slc
logo
Home   |    News
ජූනි 22, 2023
අවු. 23න් පහළ කාන්තා දිස්ත්‍රික් ශූරතාවලියේ ජය ගාල්ලට

sinhala editor

දිස්ත්‍රික්ක 25 කගේ සහභාගිත්වයෙන් ශ්‍රී ලංකා ක්‍රිකට් ආයතනය විසින් පවත්වන ලද අන්තර් දිස්ත්‍රික් කාන්තා වයස අවුරුදු 23 න් පහළ ක්‍රිකට් තරගාවලියේ ශූරතාව දිනා ගැනීමට ගාලු දිස්ත්‍රික් කණ්ඩායම අද (22 දා) සමත්විය. මග්ගොන සරේ ක්‍රීඩාංගණයේ පැවැති මෙම අවසන් මහ තරගයේදී ගාල්ල කණ්ඩායම හමුවේ ලකුණු 18 කින් පරාජයට පත්වූයේ ගම්පහ දිසත්‍රික් කණ්ඩායමය.

කාසියේ වාසියත් සමඟම පළමුව පන්දුවට පහර දුන් ගාලු කණ්ඩායම පන්දුවාර 18.2 කදී ලකුණු 92 කට සීමා කිරීමට ගම්පහ පන්දු යවන්නියෝ සමත් වුවත්, එය හඹා යෑමේදී පන්දු වාර 20 අවසානයේ ගම්පහ පිලේ පිතිකාරිණියන්ට කඩුලු 9ක් දැවී ලබාගත හැකි වූයේ ලකුණු 74ක් පමණි.

ගාලු කණ්ඩායමේ ලකුණු සංඛ්‍යාව හඹා යෑම සඳහා පිටියට පිවිසි ආරම්භක පිතිකාරිණියන් දෙදෙනා වූ නෙත්මි ගුණරත්න (11) සහ නිමේෂා තරුණි (08) ආරම්භක කඩුල්ලට ලකුණු 20ක් රැස් කළත් සෙසු පිතිකාරිණියන් නවදෙනෙකුම (09) දැවී ගියේ අඩු ලකුණු සංඛ්‍යාවන්ටය. ගම්පහ කණ්ඩායමේ වැඩිම ලකුණු හලාභිනිය වූ සඳලි වීරසිංහ ලකුණු 16ක් ලබා ගත්තේ පන්දු 30කට මුහුණදී හතරේ පහරක් සමඟිනි.

ගෝල් කණ්ඩායමේ ශෂිනි ගිම්හානි පන්දු යවන්නියන් අතුරින් කැපී පෙනුණේ ලකුණු 14කට කඩුලු තුනක්ම දවාලමිනි.

මුලින් පන්දුවට පහර දුන් ගෝල් කණ්ඩායම පන්දු වාර 18.2කදී සියලුම ක්‍රීඩිකාවන් ලකුණු 92කට දැවී ගියේ පන්දු වාරයකට සාමාන්‍ය ලකුණු 5.02ක වේගයක් රඳවා ගනිමිනි.

ගෝල් ඉනිමේ හොඳම සබඳතාවය වාර්තා වූයේ අංක තුන පිතිකාරිණිය නෙතාගි ඉසුරංජලී (30) සහ ආරම්භක පිතිකාරිණිය හිරුණි හංසිකා (08) දෙවන කඩුල්ලට පන්දු 23කදී රැස් කළ ලකුණු 29 වේ.

වැඩිම ලකුණු ලාභිනිය වූ නෙතාගි ඉසුරංජලී ලකුණු 30ක් රැස් කළේ පන්දු 43කට මුහුණදී හතරේ පහර දෙකක් සමඟය. ගෝල් කණ්ඩායමේ සම්පූර්ණ ඉනිමටම අයත් වූයේ හතරේ පහර හයක් පමණකි.

කණ්ඩායමේ දෙවැනි වැඩිම ලකුණු ලාභිනිය වූ අංක හත පිතිකාරිණිය සුමුදු නිසංසලා ලකුණු දහයක් රැස් කළේ පන්දු 17කට මුහුණ දීමෙනි. නායිකාව සුලේෂා සත්සරණි පන්දු පහකදී ලකුණු හතක් ලබා ගත්තේ හතරේ පහරක් ද සමඟය.

ගම්පහ කණ්ඩායමේ හසිනි විජේසිංහ, නිපුනි නවෝද්‍යා සහ කවිෂිකා කෂ්මිකා කඩුලු දෙක බැගින් දවාලූහ.

මෙම අවසන් මහ තරගය ශ්‍රී ලංකා ක්‍රිකට් ආයතනයේ උප සභාපති රවීන් වික්‍රමරත්න සහ කාන්තා ක්‍රිකට් අංශ සංවර්ධන සහ මෙහෙයුම්දේ උපදේශක ලුතිනන් කර්නල් මනුජ කාර්යප්පෙරුම සහ කාන්තා ක්‍රිකට් උපදේශිකා සුසන්තිකා ජයසිංහ යන මහත්ම මහත්මීන්ගේ සහභාගිත්වයෙන් පැවැත්විණ.

ලකුණු පුවරුව

ගාලු කණ්ඩායම පන්දු වාර 18.2කදී සියල්ල දැවී 92යි  – (නෙතාගි ඉසුරංජලී 30, සුමුදු නිසංසලා 10, හිරුණි හංසිකා 08, සුලේෂා සත්සරණි 07, හසිනි විජේසිංහ 22/2, නිපුනි නවෝද්‍යා 14/2, කවිශ්කා කෂ්මිකා 22/2යි)

ගම්පහ පන්දු වාර 20 අවසානයේ කඩුලු 9ට 74යි – (සඳලි වීරසිංහ 16, නෙත්මි ගුණරත්න 11, නිමේෂා තරුණි 08, කාව්‍යා පෙරේරා නොදැවී 09, ශෂිනි ගිම්හානි 14/3, ලක්ෂි අභිමානි 10/2)

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

USD United States (US) dollar