slc
Home   |    News
මාර්තු 10, 2023
ශ්‍රී ලංකා පන්දු යවන්නෝ ජවය පෙන්වති

sinhala editor

ලකුණු 10 ක් ඇතුළත නවසීලන්ත පිලේ ඉදිරි පෙළ කඩුලු 3 ම දවා ගැනීමට සමත්වීම නිසා ක්‍රයිස්චර්ච්හි පැවැත්වෙන පළමු ටෙස්ට් තරගයේ දෙවැනි දිනය වූ අද (10 දා) තරගය නිමා කරන විට තරගයේ වාසි තමන් වෙත හරවා ගනිමින් සිය වේග පන්දුවේ ජවය පෙන්වීමට ශ්‍රී ලංකා පන්දු යවන්නෝ සමත්වූහ. ශ්‍රී ලංකා පන්දු යවන්නන්ගේ මෙම දක්ෂතාව ප්‍රධාන කොට දෙවැනි දිනට තරගය නිමා කරන විට නවසීලන්ත පිතිකරුවෝ ලකුණු 162 කට කඩුලු 5 ක් අහිමිකරගෙන සිටියහ.

හෙග්ලි ඔ්වල් පිටියේ පැවැත්වෙන මෙම තරගයේදී ශ්‍රී ලංකා ඉනිම අභිබවා යෑමට නම් නවසීලන්ත පිලට තවත් කඩුලු 5 ක් ඇතුළත ලකුණු 193 ක් ලබා ගත යුතු වේ. ගැටලුවට හේතු වන්නේ නවසීලන්ත පිලේ නම් දැරූ පිතිකරුවන්ගෙන් ඉතිරිව සිටින්නේ ඩැරල් මිචෙල් පමණක් වීමය. දවස අවසන් වන විට මිචෙල් පන්දු 89 කට මුහුණ දී හයේ පහරක් සහ හතරේ පහර 2 ක් සමඟින් ලකුණු 40 ක්ද මයිකල් බ්‍රේස්වෙල් ලකුණු 9 ක්ද ලබා කඩුල්ලේ රැඳී සිටිති.

ශ්‍රී ලංකා පළමු ඉනිම ලකුණු 355 කට සීමා කිරීමෙන් අනතුරුව පිළිතුරු පළමු ඉනිම ඇරඹූ නවසීලන්ත පිල වෙනුවෙන් ලකුණු 67 ක් පළමු කඩුල්ල වෙුනවෙන් එක් කිරීමට ටොම් ලෙතම් සහ ඩෙවෝන් කෝන්වේ සමත් වුවත්, අසිත ප්‍රනාන්දු සහ ළහිරු කුමාර එක්ව ලකුණු 10 ක් ඇතුළත තරගය කණ පිට පෙරළූහ. ඒ නවසීලන්තය සතු වටිනාම කඩුල්ල වන කේන් විලියම්සන්ගේ ඉනිම පන්දු 11 කට සීමා කරමිනි.

ලකුණු 67 කට කිසිවකු නොදැවී තිබූ ඉනිම ලකුණු 77 වන විට කඩුලු 3 ක් දක්වා පරිවර්තනය කළේ ළහිරු කඩුලු 2 ක් සහ අසිත කඩුල්ලක් දවා ගනිමිනි. විලියම්සන්ට අමතරව කෝන්වේ සහ හෙන්රි නිකොල්ස්ද දැවී ගිය පිතිකරුවන් අතරට අයත් විය.

යෝකර් පන්දුවකින් කෝන්වේව දවාගැනීමට අසිත ප්‍රනාන්දු සමත් වද්දී ළහිරු කුමාර විසින් විලියම්සන්ගේ කඩුල්ල දවා ගත්තේය. ශ්‍රී ලංකා පිලට නව ජවයක් එකතු වුණු කඩුල්ලක් ලෙසින් විලියම්සන්ගේ කඩුල්ල සඳහන් කළ හැක. කුමාරගේ පන්දුවකට ඩ්‍රයිව් පහරක් එල්ල කිරීමට යෑමේදී එය කරුණාරත්නගේ පරෙස්සමට රැක ගත්තේය.

පෙරමුණ බිඳ වැටුණු නවසීලන්ත ඉනිමේ කොඳු නාරටිය බවට පත්වූයේ ටොම් ලේතම් වන අතර ඔහු තරගය අවසන් වීමට පන්දුවාර හෝරාවකට අඩු කාලයක් තිබියදී දැවී ගියේය. දැවී යන විටත් තම 27 වැනි ටෙස්ට් අර්ධ ශතකය සම්පූර්ණ කර ගැනීමට වමත් පිතිකරුවා සමත්වී සිටියේය. පන්දු යැවීමේදී අසිත ප්‍රනාන්දු සහ ළහිරු කුමාර කඩුලු 2 ක බැගින් දවා ගනිද්දී කසුන් රජිත එක් කඩුල්ලක් දවා ගත්තේය.

අද උදෑසන පන්දුවට පහර දුන් ශ්‍රී ලංකා කණ්ඩායම තවත් ලකුණු 50 කින් ලකුණු පුවරුව ඉහළ දමා ගත්තේය. ඊයේ නතර කළ තැනින් අද දිනය ආරම්භ කළද ධනංජය ද සිල්වාට රැස් කරගත හැකි වූයේ ලකුණු 07 ක් පමණි. මැට් හෙන්රිගේ පන්දුවක් හමුවේ ධනංජය ලකුණු 46 කට දැවී ගියද අවසන් පිතිකරුවන් සිවු දෙනා එක්ව ශ්‍රී ලංකා ලකුණු පුවරුවට ලකුණු 39 ක් එක් කළහ. කෙසේ වෙතත් උදෑසන දැවි ගිය කඩුලු 5 න් කඩුලු 2 ක් සමව දවා ගැනීමට මැට් හෙන්රි සහ ටිම් සවුති සමත්වූහ.

දක්ෂ පන්දු යැවීමක නිරත වුණු මෙම පන්දු යවන්නන් දෙදෙනා සිය පන්දු යැවීම නිමා කළේ පිළිවෙළින් ලකුනු 64 කට කඩුලු 5 ක සහ ලකුණු 80 ට කඩුලු 4 ක් වශයෙනි.

Recent Posts

  • ශ්‍රී ලංකාව පන්දු යැවීමට තීරණය කරයි
    නවසීලන්තයට එරෙහිව ඕක්ලන්ඩ්හිදී පැවැත්වෙන පළමු එක්දින තරගයේ කාසියේ වාසිය දිනා ගත් ශ්‍රී ලංකා නායක දසුන් ශානක පළමුව පන්දුවට පහර දීම සඳහා සත්කාරක නවසීලන්ත කණ්ඩායමට ආරාධනා කර සිටියේය. මෙම […]
  • අවධානම අඩු කර ගැනීමේ පළමු සටනට ශ්‍රී ලංකා පිල සූදානම් – දසුන්
    BY CHAMILA KARAWITA ලෝක කුසලාන ක්‍රිකට් තරගාවලියට සුදුසුකම් ලබා ගැනීම වෙනුවෙන් පැවැත්වෙන සුපිරි ලීග් තරගාවලිය යටතේ ශ්‍රී ලංකා කණ්ඩායම සහභාගිවන අවසන් එක්දින තරගාවලිය නවසීලන්ත කණ්ඩායමට එරෙහිව හෙට (25 […]
  • දඹුල්ල සිව්වැනි ජයත් සමඟින් අපරාජිතව ඉදිරියට
    නැෂනල් සුපර් ලීග් එක්දින සීමිත පන්දුවාර ක්‍රිකට් තරගාවලියේ අද (23 දා) රංගිරි දඹුලු ජාත්‍යන්තර ක්‍රීඩාංගණයේ පැවැති තරගයේදී ජැෆ්නා කණ්ඩායම ලකුණු 76 ක පරාජයකට ඇද දැමූ දඹුල්ල කණ්ඩායම පිට […]
  • කෲස්පුල්ලේගෙන් අනුකම්පා විරහිත පිතිහරඹයක්
    ශ්‍රී ලංකා ක්‍රිකට් ආයතනය විසින් මෙහෙයවනු ලබන නැෂනල් සුපර් ලීග් සීමිත පන්දුවාර ක්‍රිකට් තරගාවලියේ මූලික තරග වටය යටතේ අද (23 දා) පල්ලකැලේ ජාත්‍යන්තර ක්‍රීඩාංගණයේ පැවැති තරගයේදී ලකුණු 167 […]
  • යාපනයේ ක්‍රිකට් ගැන විතූෂාන් කතා කරයි
    යාපනයේ සිට පැමිණි තරුණි තරුණ ක්‍රිකට් ක්‍රීඩකයන් පස්දෙනෙකුම මේ වන විට අන්තර් සමාජ නියෝජනය කරමින් ජාතික මට්ටමෙන් තරග කරන අතර ඔවුනගේ අපේක්ෂාව වන්නේ ජාතික කණ්ඩායමට ඇතුළත්ව මව්බිමට කීර්තියක් […]
LKR Sri Lankan rupee

Pin It on Pinterest