slc
Home   |    News
පෙබරවාරි 23, 2023
රදැල්ලේ පුහුණු පහසුකම් ගැන සියල්ලෝම සතුටින්

sinhala editor

නවසීලන්ත තරග සංචාරය ඉලක්ක කොට ගෙන පුහුණුවීම් සිදුකිරීම සදහා රදැල්ල ක්‍රීඩාංගණය ලබා දීම පිළිබඳව ශ්‍රී ලංකා ක්‍රිකට් කණ්ඩායමේ ප්‍රධාන පුහුණුකරු සහ නායක දිමුත් කරුණාරත්න ඉමහත් සතුටට පත්ව සිටිති.

නවසීලන්තයේ ඇති කාලගුණික තත්ත්වයන්ට සමාන කාලගුණික තත්ත්වයන් පැවැතීම මෙන්ම නවසීලන්තයේ පවතින වේගවත් තණතීරු ආකාරයේම තණතීරුද රදැල්ල ක්‍රීඩාංගණයේ සකස් කිරීමට ශ්‍රී ලංකා ක්‍රිකට් ආයතනය පියවර ගැනීම හරහා ක්‍රීඩකයින්ට එහි ගොස් තරග කිරීම සඳහා විශාල අවබෝධයක් ලබා ගැනීමට අවස්ථාව උදාවිය.

ශ්‍රී ලංකා කණ්ඩායම ඉකුත් 16 වැනිදා රදැල්ල බලා පිටත්ව ගිය අතර සතියක පුහුණු සැසියකින් අනතුරුව අද (23 දා) යළි කොළඹ බලා පැමිණෙනු ඇත. ඒ අතරතුර කාලයේදී තණතීරුවෙන් සපයන ලද පන්දුවේ වේගය, ඉපිලීම මෙන්ම දෝලනය පිළිබඳව වැඩි අවබෝධයක් ලබා ගැනීමට සාර්ථක වේදිකාවක් සපයනු ලැබීය.

මේ සම්බන්ධව ශ්‍රී ලංකා කණ්ඩායමේ ප්‍රධාන පුහුණුකරු ක්‍රිස් සිල්වර්වුඩ් සඳහන් කර සිටින්නේ රදැල්ල තණතීරුව නවසීලන්තයේ තණතීරු නේම වේගවත් සහ ඉපිලීමකින් යුක්ත වීම නිසා ශ්‍රී ලංකා කණ්ඩායමේ ක්‍රීඩකයින්ට ඒ පිළිබඳව ඉතා හොඳ පුහුණුවක් ලබා ගැනීමට අවස්ථාව උදාවූ බවයි.

මීට අමතරව ශ්‍රී ලංකා නායක දිමුත් කරුනාරත්න ද සඳහන් කර සිටියේ, මෙම අවස්ථාව තමන් ඇතුළු කණ්ඩායමට නවසීලන්තයේ තරග කිරීමට ලොකු අත්වැළක් සැපයූ බවයි. “රදැල්ලේ පුහුණුවීම් කරන එකේ මූලික බලාපොරොත්තුව වුනේ නවසීලන්ත තරගාවලියට පෙර සූදානම් වීම සඳහායි. එහේ තත්ත්වයන්ට විශේෂයෙන්ම දේශගුණික මෙන්ම තණතීරුවලට. මෙහිදී පන්දු යවන්නන් කොහොමද මේ තත්ත්වයන් යටතේ පන්දු යවන්නේ පිතිකරුවන් කොහොමද පනදුවට පහර දිය යුත්තේ කියන එක ගැන අපිට ගොඩක් අදහස් ලබා ගැනීමට හැකියාව ලැබුණා”.

“ඒ වගේම අපිට හොද තණතීරු ලැබිලා තියෙනවා. එ්වා ගොඩක් දුරට නවසීලන්තයේ පවතින තණතීරු හා සමාන ඒව. මං හිතනවා මේක ලොකු උදව්වක් වෙනවා අපිට නවසීලන් තරග සංචාරයට හොඳින් තරග වැදීමට” යනුවෙන් දිමුත් පවසයි.

“සෑහෙන්න සීතලක් තිබ්බා. ඒ වගේම වේග පන්දු යවන්න්න ගොඩක් හොඳ  පුහුණුවීමක් මෙහි ලබා ගත්තා. මොකද රස්නෙ තත්ත්වයන් වල පන්දු යවනවා වගේ නොවෙයි සීතලේ බෝල් කරන්න ටිකක් ආමරුයි. ඒ වගේම ස්පිනර්ස්ලාත් බෝලෙ ග්‍රිප් කරන එක ඒ වගේ දේවල් සෑහෙන දේවල් මේ පුහුණු සැසියෙන් ලබා ගත්තා. කණ්ඩායමේ ඉන්නේ ගොඩක් තරුණ ක්‍රීඩකයෝ. ඒ වගේම එයාලා මීට පෙර නවසීලන්තයේ සංචාරය කරලා නෑ. ඒ නිසා නවසීලන්තයටයන්න කළින් එයාලට මේ අත්දැකීම ලැබුණු එක ඉතාම හොඳයි” යැයිද දිමුත් සදහන් කර සිටියේය.

මේ අතර කණ්ඩායමේ පසුවන ජ්‍යෙෂ්ඨතම ක්‍රීඩකයා වන ඇන්ජලෝ මැතිව්ස් ද සදහන් කර සිටියේ ලැබුණු අවස්ථාව ඉතාම හොද එකක් බවයි. “මේ පුහුණුව අපිට අතිශයින්ම වැදගත් වුණා. මොකද මේ සීත කාලගුණය ඉතාමත්ම සමීපයි නවසීලන්ත කාලගුණයට. ඒ වගේම පොඩි වැස්සක් තියෙනවා. කොළඹදි ඒ දේ අපිට ලබා ගන්න බෑ. ඒ නිසා මං හිතන්නේ මේක ඉතාමත්ම හොඳ අවස්ථාවක් නවසීලන්තයට පෙර අපිට ලැබුණු. මේ වෙනුවෙන් තණතීරු සකසන්නන් මෙන්ම ක්‍රීඩාංගණයේ සියලු දොම ඉතාම හොද කර්තව්‍යයක් සිදුකරලා තියෙනවා. ඔවුන්ට මම ස්තූතිවන්ත විය යුතු කෙටි කාලයක් ඇතුළත මේ දේවල් ලෑස්ති කරලා දුන්නට” යනුවෙනි.

මීට අමතරව කණ්ඩායමේ වේග පන්දු පුහුණුකරු වන දර්ශන ගමගේ සහ පන්දු රැකීමේ පුහුණුකරු මනෝජ් අබේවික්‍රමද අදහස් දක්වමින් සඳහන් කර සිටින්නේ මේ ලැබුණු අවස්ථාව කණ්ඩායමට ඉතා වටිනා එකක් බවයි.

 

Recent Posts

  • අවසන් සටනේ මුල් දිනයේ රාගම කඩුලු 8කට ලකුණු 258යි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ වයස අවුරුදු 23 න් පහළ ප්‍රධානතම ලීග් ක්‍රිකට් තරගාවලියේ අවසන් මහා තරගයේ මුලින් පන්දුවට පහරදෙන රාගම ක්‍රිකට් සමාජය පළමු දිනයේ […]
  • දිමුත් සහ චන්දිමාල් ‘විස්ඩන්’ ලෝක කණ්ඩායමට
    ක්‍රිකට් ක්‍රීඩාවේ බයිබලය ලෙසින් සැලකෙන ප්‍රකට විස්ඩන් (Wisden) සඟරාව විසින් තෝරනු ලබන ටෙස්ට් ලෝක ශූරතා තරගාවලිය සඳහා ක්‍රීඩා කරන ලද ලොව හොඳම ක්‍රීඩකයින් 11 දෙනා අතරට ශ්‍රී ලංකාවේ […]
  • පළමු තරගයෙන්ම ශ්‍රී ලංකා යොවුන් පිලට පහසු ජයක්
    අබුඩාබි නුවර ආරම්භ වුණු වයස අවුරුදු 19 න් පහළ යොවුන් ක්‍රිකට් තරගාවලියේ සමාරම්භක තරගයේදීම බංග්ලාදේශ යොවුන් පිලට එරෙහිව කඩුලු 5 ක විශිෂ්ඨ ජයක් වාර්තා කරමින් තරගාවලියට සාර්ථක ප්‍රවේශයක් […]
  • ළහිරුගේ නායකත්වයේ ඉනිම කැන්ඩිට පළමු ජය ගෙනෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී නායකත්වයේ ඉනිමක් ක්‍රීඩා කළ කැන්ඩි පිලේ ළහිරු උදාර වාර්තා කළ ලකුණු 109 සමග කැන්ඩි පිල ලකුණු 8ක […]
  • ජැෆ්නා – කළම්බු තරගයට වැස්සෙන් බාධා
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේ ජැෆ්නා හා කළම්බු අතර තරගයේ මුලින් පන්දුවට පහරදුන් කළම්බු පිල ඕවර් 46.3ක් තුලදී කඩුලු 9ක් දැවී ලකුණු […]
LKR Sri Lankan rupee

Pin It on Pinterest