slc
logo
Home   |    News
අප්‍රේල් 8, 2023
අවසන් අවස්ථාව ශ්‍රී ලංකාවෙන් ගිළිහෙයි

sinhala editor

විස්සයි-20 තරගාවලියේ ජයග්‍රාහකයින් කවුරුන්ද යන්න තීරණය කිරීම වෙනුවෙන් අවසන් අවස්ථාව වූ ක්වින්ස්ටවුන් නුවරදී අද පැවැති තෙවැනි සහ අවසන් විස්සයි-20 තරගයෙන් කඩුලු 4  ක තියුණු ජයක් වාර්තා කළ නවසීලන්ත කණ්ඩායම තරග 3 කින් සමන්විත විස්සයි-20 තරගාවලිය 2-1 ක් ලෙස ජයග්‍රහණය කළේය.

කුසල් මෙන්ඩිස්ගේ ලකුණු 73 ක අනර්ඝ ඉනිම මත ශ්‍රී ලංකා කණ්ඩායම රැස් කළ ලකුණ 182 ක ලකුණු සංඛ්‍යාව හඹා ගිය නවසීලන්ත පිතිකරුවෝ පන්දුවක් ඉතිරිව තිබියදී අපේක්ෂිත ඉලක්කය කරා ළඟා වූහ. අවසන් පන්දුවාරයේදී ලකුණු 10 ක් ලබා ගැනීමේ අභියෝගය ඇතිව පන්දුව භාර ගත් ළහිරු කුමාරගේ පළමු පන්දුවට මාක් චැප්මන් විසින් හයේ පහරක් එල්ල කළද ඉතිරි පන්දු තුනේදී චැප්මන් ඇතුළු පිතිකරුවන් දෙදෙනකු පිට පිට පන්දු 3 කදී දැවී යෑම නිසා තරගය යළිත් ශ්‍රී ලංකාවට විවෘත විය. මෙම කඩුලු 3 දැවී යෑමේදී ‌ජිමී නිශම් දුවද්දී දැවී ගියත් ළහිරු කුමාරගේ පිට පිට පන්දු 3 කදී කඩුලු 3 ක් ලෙස සටහන් විය.

පන්දු 3 කදී ලකුණු 3 ක් ලෙස සටහන්ව තිබියදී ළහිරු කුමාර විසින් යවන ලද පන්දුව කඩුලු රකින කුසල් මෙන්ඩිස් අතට ගොස් නැවතත ලබා දෙන අවස්ථාවේදී ළහිරු කුමාරට හරියාකාරව එය රැක ගැනීමට නොහැකිවීම නිසා සිව්වැනි කඩුල්ල දවා ගැනීමේ තිබූ අවස්ථාව මඟ හැරිණ.

එම ඉලක්කය හඹා යෑමේදී දැවැන්ත කාර්යය භාරයක් කළ ටීම් සීෆර්ට් පන්දු 48 කදී ලකුණු 88 ක් ලබා ගත්තේ පසුපෙළට පීඩනය අඩු කරමිනි.  සීෆර්ට්ගේ ඉනිම හයේ පහර 3 ක් සහ හතරේ පහර 10 ක් ඇතුළත් විය.

බෝව්ස් සමඟ ලකුණු 53 ක සම්බන්ධතාවක් පැවැත්වූ සීෆර්ට් නායක ලෙතම් සමග ලකුණු 84 ක සම්බන්ධතාවක් පැවැත්වීමට සමත්වීම නිසා නවසීලන්ත කණ්ඩායමට ඉලක්කය පහසු විය. එය පන්දු සහ ලකුණු වලින් සඳහන් කළහොත් පන්දු 23 කදී ලකුණු 29 ක් විය.

10 වැනි පන්දුවාරය වන විට ආරම්භක පිතිකරුවා වූ පැතුම් නිස්සංක දැවී යන විටත් ශ්‍රී ලංකා පිල ලකුණු 76 ක් ලබා සිටියේය. වේගවත් ඉනිමක් කුසල් මෙන්ඩිස් ක්‍රීඩා කළත් කඩුල්ල ආරක්ෂා කරගත් පැතුම් නිස්සංක පන්දු 25 කදී රැස් කරගෙන සිටියේ ලකුණු 25 ක් පමණි.

ශ්‍රී ලංකා ඉනිමේ පන්දු වාරයේදී පිතිකරුවන් රැස් කිරීමට සමත් වූයේ ලකුණු 03 ක් පමණක් වීමේ වාසිය නවසීලන්ත පිල සතුවිය. එම පන්දුවාරයේදී පන්දු 6 දී ශ්‍රී ලංකා පිලට රැස් කර ගත හැකි වූයේ ලකුණු 3 ක් පමණි.

ශ්‍රී ලංකාව පන්දුවාර 20 කදී කඩුලු 6 ක් දැවී ලකුණු 182 යි  – (පැතුම් නිස්සංක 25, කුසල් මෙන්ඩිස් 73, කුසල් පෙරේරා 33, ධනංජය ද සිල්වා 20, දසුන් ශානක 15, බෙන් ලිස්ටර් 37/2)

නවසීලන්තය පන්දුවාර 19.5 කදී කඩුලු 6 ක් දැවී ලකුණු 183 යි – (ටිම් සීෆර්ට් 88, චැඩ් බෝව් 17, ටොම් ලේතම් 31, ඩැරල් මිචෙල් 15, මාක් චැප්මන් 15, ළහිරු කුමාර 38/3, මහීෂ් තීක්ෂණ 22/1, ප්‍රමෝද් මදුශාන් 38/1)

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

USD United States (US) dollar