලිය වන නැෂනල් සුපර් ලීග් ක්‍රිකට් තරගාවලියේ දඹුල්ල පිල පළමු ඉනිමට ලබාගත් ලකුණු 426ට පිළිතුරු ලෙස ජැෆ්නා ක්‍රීඩකයෝ කඩුලු 7ක් දැවී ලකුණු 220ක් ලබා ගත්හ. මේ හේතුවෙන් ජැෆ්නා පිල තරගයේ දෙවැනි දිනය නිමාවෙද්දී කඩුලු 3ක් අතැතිව පළමු ඉනිමේ තවත් ලකුණු 206ක් පසුපසින් සිටී.

ජැෆ්නා ආරම්භක පිතිකරු නවෝද් පරණවිතාන ලකුණු 4කට දැවීගිය අතර, රොන් චන්ද්‍රගුප්ත එක් අන්තයක් ආරක්ෂා කර ගනිමින් ලකුණු 97ක් ලබා ශතකය පෙනි පෙනී වනිදු හසරංගගේ පන්දුවකට දැවි ගියේය. අංක තුන පිතිකරු අවිශ්ක තරිදු ලකුණු 22ක් ලබා සිටියදී කෙලින්ම කඩුල්ල බිද දැමූ වනිදු හසරංග ජැෆ්නා ලකුණු වේගය අඩාල කළේය. නායක සධීර සමරවික්‍රම ලකුණු 34කට හා ජනිත් ලියනගේ ලකුණු 23කට දවැ ගැනීමට දඟ පන්දු යැවූ දුෂාන් හේමන්ත සමත් විය. තම තෙවැනි කඩුල්ල බිද දැමූ වනිදු හසරංග ෂශික දුල්ෂාන් ලකුණු නොලබාම පිටියෙන් ඉවත් කළ අතර, චලන පද සිල්වාගේ පන්දුවක් හමුනේ ළහිරු මධුසංක ලකුණු 34කට දැවී ගියේය.

පී. සරා ඔවල් ක්‍රීඩාංගණයේදී ආරම්භ වූ මෙම අවසන් පූර්ව තරගයේ පළමු දිනය නිමා වෙද්දී දඹුල්ල පිල පළමු ඉනිමට කඩුලු 5ක් දැවී ලකුණු 289ක් ලබා සිටි අතර අද (24) දෙවැනි දිනයේදී ලකුණු 137ක් ඉනිමට එක්විය. අශාන් ප්‍රියංජන අර්ධ ශතකයට ලකුණක් අඩුව තිබියදී දැවීගිය අතර, දුෂාන් හේමන්ත හා ළහිරු සමරකෝන් එක්ව 9වැනි කඩුල්ලට ලකුණු 66ක සම්බන්ධතාවක් ගොඩනැංවූහ.

දුෂාන් හේමන්ත පන්දු 74කදී හයේ පහර 2ක් හා හතරේ පහර 2ක් සමග ලකුණු 37ක් ලබාගත් අතර, ළහිරු සමරකෝන් පන්දු 50කදී හයේ පහර 2ක් හා හතරේ පහර 4ක් සමග වේගවත් ලකුණු 43ක් එක් කළේය. කාසියේ වාසිය දිනාගත් ජැෆ්නා පිලේ ආරාධනාවෙන් මුලින් පන්දුවට පහරදුන් දඹුල්ල පිලේ අංක තුන පිතිකරු ලෙස පවන් රත්නායක පන්දු 148කදී හයේ 3ක් හා හතරේ පහර 12ක් සමග ලකුණු 117ක් ලබා ගත් අතර, එය මෙම තචරගාවලියේ ඔහු සහභාගී වූ පළමු තරගයේදීම වාර්තා වූ ශතකයකි.

නැෂනල් සුපර් ලීග් ක්‍රිකට් තරගාවලියේ වැඩිම ලකුණු ලබාගත් ගෝල්, දඹුල්ල, ජැෆ්නා සහ කැන්ඩි කණ්ඩායම් අවසන් පූර්ව තරග සඳහා සුදුසුකම් ලබා සිටින අතර, එහිදී ප්‍රසාද ලකුණු සටහනේ පෙරමුණේ පසුවන ගෝල් කණ්ඩායම එහි අවසන් ස්ථානයේ පසුවන කැන්ඩි කණ්ඩායමද දඹුල්ල කණ්ඩායමට එරෙහිව ජැෆ්නා කණ්ඩායමද තරග වදිති.

තරගාවලියේ අවසන් මහ තරගය ලබන මාර්තු 2 වැනිදා සිට 5 වැනිදා දක්වා ගාල්ල අන්තර්ජාතික ක්‍රීඩාංගණයේදී පැවැත්වෙනු ඇත.

දඹුල්ල පළමු ඉනිමට ලකුණු 426යි ( ඕවර් 122.4) ගයාන් මනීෂාන් 51, අභිෂේක් ලියනාරච්චි 37, පවන් රත්නායක 117, සනෝජ් දර්ශික 47, අශාන් ප්‍රියංජන 49, චමිදු විජේසිංහ 28, දුෂාන් හේමන්ත 37, ළහිරු සමරකෝන් 43, ෂශික දුල්ෂාන් 131/6, ඒෂාන් මාලිංග 65/3

ජැෆ්නා – පළමු ඉනිමට කඩුලු 7ක් දැවී ලකුණු 220යි (ඕවර් 50)රොන් චන්ද්‍රගුප්ත 97, අවිශ්ක තරිදු 22, සධීර සමරවික්‍රම 34, ජනිත් ලියනගේ 23, ළහිරු මධුසංඛ 34, වනිදු හසරංග 42/3, ළහිරු සමරකෝන් 34/1, චලන ද සිල්වා 37/1, දුෂාන් හේමන්ත 51/2

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

LKR Sri Lankan rupee