slc
Home   |    News
පෙබරවාරි 9, 2023
දෙවැනි පුහුණු තරගයේ ජය කොදෙව් කාන්තාවන්ට

sinhala editor

දකුණු අප්‍රිකාවේ පැවැත්වෙන කාන්තා ලෝක කුසලාන 20-20 ක්‍රිකට් තරගාවලිය යටතේ දෙවැනි පුහුණු තරගයට සහභාගි වූ ශ්‍රී ලංකා කාන්තා කණ්ඩායම තියුණු තරගයකින් පසු බටහිර ඉන්දීය කොදෙව් කාන්තා පිල හමුවේ කඩුලු 4 ක  පරාජයක් ලැබීය.

මෙම තරගයෙන් ජය ලැබීමට බටහිර ඉන්දීය කොදෙව් කණ්ඩායමට අවසන් පන්දුවාරයේ සිව්වැනි පන්දුව දක්වාම තරග වැදීමට සිදුවිණ. ශ්‍රී ලංකා කාන්තා කණ්ඩායම රැස්කළ ලකුණු 107 හඹායද්දී ඔවුන්ගේ ප්‍රථම කඩුල්ල ලකුණු 45 දී දැවී ගියේ දස වන පන්දුවාරයේදීය.  18 වන ඕවරය අවසන් වන විට ඔවුන් ලකුණු 94ක ට කඩුලු හයක් දැවී අසීරු තත්ත්වයක පසුවද්දී චිනෙලි හෙන්රි කඩිනම් ලකුණු 14ක් ලබමින් තම කණ්ඩායමට ජයග්‍රහණය ගෙන ආවාය.

මුලින් පන්දුවට පහරදුන් ශ්‍රී ලංකා කණ්ඩායම පන්දුර ඕවර 20 අවසානයේ සියලු පිතිකාරිනියන් දැවී රැස් කළ ලකුණු 107 ට පිළිතුරු ලෙසින් බටහිර ඉන්දීය කොදෙව් කණ්ඩායම පන්දුවාර 19.4ක දී කඩුලු 6 ක් දැවී ඉලක්කය සපුරා ගියේය.

ශ්‍රී ලංකා කණ්ඩායම පන්දුවට පහර දෙද්දී සාර්ථකම සබඳතාව වාර්තා වූයේ නිලක්ෂි ද සිල්වා (29) සහ කවීෂා දිල්හාරි (16) අතර පස්වන කඩුල්ලට පන්දු 25ක දී එක්කළ ලකුණු 32 ය.  මීට අමතරව හර්ෂිතා සමරවික්‍රම (16) සහ විශ්මි ගුනරත්න (13) දෙවන කඩුල්ලට ලකුණු 16ක සබඳතාවයක් තබා ගත්තේ නායිකාව චමරි අතපත්තු ලකුණකට දැවී යාමෙන් පසුවය. පන්දු යැවීමේදී දක්ෂතා දැක්වූ කොදෙව් නායිකාව හේලි මැතිව් කඩුලු තුනක් දවාලුවේ ලකුණු 17ක් ලබා දෙමිනි.

කොදෙව් පිතිකාරිනියන් අතුරින් කැපී පෙනුණු හේලි මැතිව් ලකුණු 50ක් ද සහ ෂබිකා ගජිනාබි ලකුණු 15ක් ද රැස් කළහ.  මොවුන් දෙදෙනා කණ්ඩායමේ ආරම්භක පිතිකාරිනියන් දෙදෙනාය. ශ්‍රී ලංකාව වෙනුවෙන් මල්ෂා ෂෙහානි සහ කවීෂා දිල්හාරි කඩුල්ල බැගින් දවාලූහ.

ශ්‍රී ලංකාව පන්දුවාර 20ක දී සියලු දෙනා දැවී ලකුණු 107 යි –  (නිලක්ෂි ද සිල්වා 29, හර්ෂිතා සමරවික්‍රම 16, කවීෂා දිල්හාරි 16, විශ්මි ගුනරත්න 13, අනුෂ්කා සංජීවනී 09, හේලි මැතිව් 17/3  අෆි‍ෆ් ලේචර් 13/2, කරිෂ්මා කම්හාරක් 13/2)

බටහිර ඉන්දීය කොදෙව් කණ්ඩායම පන්දුවාර 19.4 කදී කඩුලු 6ක් දැවී ලකුණු 111 යි (හේලි මැතිව් 50, ෂබිකා ගජිනාබි 15, චිනෙලි හෙන්රි නොදැවී 14, මල්ෂා ෂෙහානි 11/1, කවීෂා දිල්හාරි 17/1)

 

 

 

 

Recent Posts

  • අවසන් සටනේ මුල් දිනයේ රාගම කඩුලු 8කට ලකුණු 258යි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ වයස අවුරුදු 23 න් පහළ ප්‍රධානතම ලීග් ක්‍රිකට් තරගාවලියේ අවසන් මහා තරගයේ මුලින් පන්දුවට පහරදෙන රාගම ක්‍රිකට් සමාජය පළමු දිනයේ […]
  • දිමුත් සහ චන්දිමාල් ‘විස්ඩන්’ ලෝක කණ්ඩායමට
    ක්‍රිකට් ක්‍රීඩාවේ බයිබලය ලෙසින් සැලකෙන ප්‍රකට විස්ඩන් (Wisden) සඟරාව විසින් තෝරනු ලබන ටෙස්ට් ලෝක ශූරතා තරගාවලිය සඳහා ක්‍රීඩා කරන ලද ලොව හොඳම ක්‍රීඩකයින් 11 දෙනා අතරට ශ්‍රී ලංකාවේ […]
  • පළමු තරගයෙන්ම ශ්‍රී ලංකා යොවුන් පිලට පහසු ජයක්
    අබුඩාබි නුවර ආරම්භ වුණු වයස අවුරුදු 19 න් පහළ යොවුන් ක්‍රිකට් තරගාවලියේ සමාරම්භක තරගයේදීම බංග්ලාදේශ යොවුන් පිලට එරෙහිව කඩුලු 5 ක විශිෂ්ඨ ජයක් වාර්තා කරමින් තරගාවලියට සාර්ථක ප්‍රවේශයක් […]
  • ළහිරුගේ නායකත්වයේ ඉනිම කැන්ඩිට පළමු ජය ගෙනෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී නායකත්වයේ ඉනිමක් ක්‍රීඩා කළ කැන්ඩි පිලේ ළහිරු උදාර වාර්තා කළ ලකුණු 109 සමග කැන්ඩි පිල ලකුණු 8ක […]
  • ජැෆ්නා – කළම්බු තරගයට වැස්සෙන් බාධා
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේ ජැෆ්නා හා කළම්බු අතර තරගයේ මුලින් පන්දුවට පහරදුන් කළම්බු පිල ඕවර් 46.3ක් තුලදී කඩුලු 9ක් දැවී ලකුණු […]
LKR Sri Lankan rupee

Pin It on Pinterest