slc
logo
Home   |    News
මැයි 2, 2023
දෙවැනි එක්දින තරගයත් වර්ෂාවට සේදෙයි

sinhala editor

ශ්‍රී ලංකාවේ තරග සංචාරයක නිරතව සිටින බංග්ලාදේශ කාන්තා කණ්ඩායම සහ ශ්‍රී ලංකා කාන්තා පිල අතර අද (02 දා) ‌කොළඹ පී. සරා පිටියේ පැවැත්වීමට නියමිතව තිබූ දෙවැනි එක්දින තරගයත් වර්ෂාව හේතුවෙන් එකම පන්දුවක් හෝ නොයවා අතහැර දැමීමට සිදුවිය.

පෙර දින රාත්‍රියේ සිටම ඇද හැළුණු වර්ෂාව අද උදෑසන කාලයේ සිටම අඛණ්ඩව පැවැති නිසා තරගය ප.ව. 12.00 ට අත හැර දැමීමට විනිසුරුවෝ පියවර ගත්හ. මෙම තත්ත්වය මත දෙපිළම අද තරගය ක්‍රියාත්මක පී, සරා ඔ්වල් පිටියට පැමිණීමට වැළකී සිටියහ.

තරග 3 කින් සමන්විත එක්දින තරගාවලියේ පළමු තරගයත් වර්ෂාව නිසා පන්දුවාර 36.4 කට සීමා වීය. ඒ වන විටත් පන්දුවට පහර දෙමින් සිටි ශ්‍රී ලංකා කාන්තාවෝ කඩුලු 6 ක් දැවී ලකුණු 152 ක් ලබා සිටියහ.

ජාත්‍යන්තර ක්‍රිකට් කවුන්සිලය විසින් පත්වනු ලබන පන්දුවාර 50 කාන්තා ලෝක කුසලාන තරගාවලියට සුදුසුකම් ලබා ගැනීම වෙනුවෙන් පවත්වනු ලබන මෙම තරගාවලියේදී තරග 2 ම විසදුමකින් තොරව අවසන් වීම නිසා ශ්‍රී ලංකා පිලට ප්‍රසාද ලකුණු 02 ක් හිමිවිය. කෙසේ වෙතත් මෙතෙක් තරගාවලියේ තරග 8 කට ක්‍රීඩා කර ඇති ශ්‍රී ලංකා පිල ලබා ඇත්තේ එක් ජයග්‍රහණයක් පමණක් බැවින් ඔවුන් ලබා සිටින මුලු ප්‍රසාද ලකුණු සංඛ්‍යාව 08 ක් වේ. ඒ අනුව ශ්‍රී ලංකාව එම ප්‍රසාද ලකුණු සටහනේ රැදී සිටින්නේ 8 වැනි ස්ථානයේය.

මෙම ලෝක කුසලාන සුදුසුකම් ලැබීමේ තරගාවලියේදී ශ්‍රී ලංකාවට තරග 3 බැගින් වූ තරගාවලි 8 කට ක්‍රීඩා කිරීමට නියමිතව තිබේ. 2025 වසරේ ඉන්දියාවේ පැවැත්වීමට නියමිත කාන්තා එක්දින ලෝක කුසලාන ක්‍රිකට් තරගාවලියට සෘජුව සුදුසුකම් ලබන්නේ සත්කාරක ඉන්දියානු කණ්ඩායම සහ ප්‍රසාද ලකුණු සටහනේ ඉහළින්ම සිටින කණ්ඩායම් 6 වේ. ඒ අනුව යම් කණ්ඩායමක් ප්‍රසාද ලකුණු පුවරුවේ හත්වැනි ස්ථානයට පහළින් මූලික වටය අවසන් කරන්නේ නම් 2025 ලෝක කුසලාන තරගාවලියට සහභාගිවීම සඳහා සුදුසුම් සපුරාලන්නේ සුදුසුකම් ලැබීමේ තරගාවලියකට ක්‍රීඩා කරමින් දක්වන දක්ෂතා මත පදනම්වය.

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

LKR Sri Lankan rupee